Aroa aldakorra izango da eta tenperaturak apur bat igoko dira Euskadin eta Nafarroan
Iparrak aginduko du EAEn eta Nafarroan: zerua hodeitsu egongo da iparraldean, eta hegoaldean giro eguzkitsuagoa izango dugu. Euria bota, botako du, baina txikia izango da, eta puntuala.
Eguzkia eta hodeiak tartekatuko dira uztailaren amaieran, Euskadin eta Nafarroan, inork ez dezala ezustekorik hartu. Euskalmet Euskal Meteorologia Agentziaren arabera, prezipitazioak nabarmen murriztuko dira ostegun honetan. Egunaren lehen orduetan, hodeiak ugariak izango dira Kantauri isurialdean, eta euri txikia egingo du, baina egunak aurrera egin ahala, prezipitazioak apaldu egingo dira eta zerua zabaltzen joango da, batez ere hegoaldean.
Euskal Autonomia Erkidegoko hegoaldean giroa egonkorragoa izango da, ostarteak nagusituko dira eta ez du euririk egingo. Iparraldeko haizea ibiliko da; kostaldean, tarteka baino ez. Tenperaturari dagokionez, baliteke apur bat gora egitea.
Ostiralean ere iparrak aginduko du eta hodeiak aldakorrak izango dira. Ipar isurialdean, zerua tarteka oso estalita eta oskarbi ere egongo da, eta euri txikia bota lezake. Hegoaldean, aroa lasaiagoa izango da, prezipitaziorik gabekoa, baina zerua tarteka hodeitsu egongo da, batez ere Araban eta Nafarroako erdialdean. Tenperaturek eutsiko diote.
Larunbatean ere hodei eta zirimiri ugarirekin hasiko da eguna Kantauri isurialdean, baina orduak aurrera egin ahala eguratsak hobera egingo du. Arratsaldean ostarteak zabalduko dira eta eguraldi lehorra nagusituko da. Hegoaldean giroa eguzkitsuagoa izango da. Hala ere, goizean behe-lainoa izango da eta ipar-ekialdeko haizeak joko du. Hegoaldean tenperaturak epelagoak izango dira.
Nafarroan, antzera. Ostegunean, Erriberan tarteka hodeiak agertuko dira goizean, eta zerua oskarbi egongo da eguerdian. Gainerako orduetan, zerua hodeitsu edo estalita egongo da, baina eguerdi partean ostarteak nagusituko dira. Ipar-mendebaldean euri txikia egingo du, eta baliteke Pirinioetan prezipitazioak izatea goizean.
Espainiako Meteorologia Agentziak (AEMET) iragarri du lanbroa eta behe-lainoa zabalduko direla goiz-gauetan iparraldean eta mendebaldeko mendietan. Iparraldeko eta ipar-mendebaldeko haize ahul-bizia ibiliko da, eta baliteke arratsaldean apur bat suspertzea.
Tenperaturak ez dira ia aldatuko edo apur bat igoko dira. Termometroak 15 eta 27 gradu artean ibiliko dira Lizarran, 15 eta 26 artean Iruñean, 12 eta 27 artean Erronkarin eta 17 eta 30 gradu artean Tuteran.
Gizarteari buruzko albiste gehiago
Zizurko Mugimendu Feministak indarkeria matxistaren aurkako egiturazko neurriak eskatu ditu
Talde feministak elkarretaratzea deitu du Zizur Nagusian udalerriko emakume baten hilketa gaitzesteko. Berdintasun Ministerioak gaur baieztatu du genero indarkeria kasu bat dela.
Zikloturista bat harrapatu eta ihes egin zuen gidari bat atxilotu dute Erandion
Istripua eragin ondoren, ihes egin zuen eta ibilgailuari su ematen saiatu zen, atxiloketa oztopatzeko.
Williams anaiek ukatu egin dute "inolako deliturik egin izana" luxuzko auto bat erostean
Erosketarekin lotutako ustezko iruzur bati buruz Agoitzeko epaitegi batean jarritako salaketa asteazkenean zabaldu zuten hedabide batzuek, Iñaki Williams Athleticeko kapitainak ultraeskuinari buruz egindako adierazpenen biharamunean.
Tigre-eltxoek kutsatzen duten chikungunya gaitzaren kasu bat agertu da Lapurdin
Hendaian bizi den gizon bat da gaixoa. Azken 15 egunetan ez du bidaiatu eta, beraz, bertan kutsatu dela susmatzen dute. Ez dago larri. Hendaiako Udalak iragarri du desinfekzio lanak egingo dituela larunbat gauean. Eusko Jaurlaritzako Osasun Sailak kontrol neurriak areagotzeko eskatu die Bidasoaldeko udalei.
Zaramagak horma-irudi berri batekin gogoratuko du 1976ko martxoaren 3a
30 pertsonako artista taldea ari da Gasteizko auzo horretan zegoen aurreko murala ordezkatuko duen irudi berria prestatzen.
42 urteko gizon bat atxilotu dute Gasteizen, bikotekide ohiari botilaz mehatxu egiteagatik
Biktimaren arabera, biek eztabaida izan zuten, haren etxebizitzan, eta elkarrekin borrokatu ziren. Gizonak mehatxu egin zuen eta liskarrak kalean jarraitu zuen, oinezko batzuek gizonari alde eginarazi zioten arte.
Berdintasun Ministerioak baieztatu du Zizur Nagusiko hilketa genero indarkeria kasu bat dela
Aldez aurretik ez zegoen indarkeriagatiko salaketarik ustezko erasotzailearen aurka. Espainiako Estatuan indarkeria matxistak aurten hildako emakumeak 23 dira dagoeneko, eta, guztira, 1.317 dira biktimak zenbatzen hasi zirenetik, 2003tik.
Sei haur gazatar artatuko dituzte Euskal Herriko ospitaleetan
Horietatik hiru Gurutzetako Ospitalera eramango dituzte, bi, Donostiako Ospitalera, eta seigarren bat Nafarroako Ospitalean artatuko dute. Zaragozako aireportu militarrera iritsiko dira arratsaldeko 18:00ak inguru, gaur goizean Jordaniako hiriburutik, Amanetik atera den hegaldi batean.
Amaitu egin da EuskarAbentura, Getxon, Euskal Herrian zehar hilabete eman ondoren
15 eta 17 urte bitarteko ehun gaztek baino gehiagok Euskal Herria oinez zeharkatu dute, euskararen erabilera sustatu, kultura ezagutu eta hizkuntzaren etorkizunarekin konprometitutako hiztun sarea eraikitzeko.
Jacob Elordi aktorearen aitona Ondarroatik Australiara joan zen, azukre-kanabera plantazioetan lan egiteko
1958 eta 1963 artean, Espainiako pasaportea zuten ia 8.000 langile Australiara joan ziren, azukre-kanaberaren plantazioetan lan egitera; 2.500, euskal herritarrak. Gaur egun, migratzaile haien ondorengoek eta harrezkero iritsitakoek komunitate sendoa osatzen dute Queenslanden. Joaquin Elordiren kasua da, Jacob Elordi aktore ospetsuaren aitona.