Lehengai gisa pipa-azalak erabiliz, bateria kargagarriak lortu dituzte EHUko ikertzaileek
Unibertsitateak jakinarazi duenez, ikerketak egiaztatu du biomasako materialekin egindako bateriek energia nahikoa biltegiratzeaz gain, 1.000 karga eta deskarga ziklori ere eusten diotela. Aurkikuntzak aukera ekologikoagoak eskaintzen ditu "garestiagoak eta kutsagarriagoak" diren bateria tradizionalen aurrean.
Euskal Herriko Unibertsitatearen (EHU) ikerketa batek bateria kargagarriak garatzea lortu du, pipa-azalak lehengai gisa erabiliz. Hala, frogatu dute posible dela biomasa alternatiba gisa erabiltzea bateria komertzialetan eta, beraz, jasangarriagoak egitea.
Aurkikuntzak aukera ekologikoagoak eskaintzen ditu "garestiagoak eta kutsagarriagoak" diren bateria tradizionalen aurrean.
Unibertsitateak jakinarazi duenez, ikerketak egiaztatu du biomasako materialekin egindako bateriek energia nahikoa biltegiratzeaz gain, 1.000 karga eta deskarga ziklori ere eusten diotela.
Sodio ioien bateriak litio ioien bateriak baino alternatiba merkeagoa dira eta erreserba mineralen mendekotasun txikiagoa dute, baina, energia dentsitate txikia eta karga eta deskarga ziklo gutxiegi dituzte.
EHUko Egoera Solidoaren eta Materialen Taldearen helburua da sodio ioien bateriak garatzea, biomasako materialak erabiliz.
Bateriek katodo bat (alde positiboa) eta anodo bat (alde negatiboa) dute, eta karga batetik bestera mugitzeko elektrolito bat, korronte elektrikoa sortzeko balio duena. Euskal Herriko Unibertsitateko taldea hondar-biomasatik lortutako ikatzetan oinarritutako anodoak lortzeko ikerketan murgilduta dago, hondakinak bateria horietarako material erabilgarri bihurtuz.
Ikerketa honetan, taldeak hainbat biomasa mota probatu ditu, hala nola kafe hondarrak, landare zurtoinak, espezie inbaditzaileen zuhaixkak, mahats haziak edo azala, arto artaburuak eta baita bio-hondakinetatik lortutako konposta ere.
Horien guztien artean, pipa-azaletatik lortutako ikatzek eman dituzte "emaitzarik onenak".
"Pipa-azaletatik egindako bateria kargagarriak dira, energia kantitate egokia biltegiratzeko eta 1.000 karga eta deskarga ziklo ere jasateko gai direnak, kasu bakoitzean ingurumena gehien errespetatzen duen katodo-kimika aukeratuz", adierazi du Nekane Nieto EHUko Egoera Solidoaren eta Materialen Taldeko doktoreak.
Bateria horiek oraindik ez dira lehiakorrak litio ioien bateriekin alderatuta, eta bateria handiagoak lortu bitartean, "sistema osagarri" gisa edo gailu txikietan erabil daitezke.
Zure interesekoa izan daiteke
Ekain Perrinoren erasotzaile ia guztiei 2 urteko kartzela zigorra ezarri diete, gorroto-delituagatik
Eraso homofoboaren hamaika egileetatik hamarri 2 urteko espetxe-zigorra ezarri diete, eta hamaikagarrenari, 14 hilabetekoa. Denei 500 metroko urruntze agindua eta isunak ere ezarri dizkiete. Ekain Perrinori eraso bortitza egin zioten, 2021eko ekainean, Basaurin.
Albiste izango da: Aste Santuko irteera operazioa, krisiaren aurkako neurriak eta Ilargirako itzulera
Orain-eko albisteen laburpena, minutu batean.
Hamaika udalerritan Uber herri barruko zerbitzuak ematen ari dela atzeman du Gipuzkoako Foru Aldundiak
Foru erakundeak udaltzainak trebatzea eskaini die udalerri horiei, bide publikoan ikuskapenak egin ditzaten, "beren eskumenen esparruan, lurreko garraioei buruzko Lege Organikoan jasotzen den bezala".
Sutea izan da Lodosako etxebizitza batean, eta Zazpi pertsona zauritu dira; bat, larri
Zazpi pertsona ospitalera eraman dituzte, gaur arratsaldean, Lodosako etxebizitza batean izandako sutearen ondorioz. 77 urteko emakume bat erredura larriekin eraman dute helikopteroz Nafarroako Unibertsitate Ospitalera. Gainerakoek zauri arinak dituzte, kea arnasteagatik.
Ertzaintzak Errekaldeko gaztetxea hustu eta pertsona bati espedientea ireki dio
Ertzaintzako agenteek gazte-eragileek Bilboko Errekalde auzoan erabiltzen zuten lokal bat hustu dute astearte honetan. Bertan, bi pertsona identifikatu eta hirugarren bati espedientea ireki diote.
Sutea izan da Lodosako etxebizitza-bloke batean eta zazpi pertsona zauritu dira
Biktimetako batek erredura larriak ditu, eta Gurutzetako Ospitalera eramatea aurreikusten dute. Sei familia etxetik atera behar izan dituzte eta gaua ezagunen eta senideen etxean igaroko dute batzuek, herriko ostatu batean izango dira beste batzuk.
Zaleentzako guneak jarriko dituzte Zarautzen, Zumarragan, Tolosan eta Lasarten, Kopako finala jarraitzeko
Gipuzkoako Aldundiak hainbat ekintza antolatu ditu lau herriotan apirilaren 18rako, Sevillara joango ez diren zaletuek finaleko giroa bizi dezaten.
Adingabeei egindako sexu-abusuen kontuan fokua "Elizan soilik" jartzea leporatu dio Gasteizko gotzainak Espainiako Gobernuari
Juan Carlos Elizalde Gasteizko gotzainaren arabera, "erabat bidegabea da" Espainiako Gobernuak sexu-abusuen biktimen erreparazioaren kontuan "fokua Elizan soilik jartzea", eta espero du Espainiako Gotzainen Biltzarrak (EGB) eta Espainiako Gobernuak gaiaren inguruan lortutako akordioak balio dezala "beste batzuek ere euren lana" egin dezaten arazoari aurre egiteko.
Hogei urteko epean, 77.000 biztanle inguru gehiago izango dira orotara Araban, Bizkaian eta Gipuzkoan
2045eko hasierara bitarteko urteetan saldo begetatiboa negatiboa izango den arren, migrazioak eta jaiotza-tasaren susperraldak biztanleria handitzea ekarriko dute, batez ere 2035era bitartean.