Aske gelditu dira Vito Quilesen ekitaldi baten harira izandako istiluengatik atxilotutako 28 pertsonak
Horietako hamaseiri desordena publikoaren delitua leporatu diete. Gainerako hamabiei, horrez gainera, agintaritzaren agenteen aurkako atentatua ere egotzi diete.
:eitb-banner?$eitb-banner$&fmt=webp-alpha&qlt=80 "Urriaren 30eko istiluak. Argazkia: EFE.")
Aske geratu dira, Vito Quiles ultraeskuindar asaldatzailearen ekintza baten harira, urriaren 30ean izandako istiluetan parte hartu zutelakoan asteazken honetan Iruñerrian atxilotu zituzten 28 lagunak.
Horietako 16 asteazkenean bertan gelditu ziren aske. Desordena publikoak leporatzen dizkiete.
Gainerako 12 lagunei, horrez gainera, agintaritzako agenteen aurkako atentatua ere leporatzen diete, eta ostegunean gelditu dira aske, epailearen aurrean deklaratu ondoren.
Nafarroako Unibertsitateak bertan behera utzi zuen azkenean urriaren 30erako deitu zuen Vito Quiles ultraeskuindar polemikoaren ekitaldi hura.
Hala eta guztiz ere, manifestari antifaxisten eta Polizia Nazionaleko agenteen arteko liskarrak izan ziren, bai unibertsitate esparruan, baita Iruñeko Iturrama auzoko kaleetan ere.
Polizia Nazionalak amaitutzat eman du operazioa, baina ikerketak zabalik jarraitzen du. Aste honetan egindako atxiloketak azaroaren 21ean egindako laurei gehitu behar zaizkie.
EH Bilduk azalpenak eskatu dizkio Grande-Marlaskari
Fernando Grande-Marlaska Barne ministroari atxiloketa horien eta poliziaren jardueraren inguruan galdegin dio EH Bilduk, eta Senatuan azalpenak eman ditzala eskatu dio.
Alderdi abertzaleak atxiloketak eta poliziaren jardunaren "desproportzionaltasuna" salatu ditu; "atxiloketak etxeetan, ikastetxeetan, poliziaren presentzia masiboa eta neurriz kanpoko akusazioak" aipatu ditu.
EH Bilduk "antifaxismoaren eta protesta sozialaren kriminalizazioa" salatu du eta "mobilizaziorako eskubidea" aldarrikatzen du.
Zure interesekoa izan daiteke
Zopak, tortillak eta plater hoztuak: Horiek dira gehien kontsumitzen direnak
Zopak eta kremak janari prestatuaren kontsumoaren liderrak dira, pizzak pisua galtzen duen bitartean eta jateko prest dauden plater berriak irabazten dituzten bitartean.
Gero eta gutxiago kozinatzen dugu: aurrez prestatutako plateren kontsumoa % 150 hazi da Euskadin, eta % 133 Nafarroan
Euskadik eta Nafarroak etxeko elikagaien kontsumoa murriztu dute janari prestatuaren erosketa handitzen den bitartean.
Eguneko menuaren prezioa soldaten eta inflazioaren gainetik igo da azken hiru urteetan
Euskadin, eguneko menu batek 15,8 euro balio du batez beste, Balear Uharteekin batera Estatuko preziorik altuena. Nafarroan, berriz, 14,9 eurokoa da batez bestekoa, Estatukoa (14,2 euro) baino handiagoa.
Etxebarriko jaietan emakume bati egindako sexu-erasoa salatu dute
Bizkaian, Etxebarrin, elkarretaratze bat egin dute bart goizaldean San Antonio auzoko jaietan gertatu den sexu-erasoa salatzeko. Udalak, jai batzordeak eta txosnetako elkarteek bat egin dute protestarekin, eta gaueko ekitaldi guztiak bertan behera utzi dituzte. Elkarrekin kaleratutako idatzian diote erabilitako indarkeria onartezina dela eta ez datorrela bat aldarrikatzen duten elkarbizitzarekin eta emakumeek merezi duten segurtasunarekin.
Milioi bat pertsona baino gehiago joan dira aita santuaren mezara Madrilen, eta kultur zein kirol ordezkariekin topaketa izan du arratsaldean
Besteekiko jarrera irekia izateko eskatu die Leon XIV.a aita santuak fededunei, batez ere behartsuei, gaixoei, bakarrik dauden pertsonei eta itxaropena galdu dutenei hurbiltzeko, hurkoari laguntzeko jarrera sustatuz.
Elizak egindako sexu abusuen biktimekin bilduko da aita santua astelehenean
Madrilen egingo duen azken egunean batzartuko da Leon XIV.a biktimekin, Kongresuan hitzaldia eman eta gero.
Deiadar Mendien XXI. Eguna ospatu dute Ganekogortan
Adarraren soinua entzun da goizean Ganegokorta eta Pagasarri mendien luze-zabalean. Behinola Bizkaiko Batzar Nagusien batzarrerako deia hala egiten zuten. Usadio zaharra gogoratzeaz gain, mendi martxa egin dute gaur, jai giroan.
Santurtzik milaka lagun bildu ditu Euskal Eskola Publikoaren jaian
Santurtziko kaleak eta plazak ekitaldiz, familia-ikuskizunez, tailerrez eta bestelako jardueraz bete dira lehen ordutik, Euskal Eskola Publikoaren izaera irekia eta komunitarioa indartzeko asmoz.
Bilboko Itsas Museoko ontziak eraberritzen aritu dira Lantegi Batuakeko kideak, Erain proiektuari esker
Adimen urritasuna duten pertsonen inklusioa eta garapen profesionala sustatzen ditu Lantegi Batuak erakundeak Bizkaian. Berriki elkarlan berezi bati ekin dio Bilboko Itsas Museoarekin batera. Hainbat lagun museoko ontzi tradizionalak eraberritzen aritu dira bertako tailerrean. Gaur amaitu dute egonaldia, eta kideei erakutsi diete zer egin duten.
Martutene, espetxe sistemaren eraldaketaren isla
Donostiako espetxeak euskal kartzelen degradazio eta saturazio handieneko garaia ere ezagutu zuen 80ko hamarkadan. 150 preso hartzeko diseinatu zuten, baina 350 inguru jaso zituen 80ko hamarkadan. Atzera begiratuz gero, espetxe sistemaren eraldaketa ikus dezakegu.