Fuente Ymbroko zezenek entzierro polit eta garbia utzi dute, aurtengo bizkorrena
Entzierroetako korrikalariei gustatzen zaizkien moduko lasterketak ikusi dira gaurkoan Iruñeko karriketan, biziak eta korrika egiteko tarteekin. Fuente Ymbro ganadutegiko zezenak bizkor eta zintzoak izan ohi dira, eta laugarren entzierro honetan halaxe jardun dira.
Aurtengo sanferminetako entzierro arinena izan da (2' 18''), baita garbienetakoa ere. Lau pertsona artatu dituzte erietxeetan, baina hiruk senda agiria jaso dute eguerdirako.
Ia ibilbide osoan anaituta izan dira animaliak, tarteka —Udaletxe inguruan eta zezen plazako kalezuloan— bereiz ibili badira ere. Ziztu bizian ibili dira, erorketarik gabe. Hori horrela, korrikalariak gustura ibili dira euren aurretik, Estafetan lasterketa ikusgarriak utzita.
Hain justu, kale honetan izan dira une arriskutsuenak. Zezenak ezkerreko zatitik joan dira, eta lasterkarietako bat animalien eta hormaren artean geratu da harrapatuta. Animalietako batek adarra hanka gainean jarri dio gazteari, baina ez dio sartu.
Nafarroako Unibertsitate Ospitaleak emandako balantzearen arabera, lau pertsona eraman dituzte erietxera, bakar bat ere ez adarkatuta. Hiruri eman eguerdian eman diete senda agiria: Mercaderesen besoan kontusioa jaso duen bati, zezen plazan aurpegian makadura izan duen beste bati, eta Mercaderes inguruan, sudurrean kontusioa izan duen hirugarrenari. Ospitalean jarraitzen du Telefonicako zatian hankan kolpea hartu duen laugarren korrikalaria.
Gaurko lasterketari ekin aurretik, duela 15 urte halako egun batez entzierroan hildako azken korrikalariaren (Daniel Gimeno madrildarra) aldeko omenaldia egin dute. Jandillako zezenek adarkadaz hil zuten 2009an.
Zure interesekoa izan daiteke
Dermatosi Nodular Kutsakorra gaitza zabaltzea eragozteko neurriak zorroztu ditu Jaurlaritzak
Joan den hilean hartutako neurriei, beste bi gehituko zaizkie. Besteak beste, EAEra beste toki batzuetako ustiategietako behi-aziendak iristen direnean, albaitari ofizialen zaintzapean egongo dira 21 egunez.
DYAko presidente ohiaren iruzurra egiaztatu dute lekukoek, akusazioaren ustez
Epaiketak asteartean jarraituko du bi auzipetuen deklarazioarekin, eta ondoren aldeek behin betiko txostenak aurkeztuko dituzte.
Osasun teknikariek laugarren greba eguna izan dute Europako kideekin parekatzeko helburuarekin
Goi-mailako teknikariek eta osasun-espezialistek laugarren greba eguna izan dute Estatu osoan, Europan unibertsitate-graduak diren titulazioak Espainiar estatuan Lanbide Heziketa bidez eskuratzen dituztela salatzeko. Horrez gain, Erizaintzako tratamendu eta jarraipeneko lanbideetatik bereizitako profil profesional bat aitortzeko eskatzen dute.
Osakidetzak iaz baino % 11 txerto gehiago jarri ditu, eta gripearen aurka immunizatzeko deia egin du
75 urte baino gehiago edo gaixotasun kronikoren bat dutenek, nahi izanez gero, zita eskatu dezakete gripearen eta covidaren aurkako txertoa hartzeko.
Ikertu gisa deklaratu duen ertzainak ukatu egin du Amaya Zabarteri buruan ostikoa eman izana
Iazko martxoan, Realak eta PSGk jokatu zuten partidan ertzainek foam pilotak jaurti eta zauriak eragin omen zizkieten bi emakumeen salaketen instrukzioak beste pauso bat eman du gaur. Familiek behin eta berriro eskatu dituzten ertzainen deklarazioak hasi dira Donostian.
GOIDIaren biktimak: "Gure senideak ez zituen klimak hil, kudeaketa txarrak eta zientziarekiko errespetu faltak baizik"
GOIDIAren Biktimen Elkartearen presidenteak, Rosa Alvarezek, deitoratu egin du Kongresuko ikerketa-batzordeak kondenatzeko legezko baliorik ez izatea, eta, "garaipen soziala" dela esan duen arren, azpimarratu du oraindik pauso handi bat geratzen dela emateko: Mazon espetxera bidaltzea.
Ezkutatutako gailuak baliatuta gidabaimen-azterketan kopiatzen saiatu diren bi lagun harrapatu dituzte Bilbon
Agente batzuk ohartu ziren bi gizonek jarrera urduria eta antinaturala zutela, eta bularra ordenagailuaren pantailaren ondoan zutela azterketa egin bitartean.
Shein, AliExpress, Temu eta Wish jomugan, haur itxurako panpina sexualak saltzeagatik
Frantziako Gobernuak Shein plataforma debekatzearekin mehatxu egin du, panpina horiek merkatutik erretiratzen ez baditu. Online merkataritzako erraldoia, bere aldetik, Frantziako Justiziarekin kolaboratzeko prest agertu da, Parisko Fiskaltzak ikerketa abiatu ondoren.
Gizon batek bikotekidea hil du Zaragozan
Auzokideek Polizia Nazionalari deitu diote, bikotearen etxean liskar gogor bat izan dela jakinarazteko. Patruila bat bertaratu da, eta emakumearen gorpua aurkitu dute, labankadak dituela. Ustezko hiltzailea dagoeneko atxilotu dute.
Nortzuk dira Espainiako aberatsenen Forbesen zerrendan agertzen diren bost euskal herritarrak?
Daniel Mate donostiarra (Glencore) da euskal ordezkaritzaren buru Forbesen zerrendan. Ondoren, De Urrutia, Ybarra eta Arregui familiak eta Jose Antonio Jainaga siderurgiako enpresaburua daude. Burtsak gorabehera, Euskal Herriko aberatsek Estatuko mapa ekonomikoan duten indarrari eutsi diote.