Gasteizko Zabalgana auzorako tranbiak 11 geraleku eta bi adar izango ditu
Gasteizko Zabalgana auzorako tranbiak 11 geraleku eta bi adar izango ditu guztira, eta obrak ez dira 2025eko azken hiruhilekoa edo 2026aren hasiera baino lehen hasiko; beraz, aurreikuspenen arabera, ez da martxan egongo 2029ra arte.
Mugikortasun Iraunkorreko Sailak ostiral honetan jarriko du jendaurrean Gasteiztik Zabalganarako tranbiaren luzapenari buruzko informazio-azterlanaren eguneraketa eta ingurumen-inpaktuaren azterlana.
Traza berriak enbor komun bat izango du Lovainatik Zabalganako eremuraino, eta bi adarretan banatuko da, Mariturrin eta Aldaian, "herritar gehienera iristeko". Trazadurak sei kilometro inguruko luzera izango du, eta 11 geltoki izango ditu guztira. Horrez gain, beste geltoki bat egongo da kotxetegi berrien ondoan, eta horien arteko batez besteko distantzia 560 metro ingurukoa izango da.
Tranbiaren hedapen berriaren helburu nagusiak honako hauek dira: "garraio publikoaren sarea hobetzea, eta edukiera handiko garraiobide publikoak elkarren artean lotzea, hala nola tranbia-lineak eta BEIa".
Zehazki, Zabalgana auzoaren lotura optimizatu nahi dute, eremu horrek azken urteotan izan duen okupazio-hazkundearen ondorioz; izan ere, "egoera horrek mugimendu-fluxu handia sortu du hiriaren kanpoaldetik erdigunera, bertan biltzen baitira merkataritza- eta negozio-guneak".
Zabalganarako luzapena gauzatzeko lanak lau zatitan banatu dira, denbora-muga desberdinekin: 36 hilabete enbor komunerako, 18 hilabete adar bakoitzerako eta 24 hilabete konexio-adarrerako eta kotxetegietarako.
Eusko Jaurlaritzak azaldu duenez, zatiketa horrek eraikuntza-beharrei erantzuten dio, eta horrek "malgutasuna eskaintzen du exekuzioa eskalatzeko eta aldi bereko hiri-afekzioak mugatzeko, eta aldi berean egiteko aukera ere ematen du".
Lanen aurrekontu osoa 103 milioi eurokoa da, BEZik gabe, eta Eusko Jaurlaritzak, Arabako Foru Aldundiak eta Gasteizko Udalak finantzatuko dute.
Erakunde bakoitzaren ekarpenak finantzaketa-hitzarmen batean zehaztuko dira, eta hitzarmen hori datozen hilabeteetan sinatzea aurreikusten da.
Zure interesekoa izan daiteke
Matrikulazioa % 5 jaitsiko dela uste du Hezkuntza Sailak, baina ikasturtean zehar heldutako ikasleekin orekatu daitekeela erantsi du
Begoña Pedrosa Hezkuntza sailburuak azaldu duenez, matrikula kopuruak % 5 inguru egin du behera, datu demografikoak kontuan hartuta egindako estimazioen arabera. Dena dela, iragarri du beherakada "matrikulazio biziak" konpentsatuko duela; izan ere, irailetik 5.400 ikaslek eman dute izena EAEko hezkuntza sisteman.
Gidari bat ikertzen ari dira istripu batetik ihes egin eta alkoholemia proba egiteari uko egiteagatik
Ertzaintzak ikertu gisa inputatu du bart Trapagaranen beste ibilgailu baten kontra istripua izan eta ihes egiten saiatu zen gidari bat, bide-segurtasunaren aurkako ustezko delitu bat egotzita. Eusko Jaurlaritzako Segurtasun Sailak jakinarazi duenez, larunbatean, 21:00ak aldera, bi ibilgailuk talka egin zuten Bizkaiko udalerri horretan, eta gidarietako bat bertan artatu behar izan zuten. Beste gidaria, onik atera zena, ihes egiten saiatu zen, baina agenteek geldiarazi egin zuten. Gizonak uko egin zion alkoholemia proba egiteari.
Hiru pertsona artatu dituzte Usurbilen, sute batean kea arnasteagatik, eta beste bat Errenterian
Usurbile, hiru pertsonak tokian bertan artatu dituzte, baina Errenterian, Donostia Ospitalera eraman behar izan dute emakume bat. Barañaingo supermerkatu batean ere sutea izan da larunbat honetan baina ez da inor zauritu.
Manteroen kontrako "poliziaren esku-hartze bortitza" salatu dute dozenaka lagunek Bilbon
Mbolo Moye Doole eta Manteroekin bat! plataformek deituta, ostegunean Ertzaintza eta Udaltzaingoa manteroen aurka indarkeriaz aritu zirela salatu dute. Horien esanetan, "ez da gertaera isolatua izan", hilero jazotzen baitira halakoak.
Euskaraz bizitzeko eskubidea aldarrikatu eta EHEko lau ekintzaileren aurkako epaiketa salatu dute dozenaka lagunek Baionan
Euria eta hotza egin badu ere, 200 euskaltzale batu dira protestara datorren ostegunean epaituko dituzten Euskal Herrian Euskarazeko lau kideei babesa emateko.
Adingabe bat atxilotu dute Getxon, beste gazte bati lepoan labankadak eman eta larri zauritzeagatik
Ertzaintzak jasotako testigantzen arabera, 01:00ak aldera, hiru gazte Areeta auzoko parke batean zeuden banku batean eserita, erasotzailea eurengana joan eta oldartu zitzaienean. Higu gazteek korrika alde egin zuten baina bat harrapatu eta zauritu egin zuen.
Kamioi batek A63 autobian izandako istripuak auto-ilara luzeak eragin ditu Donibane Lohizune parean
Ibilgailua irauli egin da, eta ondorioz zama galdu du. Errepidea erabat itxi dute eta 6 kilometrora arteko ilarak sortu dira, baina 19:15ean errei bat ireki dute bertan hiru orduz geldirik egon diren ibilgailuak pasatzeko. Ondoren, berriro itxi dute bidea, kamioia bertatik kendu ahal izateko.
Gizon bat atxilotu dute Errenterian beste gizon bat labanaz hiltzen saiatzea egotzita
Ertzaintzak atzo atxilotu zuen 36 urteko gizasemea, baina gertakariak hilaren 12an jazo ziren, Gipuzkoako udalerri horretako lokal batean. Biktima, 21 urtekoa, ospitaleratu egin behar izan zuten, zauri larriak baitzituen.
Osasun sailburuaren arabera, iraungitako txertoen kasuak "ESI batean edo bitan izan dira, Donostialdekoan tartean"
Alberto Martinezek ETBn egindako elkarrizketa batean azaldu duenez, pertsona batek "bere lana egin beharko lukeen modura egin ez duela ondorioztatzen bada, horren ardura hartu beharko luke, zalantzarik gabe". Sailburu gisa, ahal den neurrian, horrelako akatsak ez direla berriro jazoko bermatu behar duela nabarmendu du, hori baita bere "ardura".
Euskal eskola publikoen "itxierak eta bat-egiteak" itunpeko ikastetxeei "artifizialki eusteko" direla salatu du Sumarrek
Sumar Mugimenduak, Ezker Anitza-IUk eta Berdeak Equok "Hezkuntza publikoaren aldeko frontea" ekitaldia egin dute larunbat honetan Santurtzin, EAEko hezkuntza publikoaren egoera aztertzeko.