8 urteko kartzela zigorra, adin txikiko neskato bati sexu erasoa egiteagatik
Arabako Auzitegiak zortzi urteko kartzela zigorra ezarri dio gizon bati Gasteizen 11 urteko neskato bat modu ilegalean atxikitzeagatik eta sexu erasoa egiteagatik. Epaia ezartzean bi astungarri ere hartu ditu kontuan: horietako bat berrerortzeagatik, aurretik bi aldiz zigortu baitzuten antzeko delituengatik, eta bestea, delitua egiteko berariaz leku ezkutu bat bilatu zuelako.
Auzitegiak probatutzat eman dituen gertakariak 2023ko urriaren 13an gertatu ziren, 19:50 aldera. Argitaratutako oharrean zehazten denez, zigortuak neskatila "engainuen bidez, autoan eraman zuen urrutiko gune batera eta, autoan atxiki ondoren, biluzten saiatu zen eta ikutuak egin zizkion".
Auzitegiaren aburuz, ahozko bistan egikaritutako frogak "nahikoak dira" akusatuaren "errugabetasun-presuntzioaren efektu babeslea bertan behera uzteko". Aretoak baieztatu duenez, ez dago adin txikikoaren "sinesgarritasuna zalantzan jartzeko arrazoirik" eta gainerako testiguen deklarazioek biktimaren testigantza berresten dute.
Sententziaren arabera, biktima biluztea lortu ez bazuen ere, akusatuaren ekintzek "zalantzarik gabe izaera eta intentzionalitate sexuala" zuten. Beraz, ebatzi du "azken asmoa ez betetzea" ez dela "gauzatze-maila osatu gabe geratzea" eta egindakoa delitua zela.
Horrez gainera, auzitegiak larderia egon zela uste du; "11 urteko neskatoa 46 urteko gizon batek atxiki zuelako" eta astungarritzat hartu du akusatuak "urrutiko gune bat berariaz" bilatu izana, "jede gutxi ibiltzen da bertan, iluna da, baso-izaerakoa; horrela, biktimak laguntza jasotzeko aukerak urritu zituen, eta bere babesgabetasun-egoera handitu egin zuen".
Berrerortze astungarriari buruz, berriz, epaitegiak gogorarazi du gizona bi aldiz zigortu dutela antzeko delituengatik: alde batetik, Iruñeko epaitegi batek sexu abusuak egiteagatik zigortu zuen eta, bestetik, Errioxako Auzitegiaren zigor bat ere badauka, sexu-erasoengatik.
Zortzi urteko kartzela zigorraz gainera, horren ondoren indarrean sartuko den bost urteko zaintzapeko askatasuna ezarri dio epaitegiak, eta biktimari 10.000 euroko kalte-ordaina eman beharko dio. Horrez gainera, 9 urtez, biktimarengandik 200 metrora gerturatzea eta harekin komunikatzea debekatu dizkio.
Epaia ez da irmoa eta errekurtsoa aurkez daiteke Euskal Autonomia Erkidegoko Auzitegi Nagusian.
Albiste gehiago gizartea
Getxoko Areetako hondartza hustu dute lehergailu bat izan zitekeen objektu bat agertu ostean
Pertsona batek "objektu herdoildu bat" aurkitu du itsasertzean, 10:30ean, eta abisua eman du. Ertzaintzako artezilariek ezingo dute ezer egin gauean marea jaitsi arte. Hori dela eta, Ertzaintzak eta Getxoko Udaltzaingoak hondartza itxita izango dute.
Fiskaltzak zazpi urteko tratamendu psikiatrikoa eta inhabilitazioa eskatu du Kabiezeseko erizainarentzat
Alberto Martinez Osasun sailburuak ziurtatu duenez, Osakidetzak pertsona bat jarri zuen Santurtziko Kabiezes osasun zentroan txertaketak simulatzea egotzita epaitu duten erizaina "zaintzen", gertatzen ari zenaren berri izan bezain laster, lehen kexak jaso ondoren.
Robert Treviñok auzitara eraman du Euskadiko Orkestra, kaleratzeagatik
Euskadiko Orkestraren Administrazio Kontseiluak urtarrilean erabaki zuen Treviño zuzendari artistikoaren eta Roch orkestraren zuzendari nagusiaren zikloari amaiera ematea.
2023an Tolosako inauterietan foam pilotakada batek zauritutako gaztearen auzia berriz irekitzeko agindu dute
Gipuzkoako Probintzia Auzitegiak iaz artxibatutako auzia berriro irekitzeko agindu dio Tolosako Instrukzioko 1 zenbakiko Epaitegiari. Bere ustez, beharrezkoa da beste eginbide batzuk egitea Ertzaintzaren foam-pilotakada batek zauritutako gaztearen kasuan.
Hiru urteko kartzela zigorra ezarri diote entrenatzaile bati Barakaldon, hiru adingaberi sexu erasoak egiteagatik
Pauldarrak futbol taldean 20 urte zeramatzan gizonari zera egotzi diote: adingabeei sexu-erasoa egitea, exhibizionismoa eta osotasun moralaren aurkako delitua.
Barakaldon entrenatzaile baten sexu-erasoak jasan dituzten nesken abokatua: "Pozik gaude epaiarekin, ez dugu helegiterik aurkeztuko"
Bizkaiko Auzitegiak hiru urteko kartzela-zigorra ezarri dio Barakaldoko Pauldarrak futbol taldeko entrenatzaile bati, 14 eta 15 urte bitarteko lau jokalariri sexu-erasoa egiteagatik. Juan Carlos Soto salaketa jarri duten familien abokatuak azpimarratu duenez, "beste frogarik ez egon arren, epaileak sinesgarritasuna eman die adingabeen testigantzei".
Iruindarren % 52 ados daude zezenketekin, eta % 46, kontra
Zezenketak nahi dituztenen artean, % 31 erabat ados daude, eta % 20,6 ados. Ezezkoen artean, berriz, % 26,3 ez daude batere ados, eta % 19,3 ez daude ados. Herritarren % 2k ez dute gai horri buruzko iritzirik eman nahi izan.
Nobel satirikoek alkoholari buruzko ikerketa bat goraipatu dute hizkuntzak ikasteko duen paperagatik
Herbehereetako, Erresuma Batuko eta Alemaniako zientzialariek Bakearen Ig Nobel saria eskuratu dute, alkohol dosi txiki batek batzuetan atzerriko hizkuntza bat hitz egiteko gaitasuna hobetzen duela ondorioztatu duen ikerketagatik; dirudienez, alkoholak norberarengan konfiantza handitzen du.
Osakidetzak urrian hasiko ditu Basurtuko ospitaleko kanpo-kontsulten eraikin berriaren obrak
Eusko Jaurlaritzako Osasun Sailak 135 milioi euroko inbertsioa egin du 38.000 metro koadroko azalera izango duen azpiegitura berri horretan. Guztira, 175 kontsulta berri zabalduko dituzte, bi bloketan banatuta. Obra hiru urte barru amaituko dute.
9.900 eurorainoko isunak zazpi akusaturentzat, Aroztegia proiektuaren aurkako hertsapenagatik
Magistratuak akusazioek egotzitako talde kriminaleko delitutik absolbitu ditu auzipetuak; izan ere, “lekukoen eta agirien froga ugari” aztertu ondoren, ezin da egiaztatu talde kriminaleko deliturik dagoenik, horretarako “ezinbestekoa” baita adostasuna.