Lankideei ur botila batera lixiba bota zien emakume baten kaleratzea berretsi du EAEko Auzitegi Nagusiak
Euskal Autonomia Erkidegoko Justizia Auzitegi Nagusiak bidezkotzat jo du lankideei ur botila batera lixiba botatzeagatik emakume bat enpresatik kaleratzea. Bere defentsan, emakumeak esan zuen lankideek baimenik gabe edaten zutela bere botilatik eta, "pazientzia agortu" zitzaionean, "eskarmentatzeko" bota zuela lixiba botilara.
Gaur kaleratutako epaiarekin, Donostiako Lan Arloko Epaitegiaren ebazpena berretsi du Auzitegi Nagusiak, "kaleratzea emakumearen jokaerarekiko proportzionala" izan zela argudiatuz.
2023ko azaroan izan ziren gertakariak. Gipuzkoako kiroldegi batean garbiketa lanak egiten zituen emakumeak ur botila batera lixiba bota zuen, eta hozkailuan gorde. Bere azalpenen arabera, lankideek sarritan edaten zuten bere botilatik, eta inoiz zakarrontzira bota ere bai. Horren aurrean, egun batean, lixiba bota eta bere izena tapoian idatzita gorde zuen botila.
Handik bi egunera, lankide batek botila hartu eta ura bakarrik zuelakoan edan egin zuen. Antza, berehala ohartu zen ura ez beste zerbait zuela. Emakumeari kontuak eskatu, eta hark aitortu egin zion lixiba bota izana.
Larrialditan artatu zuten lixiba edan zuen lankidea, eta probak egin ondoren, ez zioten zauririk atzeman. Ondoren, enpresak kaleratu egin zuen egilea, bere jokabideagatik. 2014tik zegoen kontratatuta.
Donostiako Lan Auzitegira jo zuen orduan kaleratutako emakumeak, eta epaileak ontzat eman zuen enpresaren erabakia. Gaur Auzitegi Nagusiak erabakia berretsita, epaia oraindik ez da irmoa, eta Auzitegi Gorenean helegitea jartzeko aukera du salatzaileak.
Albiste gehiago gizartea
Jaialdiak amaiera borobila eman dio Boisen, sei egun zirraragarriren ostean
Ekitaldiak zortzigarren edizioa itxi du, 1987an sortu zenetik izandako arrakastatsuenetako eta jendetsuenetako bat bezala.
Palestinarekin Elkartasuna plataformak euskal hiriburuetako jaietan mobilizatzeko deia egin du
Plataformak "hipokrisia" leporatu die gobernuei eta hedabideei, eta manifestazioak deitu ditu Gasteizen (abuztuaren 6an), Donostian (abuztuaren 10ean), Bilbon (abuztuaren 15ean) eta manifestazio nazionala Iruñean (urriaren 4an).
Bilboko kale-saltzaileen aurkako sarekadak areagotu direla salatu dute
Udaltzainenganako errespetua eskatu du Bilboko Udalak. Manteroek diote euren egoera legeztatzea ezinbestekoa da bestelako lanetarako aukera izateko. Sarekadak salatzeko protesta deitu du biharko Bizkaiko Manteroen Elkarteak.
Bi atxilotu Gasteizen, gizon bati indarkeriaz lapurtzea leporatuta
04:15 aldera jazo da lapurreta, hiriburuko parke baten inguruan. 31 eta 29 urteko atxilotuak epailearen esku utziko dituzte, beharrezko izapideak amaitutakoan.
Atxilotu bat Ordizian kokaina, 10.000 euro eta kontrabandoko tabakoa zeramala
Gidaria atxilotu dute substantzia estupefazienteen trafikoko ustezko delitua egotzita, eta deklaratu gabeko tabakoa edukitzeagatik.
Tigre-eltxoaren kontrako fumigazio lanak egin dituzte bart Hendaian
Lapurdin chikungunya gaitzaren lehen kasua agertu ondoren egin dituzte desinfekzio lanak, Hendaiako igerilekutik, tren geltokiraino. 22:00etatik 07:00ak arte kaleak erabat itxita egon dira, eta bizilagunek agintarien aginduak errespetatu behar izan dituzte. Herritarrak kezkatuta agertu dira, ez dakitelako zer-nolako eragina izan dezakeen erabilitako produktuak haien egunerokotasunean. Fumigazioaz arduratutako enpresak dio erabilitako produktua ez dela kaltegarria, eta tigre-eltxoen % 80 bat hiltzea lortzen dutela.
20.000 sinadura, txosnak Euskal Herriko ondare inmaterial izendatzeko
Bizkaiko, Gipuzkoako eta Arabako txosnen batzordeek adierazi dute jaigune horiek "arriskuan" daudela, eta ondare inmaterial izendatzeko eskaera sinatzen eta zabaltzen jarraitzeko deia egin dute.
Zeledonek prest ditu aterkia eta ardo-zahatoa, kanpandorretik jaitsi eta Andre Maria Zuriaren jaiei hasiera emateko
Zuzeneko musikak, kalejirek, ekintza herrikoiek eta familia guztientzako proposamenek beteko dituzte Gasteizko kaleak abuztuaren 4tik 9ra, sei eguneko jai giroan.
Karabela portugaldarrak topatu dituzte Bakioko hondartzan beste egun batez uda honetan
Goizean, marmokak ikusi dituzte Bizkaiko zazpi hondartzatan, eta, atzo arratsaldean, Zurriolako hondartzan bainua hartzea debekatu behar izan zuten, karabela portugaldarrek eragindako "ziztada ugari" zenbatu baitzituzten, horietako batzuk nahiko larriak.
Auroroek Gasteizko Alde Zaharrean barrena abestu dute, Andre Maria Zuriaren jaietarako deia eginez
Igande honetan izandako Arrosarioaren Prozesioak milaka gasteiztar bildu ditu, Andre Maria Zuriaren horma-hobiaren aurrean hasita eta San Migel elizan egindako meza batekin bukatuta.