Zer eragin izango du trafikoan Kopako garaipenaren ospakizunak?

Donostiako Udala, hainbat erakunde eta instituziorekin elkarlanean, dispositibo berezi bat diseinatu du “seguru eta ohi moduan” bizi daitezen Realak larunbat honetan irabazi duen Kopako finalaren ospakizunerako.

Gipuzkoako hiriburua giro aparta hartzeko prestatzen ari da astelehenari begira, eta erakundeek neurriak hartu dituzte trafikoarekin lotutakoak ondo atera daitezen.

Aparkalekuak

• Apirilaren 16tik 21era:
  • Kaian eta 1-1 / 1-2 sektoreetan (Erdialdea) aparkatzeko baimena duten ibilgailuek beste TAO sektore batzuetan aparkatu ahal izango dute, baina ezin izango dute erreserbatutako eremuetan eta TAO komertzialeko guneetan aparkatu.
• Hauetan ezin izango da aparkatu:
  • Hernani kalea (osoa).
  • Andia kalea (Hernani-Garibai artean).
  • Peñaflorida kalea (Hernani-Garibai artean).
  • Garibai-Peñaflorida (elkargunea).
  • Garibai kalea (Andia-Peñaflorida artean).
  • Legazpi kalea (osoa).
  • Okendo-Bengoetxea.

Ospakizunak

Igandea

Ezin izango da ibilgailurik aparkatu segizioaren ibilbide osoan.

• Ibilgailuak igande gaua baino lehen kendu beharko dira leku hauetatik:
  • Antso Jakitunaren etorbidea (erdigunerako noranzkoan).
  • Urbieta kalea (San Martin-Prim).
  • Okendo kalea (Askatasuna-Bengoetxea).
  • Lizarra kalea (zamalanak).
  • Manterola.

Astelehena

10:00etatik 15:00etara

• Hesiak jarriko dituzte ibilbidean.
• Ibili ahal izango dira (murrizketekin):
  • Garraio publikoa.
  • Baimendutako ibilgailuak:
    • Larrialdi zerbitzuak.
    • Egoiliarrak.
    • Zamalanak.
    • Diskrezionalak.
    • Parkinak.
• Trafiko pribatua:
  • Zirkulazioa etengo da, tarte batzuean.
  • Ordutegiak, eremuaren arabera.

15:00etatik autobusa udaletxera iritsi arte.

• Erabat itxita:
  • Segizioaren ibilbide osoan:
    • Anoetatik udaletxeraino (eta ondoko kaleetan).
      • Anoeta estadioa, Madril etorbidea, Pio XII, Antso Jakituna, Mendeurren plaza, Urbieta kalea, Askatasunaren etorbidea, Okendo kalea eta Boulevarda.
  • Erdigunea:
    • Askatasunaren etorbidetik Boulevardera.
• Ibilbidea egin ondoren, gutxika-gutxika irekiko dituzte itxitako tarteak.