Alerta laranja Araba eta Nafarroa hegoaldean, arratsalderako iragarrita dauden prezipitazio handiengatik
Tenperatura maximoak 27 eta 35 graduren artean kokatuko dira, tokiaren arabera. Arratsaldetik aurrera baliteke ekaitzak jo eta zaparrada trumoitsuak botatzea. Hori dela eta, alerta laranja ezarriko dute Araba eta Nafarroa hegoaldean.
Eusko Jaurlaritzako Segurtasun Sailak alerta laranja aktibatuko du Araba hegoaldean, prezipitazio handiak direla eta. Izan ere, baliteke ordubetean metro koadroko 15 litro pilatzea eta txingorra ere egitea. Alerta 15:00etatik 22:00etara egongo da indarrean. Halaber, ostiralera arte, beroagatiko abisu horiak eutsiko dio, 35 gradu arteko tenperaturak izango baitira.
Bestalde, Nafarroako Erriberan alerta laranja egongo da indarrean, ekaitzak jotzeko arriskua dela eta, eta abisu horia, Erriberan eta erdialdean, beroagatik.
Gaur eta bihar tenperaturak atzokoen antzekoak izango dira. Gauean tenperaturak 19 ºC ingurukoak izango dira kostaldean, 17 ºC-koak Bizkaiko eta Gipuzkoako hegoaldean eta Arabako erdialdean, eta 18 ºC-koak hegoaldean, Ebroko ardatzean. Maximoak 34-36 artekoak. Arratsaldean, bero-hodeiak hasiko dira, eta zenbait puntutan egunari itxura aldatuko diote.
Ostiralean ere egoerak berdin jarraituko du, 28 graduko maximoekin kostaldean, 33 gradurekin Bizkaiko eta Gipuzkoako barnealdean eta Arabako erdialdean, eta 35 gradurekin Ebroren ardatzean. Kostaldean behe-hodei batzuk ager daitezke, tarteka. Haize ahul aldakorra eta brisa, eguerditik aurrera. Bero-hodei batzuk zabalduko dira arratsaldean, baina trumoi-zaparradak botatzeko aukera gutxi izango da. Baliteke kalima-giroa izatea egun osoan zehar.
Tenperatura altuak direla eta ezarritako abisuei arreta jartzeko, eta "zaintzeko" nabarmendu du Bingen Zupiria Eusko Jaurlaritzako Segurtasun sailburuak. Halaber, adinekoei bereziki zuhur ibiltzea eskatu die, beroa dela eta. Gainera, adierazi du kirol jarduera murriztea komeni dela, oro har.
Zure interesekoa izan daiteke
Jendetza bildu du Korrikak Maulen
Lurraldeko eta hiriburuko hainbat elkarte eta herriko etxe ikusi ditugu parte-hartzen, hala nola, Sohütako pastorala, UEU, Palestinaren aldeko elkartea, Pitxu gaztetxea, Xiberoko Botza eta beste hainbat. Handik Nafarroa Beherea alderako bidea hartu du. Gaueko 22:00 pasata sartuko da lurralde hartan Aiherratik.
Pertsona bat erietxera eraman behar izan dute Baionan gertatu den sute baten ondorioz
Sua 14:15ak inguruan piztu da garra Baiona Tipiko Kupelgileak karrikako eraikin batean. Suhiltzaileek eraikina hustu dute bertaratu orduko. Hirugarren solairuan zegoen gizonezko bat larrialdi zerbitzuen laguntzarekin atera behar izan dute eta Baionako erietxera eraman dute kea arnastuta. Garrak itzali badituzte ere, auzo guztiko elektrizitatea eta gasa moztu dituzte, prebentzio neurri gisa. Eraikinak kalte ugari izan ditu eta bere egoera hurrengo orduetan aztertu beharko da. Bizilagunek gaua etxetik kanpora igaroko dute.
Atharratzetik abiatu da 24. Korrika, festa giroan, pizkundearen akuilu izatea xede
Ibilbide osoa zuzenean ikusteko aukera dago ETB ON plataforman, EITBren telebista plataforma digital berrian. Euskararen lekukoa martxan da jada, eta Atharratzetik abiatu den oihuak Euskal Herri osoa zeharkatuko du beste behin. Bilbon amaituko da, martxoaren 29an, igandez.
Euskal jatorriko 114.400 pertsona atzerrian bizi dira, duela urtebete baino % 5,5 gehiago
Gehienak Amerikan bizi dira, Argentinan zehazki, INEk urtero argitaratzen duen Atzerrian bizi diren espainiarren erroldaren (AEE) arabera.
32 urteko emakumezko bat zauritu da Iruñean, ibilgailu batek harrapatuta
Ezbeharra 07:32an gertatu da, Arrosadia auzoan. Emakumeak kolpe ugari jasan ditu, hortaz, Iruñeko Unibertsitate Ospitalera eraman dute, pronostiko erreserbatuarekin.
Trafikoa bere onera itzuli da A-8an Irun parean, baina auto-ilara txikiak oraindik daude Kantabriarako noranzkoan, Abanton
Zubiaren hasieran trafiko-eragozpenak izan dira A-8 autobidean.
Furgoneta-gidari bat zauritu da A-1 errepidean, Asparrenan, errepidetik atera eta bazter-babesaren aurka talka eginda
Istripua ostegun honetako 08:45ean jazo da. Zauritutako gidaria ospitalera eraman dute.
Albiste izango da: Korrikaren hasiera, Ekialde Hurbileko azken ordua eta Europako Kontseiluaren bilera
Gaurkoan Orainen albiste izango direnen laburpena, bi hitzetan.
Atharratzetik Bilbora, Korrikak euskararen paisaia guztiak zeharkatuko ditu
Euskararen aldeko ekimenak hizkuntzaren errealitate guztiak zeharkatuko ditu 11 egunez eta 10 gauez. 2.175 kilometro inguru egingo ditu Korrikak eta 460 herritatik igaroko da. ETB On plataformak etenik gabe jarraituko du ibilbidea, eguneko 24 orduetan.
ELAk adierazi du CCOOko kide batzuek euskaldunen hizkuntza eskubideen aurkako kanpaina abiatu dutela
ELAk adierazi du bat datorrela AEKrekin, Korrikaren antolatzailearekin, eta babestu egin du CCOOren zuzendaritza lasterketatik baztertzeko erabakia. ELA sindikatuak “euskararen aurka antolatutako kanpaina” baten parte izatea leporatu die CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzen ez uzteko erabakia hartu izana.