Kopako finala
Zer eragin izango du trafikoan Kopako garaipenaren ospakizunak?
Donostiako Udalak segurtasun dispositibo berezi bat antolatu du Realak, kopa irabazi ostean, astelehenean jasoko duen harrerarako.
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.
Horrela kontatu ditugu, Kopa irabazi ostean, Realari Donostian egindako harrera eta ospakizunak
Estali gabeko autobus batean hiriko erdigunea zeharkatu dute jokalariek Anoetatik Alderdi Ederreraino. Udaletxean agintariak zituzten zain eta kanpoan milaka zalek ongi etorria eman diete.
Jokalariei Alderdi Ederren egin dieten harrera. Argazkia: EITB
HARRERA DONOSTIAN
Realari egindako harrera eta ospakizun ekitaldiak, zuzenean, ETB, ETB ON, kirolakeitb.eus, Euskadi Irratia, Radio Euskadi, Orain eta gainerako euskarri digitaletan.
Finala ikusgai dago, osorik, ETBON plataforman
2026/04/20 20:42
Aritz Elustondok, kapitainetako batek, banan banan aurkeztu ditu jokalariak eta entrenatzaileak
Taldekide bakoitzari eskainitako hitzak eta abestiak izan ditu aldagelako jokalari saltseroena denak. Berari ere abestu diote zaletu guztiek, hurrengo denboraldian Realean segi dezala eskatuz.
2026/04/20 20:26
Abestiak, saltoak... Poza eta alaitasuna nagusi dira uneoro ospakizunean zehar
2026/04/20 18:47
Milaka lagun elkartu dira Donostiako kaleetan Kopa eta jokalariak bertatik bertara ikusteko
2026/04/20 17:31
Sune, zuzenean
2026/04/20 17:05
Renfek ere ospakizunen ondorengo tren zerbitzuak indartuko ditu
Tolosarako eta Irunerako noranzkoetan zerbitzu bereziak eskainiko ditu gau partean. Zerbitzuon inguruan xehetasun gehiago izateko, Renferen whatsapp kanalera batzea edo tren geltokietako leihatiletan galdetzea gomendatu dute.
2026/04/20 16:50
Ikusi hemen harrera festaren egitarau osoa
Gonbidatu bereziak izango ditu festak, besteak beste, Iban Garcia, Gabriela Uriarte, Miren Nogales eta Alex Padilla izango baitira. Gainera, Sunek zuzenekoa eskainiko du, eta sorpresaz betetako arratsaldea izango da.
2026/04/20 16:41
Udalak hainbat aholku eman ditu festaz gozatzeko
-Beharrezkoak ez diren ibilbideak saihestu
-Planifikatu ibilbideak aurretiaz
-Garraio publikoa erabili
-Ez erabili ibilgailu pribaturik
-Plastikozko ontziak edo berrerabilgarriak eraman
-Zaindu objektu pertsonalak
2026/04/20 16:32
Garraio publikoan zerbitzu bereziak egongo dira
Adi, lineen eta geltokien aldaketak direla
Dbus -> http://labur.eus/8gmubijk
Lurraldebus -> http://labur.eus/1qu7l2mm
Euskotren -> http://labur.eus/pttgljib
2026/04/20 16:26
Kaleak itxita, libre du bidea Realaren autobusak Anoetatik Alderdi Ederrera joateko
Jokalariek hiriaren erdigunea zeharkatuko dute autobus ireki batean, udaletxeraino, eta 19:00ak aldera iritsiko dira Alderdi Ederrera.
2026/04/20 14:00
Autobusak Anoetatik udaletxera egingo duen bidea itxiko dute 15:00etan
15:00etatik autobusa udaletxera iritsi arte.
- Erabat itxita:
- Segizioaren ibilbide osoan:
- Anoetatik udaletxeraino (eta ondoko kaleetan).
- Anoeta estadioa, Madril etorbidea, Pio XII, Antso Jakituna, Mendeurren plaza, Urbieta kalea, Askatasunaren etorbidea, Okendo kalea eta Boulevarda.
- Anoetatik udaletxeraino (eta ondoko kaleetan).
- Erdigunea:
- Askatasunaren etorbidetik Boulevardera.
- Segizioaren ibilbide osoan:
- Ibilbidea egin ondoren, gutxika-gutxika irekiko dituzte itxitako tarteak.
2026/04/20 13:38
Aldaketak Lurraldebuseko lineetan, Realari arratsaldean egingo zaion harrera ekitaldiagatik
2026/04/20 12:35
Hau da Realeko jokalariak Anoetatik udaletxera eramango dituen autobusa
2026/04/20 12:04
Pellegrino Matarazzo, goizean, Donostiako kaleetan
Arratsaldeko ospakizun ekitaldiaren aurretik, goizean Pellegrino Matarazzo Realeko entrenatzailea erdiguneko kaleetan barrena ibili da. Argazkia: EFE
2026/04/20 08:54
Jai handia iragarri du Realak arratsalderako
Donostiako udaletxean harrera ofiziala egin ondoren, jokalariak balkoira aterako dira, Kopa Alderdi Ederren bilduko diren milaka eta milaka realzaleei eskaintzeko.
Behin protokolozko ekitaldiak amaituta, futbolariak Alderdi Ederren dagoen eszenatokira jaitsiko dira, jendearengandik gertuago egoteko. Musika, "aurkezle berezia" eta ezustekoak iragarri ditu Realak.
2026/04/20 08:29
Donostiako Udalaren mugikortasun eta segurtasun gomendioak
2026/04/20 08:19
Aldaketak Dbus zerbitzuan
2026/04/20 07:59
Euskotrenen tren zerbitzua indartuko du, Realari Donostian egingo zaion harrera dela eta
2026/04/20 06:34
TRAFIKOAREN GAINEKO ERAGINAK
Zer eragin izango du trafikoan Kopako garaipenaren ospakizunak?
2026/04/20 06:33
ORDUTEGIA ETA IBILBIDEA
Honela ospatuko du Realak Kopa bere zaleekin: ordutegia eta ibilbidea.
Kopako finala
Honela ospatuko du Realak Kopa bere zaleekin: jai txuri-urdinaren ordutegia eta ibilbidea
Ibilbidea 18:00ak aldera abiatuko da Anoetatik. Hiriko erdigunea zeharkatuko dute, Donostiako udaletxean eta Alderdi Eder inguruko lorategietan 19:00ak aldera amaitu arte.
2026/04/20 06:31
OSPAKIZUNAK ZUZENEAN
Realari Donostian egingo zaion harrera eta ospakizunak eskainiko ditu EITBk, zuzenean.
Zorionak Reala!: Realari Donostian egingo zaion harrera eta ospakizunak eskainiko ditu EITBk, zuzenean
Errege Kopako garaipenaren emozioa lau haizetara zabaltzeko profesional talde zabala arituko da lanean ETB, ETB ON, kirolakeitb.eus, Orain Euskadi Irratia, Radio Euskadi eta gainerako euskarri digitaletarako.
2026/04/20 06:27
OSPAKIZUNA
100.000 realzale espero dira gaur Donostian, garaipena ospatzeko.
Reala, Errege Kopako txapeldun!
Talde txuri-urdinak laugarren aldiz irabazi du Errege Kopa; izan ere, Sevillako Cartuja futbol zelaian jokatutako finalean, Atletico Madril menderatu du, penalti jaurtiketetan, luzapena 2-2 amaitu eta gero.
