Beste gorpu bat topatu dute Alhaurin el Granden; hiru dira Andaluziako denboralean hildakoak
Atzo Malagako udalerri horretan desagertu ziren bi gizonezkoetako baten hilotza topatu zuten. Gaur goizean, berriz, korronteak eramandako motor-gidariaren gorpua aurkitu dute Illoran (Granada).
Alhaurin el Grandeko bilaketa lanak. EFE.
Andaluzia astindu duen euri denboralearen ondorioz larunbatetik desagertuta zegoen gizonaren gorpua topatu dute gaur Alhaurin el Grande udalerrian (Malaga). Horrenbestez, hiru dira hildakoak.
Juanma Moreno Andaluziako Juntako presidenteak berak baieztatu du albistea. Hilotza Cartaman aurkitu dute, desagertu zen lekutik 11 bat kilometrora.
Aurrez, gaur goizaldean, Cañada erreka zeharkatzean igandean desagertutako motor-gidariaren gorpua aurkitu dute Illoran (Granada).
Guardia Zibilak jakitera eman duenez, igandean bilaketa operatibo berezi bat aktibatu zuen, eta gaztearen gorpua desagertu zen tokitik hiru kilometrora agertu da.
Igandeaz geroztik ari ziren Malagan denboralearen bi biktimen bila. Larrialdietako langileek 53 eta 54 urteko bi gizonezkoen furgoneta topatu zuten lehendabizi, eta igandean bertan, horietako baten gorpua. Biharamunean aurkitu dute bestea.
Zure interesekoa izan daiteke
Lakuntza: "50 urte beranduago hemen gaude, zutik, indartsu eta ilusioz, herri honetako langile klasea antolatzen jarraitzeko"
Aitor Estebanek uste du ez dela komenigarria Pedro Sanchezek legegintzaldia amaitzea
