Umeen Gabonetako Parkeak abenduaren 14an irekiko ditu ateak
Umeen Gabonetako Parkeak abenduaren 14tik urtarrilaren 5era irekiko ditu ateak, Barakaldoko (Bizkaia) Bilbao Exhibition Centren (BEC), eta, guztira, 33 atrakzio izango ditu; horietako bederatzitan, langile laguntzaileak egongo dira, ilarak arintzeko eta barraken aprobetxamendua maximizatzeko.
Urteroko hitzorduaren 58. edizioa da aurtengoa, eta "jarduera originalak, atrakzio berriak eta sorpresa ugari" izango ditu, antolatzaileek aurreratu dutenez.
"Balioekin dibertitzea" helburu hartuta, aurten ere, Umeen Gabonetako Parkearen erakunde laguntzaileek "familia osoa harrituko duten proposamen berritzaileak" ekarriko dituzte.
Jarduerak, jokoak eta txapelketak oinarrizko sei printzipiotan oinarrituta egingo dira: Elkartasuna, Gizabidea, Iraunkortasuna, Berdintasuna, Familia eta Bizimodu Osasungarria. Jarduera horien artean, lehen aldiz, pickleball gune bat egongo da.
1., 3. eta 5. pabiloiek proposamen horiek guztiak hartuko dituzte. 33 atrakzioz gain, "esperientzia atseginenetatik hasi eta ausartenentzako diseinatutako pendulua eta antzeko atrakzio zirraragarrietaraino" izango dira, antolatzaileek iragarri dutenez.
Gainera, ahalik eta jende gehienak erosotasunez goza dezan, instalazio ezagunenetako batzuek bi unitate izango dituzte: itsasontzi piratak, talka-autoek, kanguruak eta ninja dortokek. Halaber, aurtengo edizioan puzgarriek eremu zabalagoa izango dute.
Hitzorduan, Gabonetako klasikoak ez dira faltako: izotz pista, kart elektrikoak, zezen mekanikoak, ohe elastikoak eta lehiaketak eta ikuskizunak.
Era berean, aurreko edizioan lortu zuten balorazio positiboari erantzunez, jende gehien hartu ohi duten bederatzi atrakzioetan laguntzaileak izango dira aurten ere, parte-hartzaileen fluxua optimizatzeko.
Aurtengo berritasunetako bat Olentzero eta Mari Domingiren bisita izango da, abenduaren 14an eta 15ean.
Gainera, abenduaren 14an, 15ean eta 16an, parkeak berariazko neurriak izango ditu bertaratutakoen behar funtzionalei aurre egiteko. Alde batetik, argiak eta soinuak erregulatuko dituzte ingurune lasaiago bat sortzeko, eta, bestetik, Desgaitasuna Egiaztatzeko Txartela aurkeztuta, sarrera eta irteera libreko eskumuturreko bat eskuratu ahal izango da, sarbidea erosoagoa eta malguagoa izan dadin.
Ordutegi orokorra 11:00etatik 20:00etara izango da, abenduaren 24an eta 31n eta urtarrilaren 5ean izan ezik. Aipatutako egunetan parkea 11:00etatik 17:00etara izango da zabalik. Jaiegunetan (abenduaren 25ean eta urtarrilaren 1ean) itxita egongo da, eta abenduaren 16tik 19ra 10:00etatik 19:00etara egongo da zabalik.
Zure interesekoa izan daiteke
Iraungitako txertoa jaso zuten 23 pertsonari txerto hexabalentea jarri diete berriro
Alberto Martinez Osasun sailburuak azaldu duenez, iraungitako txerto hexabalentea beste 29 pertsonari ere jarri ote zitzaien ikertzen ari dira, baina erregistroan egindako akatsak izan daitezkeela aurreratu du. Dena den, txertoen intzidentzia "bideratuta" dagoela eta orain gertaturikoa argitzea falta dela nabarmendu du.
Hiru pertsona atxilotu dituzte Obanosen, horietako bat larri zaurituta, etxebizitza batean izandako leherketa batean
Lehen hipotesien arabera, hiru atxilotuak leherketa eragin duen osagairen bat manipulatzen ari ziren.
Espainiako Gobernuak sare sozialetan sartzea debekatuko die 16 urtetik beherakoei
Pedro Sanchezek iragarri du Espainiak sare sozialen zuzendariak erantzule egingo dituela legez kanpoko eta gorrotozko edukiengatik.
Goiz gorabeheratsua Kataluniako Rodaliesen, zirkulazioa bi bider eten da eta
Lehen mozketa 07:10 eta 07:15 artean gertatu da; bigarrena, berriz, 08:08 eta 08:19 artean. Renfek adierazi duenez, trenak normaltasunez dabiltza dagoeneko.
38 urteko gizon bat hil da Bergaran, auto batek harrapatuta
Ezbeharra 07:15ean gertatu da, Ibarra kalean.
Auto-ilarak Bilbon, hainbat ibilgailuk istripua izan baitute Zorrotza parean
Hiru ibilgailuk talka egin dute eta ondorioz erreietako bat itxi dute. Hori dela eta, lau kilometrorainoko auto-ilarak sortu dira.
Albiste izango dira: iraungitako txertoak, San Blas eguna eta EEEa Tubos Reunidosen
Gaurkoan Orain-en albiste izango direnen laburpena, bi hitzetan.
Zaldi-probek beteko dute idi-proben lekua Abadiñoko San Blas egunean
Erroskilla eta eztarria babesteko lokarriekin batera, idi-probek leku berezia izan ohi dute sanblasetan, baina, aurtengoan, egitarauan moldaketak egin behar izan ditu Udalak, dermatosiaren ondorioz.
Dermatosi nodular kutsakorraren aurkako neurriak eguneratu ditu Jaurlaritzak
Behi-aziendak azoka eta erakustaldietan egotea debekatu da, baina aldundiek salbuespenez baimendu ahal izango dute ustiategi bereko behiak egotea, zenbait baldintza beteta. Neurri horrek ate joka diren inauterietako bigantxen ikuskizunak eta sokamuturrak egitea ahabildetu dezake.
Onddoekin egindako ontziak errealitate izan daitezke etorkizunean
Gueñesko Basque Biodesing Centerren urteak daramatzate mizelioa ikertzen. Onddoetatik datorren materiala da, urarekiko erresistentea eta biodegradagarria, eta etorkizunean plastikoa edo kartoiak ordeztu ditzake ontziak egiteko.