Erakundeek bosgarren urtez gogoratu dituzte EAEn covid-19aren ondorioz hil ziren 8.000 pertsonak
Beste urte batez, bosgarrenez, covid-19ak EAEn utzi zituen 8.000 biktimak oroitzeko ekitaldia egin dute larunbat honetan Gasteizen. Sempervirens parkean landatutako sekuoia gaztearen aurrean lore sorta bat ipini dute erakundeetako ordezkariek, Alberto Martinez Osasun sailburua buru zutela.
"Gure bizitzetan mugarri izan den" covid-19aren ondorioz Araban, Bizkaian eta Gipuzkoan hil ziren 8.000 pertsonak gogoratu ditu sailburuak. "Eusko Jaurlaritzako Osasun sailburua naizen aldetik, ez ditut biktima horiek guztiak ahaztu nahi, eta elkartasuna adierazi nahi diet gehien pairatu zutenei, ez baitugu ahaztu nahi, zenbakiez haratago, familiak eta pertsonak daudela", esan du.
Gainera, gogoeta egiteko probestu du ekitaldia, "batetik, galdu dugunari buruz, eta, bestetik, aurrera egitera bultzatu gintuena balioesteko, hala nola elkartasuna, enpatia, apaltasuna eta talde-lana; horiek guztiak kontuan hartzen ditugu Euskadi hobea eraikitzen jarraitzeko".
Ildo horretan, gogorarazi du egoera ezezagun baten aurrean osasun-sistemak, erakundeek eta gizarteak, oro har, bat egin behar izan zutela horri aurre egiteko, "lehentasuna beti osasunaren defentsa izan baita, bereziki pertsona kalteberena".
Omenaldi horrek Alzheimerraren Munduko Egunarekin bat egin duenez, sailburuak gaixotasun hori duten Euskadiko 30.000 pertsonak gogoratu ditu, eta adierazi du eritasun horiei heltzea lehentasuna izan dela beti, eta gobernu gisa lanean jarraituko dutela Euskadin alzheimerra duten pertsona guztien eta haien familien bizi-kalitatea hobetzen jarraitzeko.
Osasun sailburuarekin batera, besteak beste, Enrique Peiro Osasun sailburuordea eta Maider Etxebarria Gasteizko alkatea izan dira bertan.
Sempervirens parkea
Eusko Jaurlaritzak eta Gasteizko Udalak sekuoiaren parkea egokitu zuten 2020an, eta Sempervirens parkea izendatu zuten, covid-19aren biktimak oroitu eta elkartasuna agertzeko.
Birmoldaketa horretan, 1860an landatu eta 2014an lehortu zen sekuoia erraldoia mantentzea erabaki zuten, eta parke horren inaugurazioan, sempervirens espezieko sekuoia gazte bat landatu zuten, covid-19aren eraginez hildako pertsonen bizitza eta oroimen etengabea irudikatzeko.
Albiste gehiago gizartea
Euskal Selekzioak eta Palestinak lagunarteko futbol partida jokatuko dute San Mamesen azaroaren 15ean
Espainiako agintarien arabera, ez da kirol ekitaldi huts bat izango, eta Palestinan pairatzen ari diren "giza eskubideen urraketa guztiak" ikusarazteko ere baliatuko dute lagunartekoa.
Baso-sute arriskua oso handia izango da Nafarroan ostegunetik larunbatera
Aurreikuspenen arabera, arriskua nabarmen murriztuko da larunbateko azken orduan, prezipitazio-fronte bat sartuko baita.
Euskararentzat "arkitektura juridiko berria" eskatu du Kontseiluak, "langile publikoek euskararen ezagutza izatea" bermatzeko
Euskalgintzaren Kontseiluak eta Bagera Donostiako euskaltzaleen elkarteak deituta, bilkura egin dute, arratsaldean, Donostiako epaitegi batek euskararen aurka kaleratu berri duen epai bat salatzeko. Idurre Eskisabel Kontseiluko idazkari nagusiaren hitzetan, "ezinbestekoa da euskarari behar duen arkitektura juridiko berria eskaintzea", "botere judizialetik ezarritako blokeoa gainditzeko".
Palestinaren aldeko mobilizazioak egingo dituzte ostegunean Hego Euskal Herrian
Protestak eguerdian eta arratsaldean izango dira, Gasteizen, Bilbon eta Iruñean.
EHUk 247 milioi euroko egitasmoei uko egin die Israelen parte hartzea dutelako
Joxerramon Bengoetxea errektorearen hitzetan, “herri palestinarraren genozidioaren auzia lehentasuna da” EHUrentzat. Gogorarazi du 2024ko apiriletik ez dutela harremanik Palestinan egindako krimenak gaitzesten ez dituzten unibertsitate eta erakundeekin.
EHUk uko egin dio 247 milioi euroko ikerketa-proiektuetan parte hartzeari, Israelekin loturak zituztelako
Joxerramon Bengoetxea Euskal Herriko Unibertsitateko (EHU) errektoreak asteazken honetan berretsi duenez, "Palestinako herriaren genozidioaren auzia lehentasuna da gure unibertsitatean", eta aditzera eman du EHUk uko egin diela, azken hilabeteetan, 247 milioi euroko ikerkuntza-proiektuei, biomedikuntzaren edo konputazio-zientzien arloetan, proiektu horiek Israelgo estatuarekin zuten loturagatik. Agerraldian, Bengoetxeak Europako Batzordeari eta Espainiako Gobernuari eskatu die Israelgo unibertsitateak, ikerketa-zentroak eta erakundeak bazter utz ditzatela ikerketa elkarlanak, akademikoak edo kulturalak laguntzeko europar funtsetatik.
Labar pinturak dituen historiaurreko aztarnategi bat aurkitu dute Gamiz-Fikan
Bizkaiko Foru Aldundiak jakinarazi duenez, Juan Carlos Lopez Quintanak eta Juan Carlos Izagirrek aurkitu zuten, Atxispeko San Pedro ermitaren ingurunea berreskuratzeko interbentzio programa baten baitan, 2025eko ekainaren 26an. Haitzuloa ikertu duten adituen arabera, eremu kantauriarrean dokumentatutako lehen hipogeo mistoa da.
Pertsona bat hil da Tafallan furgoneta baten eta uzta biltzeko makina baten artean izandako istripuan
Polizia-iturriek jakitera eman dutenez, istripua 09:00etan gertatu da, NA-132 errepidean, Tafalla parean, eta hildako pertsona furgonetan zihoana da.
San Mamesera sartzeko inguruak jarraitzaile zuri-gorriz bete dira, Txapeldunen Ligako hitzorduan
Zuri-gorriek Arsenalen aurka neurtuko dituzte indarrak astearte honetan, Txapeldunen Ligako 1. jardunaldiko neurketan. Athleticeko milaka zale bildu dira gaur arratsaldean partida honetan, taldea animatzeko helburuarekin.
Osakidetzak 10.000 haurtxo immunizatuko ditu bronkiolitis akutuaren aurka
Hasieran, katarroaren antzeko sintomak agertzen dira, hala nola mukiak, eztula edo sukarra, baina egun batzuen buruan beste sintoma batzuk ager daitezke, adibidez, arnasa hartzeko zailtasunak, txistuak edo nekea, eta neke horrek esnea hartzean eragiten die haurtxoei.