Astelehenean hasiko da hiru adingaberi sexu-erasoa egitea egotzita auzipetutako masajista donostiarraren kontrako epaiketa
Gipuzkoako Fiskaltzak 45 urteko kartzela-zigorra eskatu du akusatuarentzat, eta ostegunean amaituko da epaiketa, aurreikuspenen arabera.
Astelehen honetan hasi eta ostegunean bukatuko da hiru adingaberi sexu-erasoa egitea egotzita auzipetutako masajista donostiarraren kontrako epaiketa Gipuzkoako Lurralde Auzitegian. Hain zuzen ere, 13, 14 eta 15 urteko hiru neskatori egindako sexu-erasoengatik epaituko dute akusatua.
Gipuzkoako Fiskaltzak 45 urteko kartzela-zigorra eskatu du akusatuarentzat.
Espetxe zigorraz gain, masajista lanetan aritzeko debekua eta urruntze-agindua ezarri nahi dizkio Fiskaltzak, bai eta biktimetako biri 50.000 euroko kalte-ordaina ematea, eta hirugarrenari, 60.000 eurokoa.
Fiskaltzaren behin-behineko akusazio idatzian jasotakoaren arabera, bere bikotekidearen alabaren bitartez eta bere semearen bitartez jarri zen harremanetan nerabeekin auzipetua.
Mezu horietan, "estres eta antsietate handiarekin" ikusten zituela esaten zien adingabeei. Gainera, arazoari irtenbidea eman ezean, depresioa jasateko arriskua zutela esaten zien. Halakorik ez gertatzeko, doako masajeak emateko prest zegoela esaten zien.
Ministerio Publikoaren testuak azaltzen duenez, 2021. urtearen hasieran, adingabeek masaje horiek ematea onartu zuten, eta saio horietan auzipetuak sexu-erasoak egin omen zizkien.
Auzitik gertuko iturrien esanetan, defentsak bista bertan behera uzteko eskatu du, lekuko gisa deitutako ertzain bat eta talde psikosozialeko peritu bat falta direlako. Auzitegiak astelehenean bertan emango du eskari horren gaineko erabakia.
Zure interesekoa izan daiteke
Atharratzetik Bilbora, Korrikak euskararen paisaia guztiak zeharkatuko ditu
Euskararen aldeko ekimenak hizkuntzaren errealitate guztiak zeharkatuko ditu 11 egunez eta 10 gauez. 2.175 kilometro inguru egingo ditu Korrikak eta 460 herritatik igaroko da. ETB On plataformak etenik gabe eskainiko du ibilbidea, eguneko 24 orduetan.
ELAk berretsi du CCOOko kide batzuek euskaldunen kontrako hizkuntza eskubideen aurkako kanpaina abiatu dutela
ELAk babes osoa adierazi dio AEKri, Korrikaren antolatzaileari, eta CCOOko zuzendaritza lasterketatik baztertzeko erabakia babestu du. ELA sindikatuak “euskararen aurka antolatutako kanpaina” baten parte izatea leporatu dio CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzeko erabakia hartu izana.
CCOO Korrikatik kanpo geratu da AEK-k lekukoa ez eramateko erabakia hartu ostean, "euskararen aurkako jarrerak sustatzeagatik"
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.
Zabalik dago AP-8 autobidea, Iurreta parean, istripu baten ondorioz itxita egon ondotik
Kamioi bat irauli da gaur goizean AP-8an, Iurreta parean eta Donostiarako noranzkoan. Istripuaren ondorioz, bi errei itxi dituzte.
Baionan desagertutako 50 urte inguruko gizon baten bila ari dira
Larunbatean ikusi zuten azkenengoz, Lapurdiko hiriburuan, goizaldeko ordu bata pasata.