30 urteko gizon bat atxilotu dute Irunen, Alemanian egindako hilketa saiakera batengatik
30 urteko gizon bat atxilotu dute Irunen (Gipuzkoa), Alemanian egindako hilketa saiakera batengatik. Polizia Nazionalak jakinarazi duenez, harrera zentro batean beste gizonezko bati labana batekin zauri larriak eragin zizkion.
Ustezko erasotzailea joan den asteburuan atxilotu zuten. Antza, Irungo Txanaletas kalean hainbat pertsonen artean izandako borroka batean parte hartu zuen eta Udaltzaingoko agenteek bertan identifikatu zuten.
Izen-abizenak baieztatu zituztenean jabetu ziren egoera irregularrean zegoela Estatu espainiarrean, eta Polizia Nazionalaren komisaldegira eraman zuten. Bertan frogatu zuten hura atxilotzeko eta entregatzeko euroagindua emanda zegoela.
Gaur zabaldutako ohar batean, Polizia Nazionalak zehaztu du jatorriz marokoarra dela atxilotutako gaztea, eta Alemanian pisukide bati bularraldean labana bat sartu ondoren, ihes egin zuela. Ordutik, ez zuten haren berririk.
Atxilotu ondoren, Madrilera eraman zuten gaztea, eta epailearen aurrean deklaratu ondoren, espetxean sartu zuten. Behin izapideak bideratzen dituztenean, Alemaniara eramango dute.
Albiste gehiago gizartea
Froga gizarteko albistea itxasorekin
Froga gizarteko albistea sarreatxoa Froga gizarteko albistea sarreatxoa
Albiste izango dira: Andre Maria Zuriaren jaiak, abisu horia beroagatik eta enpleguari buruzko datuak
Gaurkoan albiste izango direnen laburpena, bi hitzetan.
Jaialdiak amaiera borobila eman dio Boisen, sei egun zirraragarriren ostean
Ekitaldiak zortzigarren edizioa itxi du, 1987an sortu zenetik izandako arrakastatsuenetako eta jendetsuenetako bat bezala.
Palestinarekin Elkartasuna plataformak euskal hiriburuetako jaietan mobilizatzeko deia egin du
Plataformak "hipokrisia" leporatu die gobernuei eta hedabideei, eta manifestazioak deitu ditu Gasteizen (abuztuaren 6an), Donostian (abuztuaren 10ean), Bilbon (abuztuaren 15ean) eta manifestazio nazionala Iruñean (urriaren 4an).
Bilboko kale-saltzaileen aurkako sarekadak areagotu direla salatu dute
Udaltzainenganako errespetua eskatu du Bilboko Udalak. Manteroek diote euren egoera legeztatzea ezinbestekoa da bestelako lanetarako aukera izateko. Sarekadak salatzeko protesta deitu du biharko Bizkaiko Manteroen Elkarteak.
Bi atxilotu Gasteizen, gizon bati indarkeriaz lapurtzea leporatuta
04:15 aldera jazo da lapurreta, hiriburuko parke baten inguruan. 31 eta 29 urteko atxilotuak epailearen esku utziko dituzte, beharrezko izapideak amaitutakoan.
Atxilotu bat Ordizian kokaina, 10.000 euro eta kontrabandoko tabakoa zeramala
Gidaria atxilotu dute substantzia estupefazienteen trafikoko ustezko delitua egotzita, eta deklaratu gabeko tabakoa edukitzeagatik.
Tigre-eltxoaren kontrako fumigazio lanak egin dituzte bart Hendaian
Lapurdin chikungunya gaitzaren lehen kasua agertu ondoren egin dituzte desinfekzio lanak, Hendaiako igerilekutik, tren geltokiraino. 22:00etatik 07:00ak arte kaleak erabat itxita egon dira, eta bizilagunek agintarien aginduak errespetatu behar izan dituzte. Herritarrak kezkatuta agertu dira, ez dakitelako zer-nolako eragina izan dezakeen erabilitako produktuak haien egunerokotasunean. Fumigazioaz arduratutako enpresak dio erabilitako produktua ez dela kaltegarria, eta tigre-eltxoen % 80 bat hiltzea lortzen dutela.
20.000 sinadura, txosnak Euskal Herriko ondare inmaterial izendatzeko
Bizkaiko, Gipuzkoako eta Arabako txosnen batzordeek adierazi dute jaigune horiek "arriskuan" daudela, eta ondare inmaterial izendatzeko eskaera sinatzen eta zabaltzen jarraitzeko deia egin dute.
Zeledonek prest ditu aterkia eta ardo-zahatoa, kanpandorretik jaitsi eta Andre Maria Zuriaren jaiei hasiera emateko
Zuzeneko musikak, kalejirek, ekintza herrikoiek eta familia guztientzako proposamenek beteko dituzte Gasteizko kaleak abuztuaren 4tik 9ra, sei eguneko jai giroan.