Getaria eta Zarautz arteko errepidea itxi dute, hainbat lur-jauziren ondorioz
Eguerdia pasatxo zenean, izugarrizko tamainako harria erori da mendian behera, eta burdinezko sareak eutsi dio. Arratsaldeko 18:30ak aldera beste lur-jauzi bat izan da eta errepidea erabat ixtea erabaki dute.
Zumaia eta Zarautz arteko bizilagunak ohituta daude eurijasa eta denborale garaietan N-634 errepidea itxita ikustera, baina susto handia bizi izan da astelehen honetan, eguerdian, tamaina ikusgarriko harri bat jausi denean. Zorionez, menditik eror daitezkeen harri eta bestelakoei eusteko helburua duen sareak atxiki ahal izan du eta ez da errepide gainera erori.
Errepide horren 23. kilometroan izan da ezbeharra, Zarauzko norabidean. Hala, errei hori itxi, semaforoa jarri eta Zumaiara bidean doan erreitik bideratu da trafikoa, bigarren luizia izan den arte.
18:30 aldera, lurra eta harriak erori dira berriz ere errepidera, 21. kilometroaren parean, eta errepidea erabat itxi dute. Herrizaingo Sailak Oraini jakitera eman dionez, ez dakite noiz ireki ahal izango den errepidea.
Gipuzkoako Foru Aldundiak jakinarazi duenez, harri handia astearte honetan, 09:00etatik aurrera, kentzea espero dute. Errepidera jaitsi, bertan zaitu eta bidea garbitzea da asmoa, baina ez dago aurreratzerik noiz amaituko den operazioa.
Zure interesekoa izan daiteke
Sei pertsona zauritu dira Faltzesen, beren autoa bidetik irten ostean
Zauritu guztiak ospitalera eraman dituzte eta ingresatuta geratu dira, pronostiko erreserbatuarekin. Horietako bost adin txikikoak dira.
Maila horira iritsi dira Abetxuko, Jaizubia, Sangroniz eta Mungiako estazioak, euriteen ondorioz
Euskalmetek jakinarazi duenez, datozen orduotan ere euria barra-barra egiten jarraituko du, ia etenik gabe, batez ere Kantauri isurialdean.
Butroe ibaiak gainezka egin du Mungia parean
Euriteen ondorioz, Butroe ibaiak gainezka egin du Mungia parean, eta bertako Udalak autoak toki garaietara mugitzea gomendatu die herritarrei.
Nafarroak 4,7 milioi aktibatu ditu auto elektrikoaren erabilera bizkortzeko
"Tximista Auto" plan berriak ibilgailu bakoitzeko 5.500 eurorainoko laguntzak eta azpiegituretarako zuzeneko laguntza indartzen ditu.
Berriro ekin diote Bidasoa ibaira salto egin zuen gizonaren bilaketari
Antza, pertsona batek bi gizon ikusi ditu igande goizaldean ibilgailuak garbitzeko gune batean lapurreta egiten, Irunen, eta ertzainak heldu direnean, horietako batek uretara egin du salto; bestea, 31 urteko gizasemea, atxilotu egin dute.
Gizon batek bikotekide ohia hil du Benicassimen
64 urteko emakume bat da biktima. Hainbat labankada jaso ondoren, larri eraman dute Castelloko Ospitale Nagusira, eta han hil da. Ustezko erasotzailea, 70 urteko gizona, atxilotuta dago.
Ertzaintza aste honetan hasiko da isunak jartzen baliza ez erabiltzeagatik
Baliza ez edukitzea edo baliza ez erabiltzea arau-hauste arintzat hartzen da, eta 80 euroko isuna dakar.
Gasteizko San Frantzisko elizan lanak egiten hasi dira, gehiago hondatu ez dadin
Martxoaren 3ko biktimen memorialaren egoitza izango dena narriatzen ari da, eta "kaltea areagotzeko arriskua dago, berehala esku hartzen ez bada".
Gizon bat hil da autoarekin kamioi baten kontra jota, Azkoienen
Aurrez aurre jo du kamioia 49 urteko auto-gidariak, eta lekuan bertan hil da.