Astungo teleaulkiak azterketa tekniko guztiak eginak zituen, Aragoiko presidentearen eta estazioaren arabera
Jorge Azcon Aragoiko Gobernuko presidenteak adierazi duenez, larunbatean Astungo eski-estazioan istripua izan duen teleaulkiak Aragoiko Gobernuaren "administrazio-kontrolak" eginak zituen, "egin ziren eta beteta zeuden"; "orain aztertu egin beharko da teleaulkiak istripua izateko arrazoiak zeintzuk izan diren". Larunbat goizean izandako ezbeharrean 30 pertsona kaltetu dira, eta bi larri eta sei arin zauritu dira.
Azconek Astungo eski-estazioan esan duenez, "zuhurtziaz jokatu behar dugu, teleaulkiak pasatu behar zituen kontrol administratiboak ezagutu arte itxarongo dugu. Aragoiko Gobernuak egindako kontrolak ziren, baina teknikarien txostena eta kausen xehetasunak ezagutzeko zain gaude".
Istripuaren arrazoiak alde batera utzita, Azconek larrialdietarako zerbitzuek emandako erantzuna azpimarratu du: "Larrialdi-zerbitzuek eta -baliabideen jarduna aparta izan da; Pirinioetako eski-estazioetatik etorri dira, ez bakarrik Astundik, baita Candanchutik eta Formigalgo estazioetatik ere". "Bitartekoak ikusgarriak izan dira, eta erantzuna berehalakoa", adierazi du.
Estazioak baimenak behar bezala daudela ziurtatu du
Astungo eski-estazioak igorri duen ohar batean esan duenez, "larunbat honetan istripua izan duen teleaulkiak baimen guztiak indarrean eta azterketak eginak ditu", eta zehaztu du oraindik ez dakitela zergatik gertatu den ezbeharra.
Halaber, Astundik nabarmendu dutenez, zaurituak erreskatatzeko eta lekualdatzeko protokoloek behar bezala funtzionatu dute, gauzak azkar eta ondo egin direla azpimarratu dute, eta, horri esker, teleaulkian harrapatuta gelditu diren erabiltzaile denak bi ordu eta erdian ebakuatu dituztela.
Era berean, egoerari aurre egiteko mobilizatu diren bitarteko guztien laguntza eskertu dute, baita erakundeena ere.
Eski-estazioak instalazioak itxi ditu erreskate- eta ebakuazio-lanak arintzeko, eta igande honetan ohiko ordutegian jarduerari berriro ekiteko asmoa du.
Zure interesekoa izan daiteke
Atharratzetik Bilbora, Korrikak euskararen paisaia guztiak zeharkatuko ditu
Euskararen aldeko ekimenak hizkuntzaren errealitate guztiak zeharkatuko ditu 11 egunez eta 10 gauez. 2.175 kilometro inguru egingo ditu Korrikak eta 460 herritatik igaroko da.
ELAk berretsi du CCOOko kide batzuek euskaldunen kontrako hizkuntza eskubideen aurkako kanpaina abiatu dutela
ELAk babes osoa adierazi dio AEKri, Korrikaren antolatzaileari, eta CCOOko zuzendaritza lasterketatik baztertzeko erabakia babestu du. ELA sindikatuak “euskararen aurka antolatutako kanpaina” baten parte izatea leporatu dio CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzeko erabakia hartu izana.
CCOO Korrikatik kanpo geratu da AEK-k lekukoa ez eramateko erabakia hartu ostean, "euskararen aurkako jarrerak sustatzeagatik"
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.
Zabalik dago AP-8 autobidea, Iurreta parean, istripu baten ondorioz itxita egon ondotik
Kamioi bat irauli da gaur goizean AP-8an, Iurreta parean eta Donostiarako noranzkoan. Istripuaren ondorioz, bi errei itxi dituzte.
Baionan desagertutako 50 urte inguruko gizon baten bila ari dira
Larunbatean ikusi zuten azkenengoz, Lapurdiko hiriburuan, goizaldeko ordu bata pasata.