Lekeitioko uharteko moilan erreskatatua izateak 1.500 eurorainoko faktura ekar dezake
2025eko lege-dekretu batek jasotzen duenez, erreskate-operatiboaren kostua erreskatatutakoaren gain utzi ahal izango da, baldin eta erreskatea arriskutsutzat seinaleztatutako gune batean egiten bada; duela aste batzuetatik, Lekeitioko uharterako moilak baldintza hori betetzen du.
Lekeitioko moila.
Lekeitioko Garraitz uharterako bidean, moilan, erreskatea egiten bada, kostua erreskatatutako pertsonari egotzi ahal izango zaio, eremua arriskutsutzat seinaleztatuta baitago jada. Iazko Legegintzako Dekretu batek hori bera ahalbidetu zuen, eta Eusko Jaurlaritzak arrisku-seinaleak jarri dituenez, ohartarazpenei jaramonik egiten ez dienei 1.500 euro arteko isuna jarri ahalko die Lekeitioko Udalak.
Zehazki, Eusko Jaurlaritzak mareei buruzko informazioa jarri du moilarako sarbideetan. Informazio horren barruan QR kodeak daude marea zelan dabilen jakitun egoteko, eremuaren argazkiak itsasgoran eta itsasbeheran, bai eta itsasgoran moila zeharkatzeak duen arriskuari buruzko ohartarazpenak ere.
Seinaleztapena, gakoa
Eusko Jaurlaritzak informazio hori jarri izana funtsezkoa da kasu honetan. Izan ere, 1/2025 Legegintzako Dekretuak aurreikusten du erreskatearen kostua kobratu ahal izatea jarduketa arriskutsutzat seinaleztatutako eremuetan egiten bada; eta hala da dagoeneko Isuntza hondartza Garraitz uhartearekin lotzen duen moilan.
Zehazki, arauak dio erreskatearen kostua subjektu pasiboari egotzi ahal izango zaiola "bilaketa-, erreskate- edo salbamendu-lanak arriskutsutzat jotako guneetan eta sartzea mugatua zein debekatua dagoen lekuetan egiten direnean".
Dekretuak, gainera, aurreikusten du erreskateen kostua kobratu ahal izatea arrisku-jarduerak egiten direnean, alerta meteorologikoak indarrean daudenean eta larrialdi-zerbitzua objektiboki justifikatutako arrazoirik gabe eskatzen denean (bai eta arriskua dagoelako itxura egiten denean ere).
Azken urteotan, gainera, nabarmen ugaritu dira eremu horretan egin behar izan diren erreskateak, bisitarien kopurua handitu egin delako. Joan den Aste Santuan hogei bat erreskate egin behar izan zituzten, eta egoera horren aurrean Eusko Jaurlaritzak neurriak hartzea erabaki du.
Zure interesekoa izan daiteke
Agur terrazetan eta hondartzetan erretzeari: honelakoa da tabakoaren aurkako lege berria, bapeagailua eta zigarroa parekatzen dituena
Espainiako Gobernuak onartutako lege berriak debekatu egingo du terrazetan eta hondartzetan erretzea eta bapeatzea. Izan ere, zigarreta elektronikoa eta tabako tradizionala parekatu eta 600 eurorainoko isunak aurreikusten ditu.
Bi begirale atxilotu dituzte Biarritzen, hiru eta lau urteko haurrak bortxatzea eta sexu-erasoak egitea leporatuta
Baionako Fiskaltzak jakinarazi duenez, orain arte jasotako testigantzen arabera, 12 sexu-eraso kasuren eta bortxaketa baten zantzuak aurkitu dituzte, eta ez dute baztertzen gehiago izatea.
Alga asiarra: gure kostaldeko itsas hondoa hartzen ari den alfonbra berdea
Alga hori gure hondartzetan zabaltzea ageriko zatia baino ez da. Izan ere, alga asiarra gure itsas hondoan alfonbra berdeak osatzen ari da. Haren hedapenak biodibertsitatea mehatxatzen du, eta hura kontrolatzeko erronka berriak sortu ditu.
Espainiako Gobernuak behin betiko onartu du terrazetan eta hondartzetan erretzea debekatzen duen tabakoaren aurkako legea
Araudi berriak zigarro elektronikoak eta bapeagailuak ohiko tabakoarekin parekatu ditu, kerik gabeko guneak zabalduko ditu eta produktu berrien salmenta establezimendu espezializatuetara mugatuko du.
Euskal Encounterrek 5.000 parte-hartzaile inguru eta 4.000 ordenagailutik gora bilduko ditu BECen
Makrohitzordu teknologikoa uztailaren 23tik 26ra egingo da eta arreta berezia eskainiko zaio adimen artifizialari eta ordenagailu kuantikoari.
Bi emakume hil dituzte azken 24 orduetan beren bikotekide edo bikotekide ohi gizonezkoek Malagan eta Toledon
Emakumezkoek 30 eta 45 urte bitartean zituzten, eta euren bikotekideek eraso eginda hil dira. Gizon bat atxilotu dute, eta besteak bere buruaz beste egin omen du. Guardia Zibila beste kasu bat ikertzen ari da Malagan. Beste emakume bat hilik aurkitu zuten astelehen gauean Almoradin (Alacant), baina autopsiaren arabera, arrazoi naturalengatik hil zen.
Amaitu dira goizeko ilarak A-8an, Muskiz parean
Istripuak errei bat ixtea eragin du Santanderrerako noranzkoan eta une batean 5 kilometrokoak izan dira auto-ilarak, eguerdiko 12:00ak aldera errepidea berriro zabaldu duten arte.
Gernikako 36 bizilagunek 20 egun daramatzate etxetik kanpo, ondoko lursaileko obrek euren etxebizitzetan eragindako arrakalen ondorioz
Gernikako Errenteria auzoko bizilagunek uztailaren 1etik daramate etxetik kanpo, ondoko lursailean egiten ari diren obrek euren etxebizitzetan arrakala larriak eragin ostean. Orain arte, etxetik kanpo egoteak eragindako gastuak obretan dagoen kooperatibak ordaindu dizkie, baina aurrerantzean, ez omen da horrela izango. Kooperatibak egoera berrikusi dezan eskatu dio Udalari, eta auzia aseguruen esku dagoela dio; bizilagunek, berriz, babesik gabe sentitzen direla salatu dute.
Gizon bat atxilotu dute bikotekidea hiltzeagatik, Toledon
Krimena goizaldean egin du, Alameda de la Sagrako etxebizitza batean.