Auzitegi Gorenak babestu du Harrotasun Egunean eraikin publikoetan LGTBIQ+ bandera jartzea
Auzitegi Gorenak babestu du Harrotasun egunean (ekainak 28) eraikin publikoetan LGTBIQ+ bandera jartzea; izan ere, "ez da ikur alderdikoia, eta ez du inolako ika-mikarik sustatzen".
Magistratuek ondorioztatu dute ez dagoela ostadar-bandera eraikin publiko batean erakusteko eragozpenik, uste baitute ez duela urratzen 39/1981 Legea, Espainiako banderaren eta beste bandera eta ikur batzuen erabilera arautzen duena, eta ezta administrazio publikoen objektibotasun eta neutraltasun printzipioak ere.
Auzitegiaren arabera, LGTBIQ+ bandera "pertsonen arteko berdintasunaren aldekoa da, eta balio hori Konstituzioak eta Europar Batasuneko Oinarrizko Eskubideen Gutunak aitortzen dute".
Kasu honetan, Abogados Cristianos fundazioak jarritako bi helegite ebatzi ditu Gorenak, eta bi-biak bota ditu atzera: bat, Aragoiko Justizia Auzitegi Nagusiaren epai baten aurka; eta, bestea, Valladolideko Diputazioaren kontrakoa, Gaztela eta Leongo Justizia Auzitegi Nagusiaren ebazpen baten kontra.
Aragoiko kasuan, LGTBIQ+ bandera Zaragozako udaletxeko balkoi nagusian erakutsi zen. Gaztela eta Leonen, ostadar bandera Valladolideko Diputazioaren barruko patioan jarri zuten. Abogados Cristianosek helegitea jarri zuten bi kasuetan, eta erkidego horietako auzitegietara jo ondoren, gaia Gorenaren mahai gainean amaitu da.
Espainiako Estatuko LGTBI+ Federazioak pozik hartu du Gorenaren erabakia, eta azpimarratu du "aurrerapauso nabarmena" dela "kolektiboaren eskubideekiko konpromiso instituzionalean".
Paula Iglesias FELGTBI+ federazioko presidenteak azaldu duenez, "ostadar banderak ideologia politikoez harago doa eta balio unibertsalak ordezkatzen ditu, hala nola berdintasuna, errespetua eta inklusioa". "Harrotasun Egunean eraikin publikoetan egotea ikusarazteko ekintza bat da, eta aniztasunaren eta giza eskubideen aldeko mezua bidaltzen du", erantsi du.
Albiste gehiago gizartea
Alerta laranja Araba eta Nafarroa hegoaldean, arratsalderako iragarrita dauden prezipitazio handiengatik
Tenperatura maximoak 27 eta 35 graduren artean kokatuko dira, tokiaren arabera. Arratsaldetik aurrera baliteke ekaitzak jo eta zaparrada trumoitsuak botatzea. Hori dela eta, alerta laranja ezarriko dute Araba eta Nafarroa hegoaldean.
Nafarroako Unibertsitatea eta EHU, munduko 600 unibertsitate onenen artean
Massachusettseko Institutu Teknologikoak (MIT) lehen postuari eusten dio, hamalau urtez; ostean, Londresko Imperial College eta Stanfordeko Unibertsitatea daude.
Arartekoak Osakidetzan inbertsioa areagotzearen garrantzia azpimarratu du, herritarren kexak ikusita
Ines Ibañez de Maeztuk adierazi du Osasun Itunaren ostean hartuko diren neurrien esperoan dagoela, egoera hobetuko duten itxaropenarekin. "Etxebizitza eskubidea bete egiten dela bermatuko duten politika publikoen aldeko apustu irmoa" ere eskatu du.
Scientia School enpresak Pryconsa konpainiari saldu dio Amara auzoko Karmelo ikastetxea hartzen zuen eraikina
Scientia Schoolek azaldu duenez, 2019an erosi zuen ikastetxea, baina "matrikulen kopuruak behera egin zuen etengabe". "Egoera horrek itxiera ekarri zuen", gogorarazi du.
Osakidetzak ordutegiak murriztu eta osasun-zentro batzuk itxiko ditu udan
Aldaketa horiek zentroen % 37ri eragingo diete. ELA eta CCOO sindikatuek udako plangintza kritikatu dute. Osakidetzaren egiturazko arazoek “bere horretan jarraitzen dutela” ziurtatu dute eta “benetako konponbideei heltzeko" negoziazio prozesua hastea eskatu dute.
Red Electricak zentralei egotzi die apirileko itzalaldiaren ardura: "Sorgailuek beren konpromisoak bete izan balituzte, ez zen itzalaldirik gertatuko"
Red Electricak, sistemaren operadoreak, erantzukizuna ez du bere gain hartu eta zentral sortzaileen aurka egin du, ez zituztelako bete kolapsoa saihesteko protokolo teknikoak. Gobernuak, bere aldetik, akats ugari egin zituela onartu egin du. Hala ere, operadorearen plangintza zalantzan jartzen du.
Euskadin ematen diren 10 gorroto-delitutik sei arrazistak edo xenofoboak dira
2024ko Gorroto Istiluen azken Txostenak egiaztatzen du kasuen kopuruak behera egin duela oro har, baina baieztatzen du arrazakeriak eta xenofobiak eragindako erasoak oraindik ere argi eta garbi nagusitzen direla gorrotoaren mapan Euskadin.
Andre Maria Zuriaren jaiek badute kartela
2025eko Andre Maria Zuriaren Jaiak Arabako hiriburuan ospatuko dira, abuztuaren 4tik 9ra.
Abisu horia ezarri dute Euskadin ostiralera arte, tenperaturak 35 gradura iritsiko baitira
Tenperaturak oso altuak izango dira, 27 eta 35 gradu artekoak, gunearen arabera.
Bilbo eta Arrigorriaga arteko RENFEren zerbitzua berrezarri dute, Alvia batek matxura izan ostean
Ezbeharra 07:20 aldera jazo da, Bilbotik ateratzen ari zen Alvia bat Ollarganen geldirik geratu denean, eta ezin izan du zirkulatzen jarraitu.