Bi begirale atxilotu dituzte Biarritzen, hiru eta lau urteko haurrei sexu-erasoak egitea leporatuta
Baionako Fiskaltzak jakinarazi duenez, orain arte jasotako testigantzen arabera, 13 sexu-eraso kasuren zantzuak aurkitu dituzte (horietako bat oso larria da), eta ez dute baztertu gehiago izatea.
Biarrizko Mouriscot aisialdi-egoitzako bi begirale atxilotu dituzte astearte goizean, haurrei sexu-erasoak egitea leporatuta. Biktimak hiru eta lau urteko haurrak dira. Ikertzaileek 13 kasuren berri jakin dute, baina gehiago izan daitezkeela uste dute.
Albistearen berri astearte honetan eman bada ere, ikerketa joan zen ostiralean, uztailaren 17an, abiatu zen, haurretako baten testigantzaren ondorioz. Baionako Fiskaltza ari da kasua ikertzen eta Jeanne François fiskalak Ici Pays Basque hedabideari jakinarazi dionez, ikertzaileek froga medikuekin konfirmatu behar duten 13 sexu-erasoren zantzuak aurkitu dituzte; bat larria da.
Haurrek duten adina kontuan hartuta, Baionako ospitaleko Arriskuan dauden Haurren Harrera Pediatrikorako Unitatearen protokolo baten bidez ari dira haiekin hitz egiten, psikologo baten, ikertzaile espezializatu baten eta auzitegiko mediku batekin.
Atxilotuak 21 eta 36 urteko animatzaileak dira. Horietako batek bi urte zeramatzan Mouriscot egoitzan lanean eta bestea aurten hasitakoa zen. Ikertzaileen arabera, oraindik goiz da elkar hartuta aritu ote ziren jakiteko. Printzipioz, asteazkenera arte egongo dira atxilotuta deklarazioa emateko, nahiz eta prebentziozko atxiloaldia 48 ordura arte luzatu daitekeen.
Biarrizko Udalak funtzioetatik baztertu ditu eta auzian parte zibil gisa parte hartzeko asmoa adierazi du. Horrez gainera, familiak artatzeko laguntza-zerbitzua jarri du martxan.
Zure interesekoa izan daiteke
Duela 8 eta 9 urte desagertutako gizon eta emakume baten kotxeak aurkitu dituzte Adur ibaian, haien gorpuekin
Desagertutako pertsonak bilatzen espezializatutako GKE bateko urpekari estatubatuarrek gazte baten autoa aurkitu dute Adur ibaian, Baionatik gertu. Gazte horren arrastoa 2018an galdu zen. Miaketa-lanetan ari zirela, beste bi ibilgailu ere aurkitu dituzte urpean, eta barruan desagertutako emakume baten gorpuzkiak aurkitu dituzte.
Hiru sutek arazoak sortu dituzte Erandion, Alonsotegin eta Gueñesen
15:00 aldera Makro dendaren ondoan piztutako baso-sute batek ke handia eragin du Erandion. Alonsotegiko hirigunetik oso gertu, obra batean langile batzuen tresnek eragindako txinparta batetik hasi da sutea. Gueñesen, berriz, sutea 14:30ean hasi da zelai batean eta azkar zabaldu da baserrietarantz.
Ostiral gauean hasiko dira Gasteizko taxilarien guardiak, sektorearen zati baten desadostasunarekin
Sektorearen zati bat ez dago ados guardiak egitearekin. AIDTTAX elkarteak lanuzteak iragarri ditu eta kritiko azaldu da Udalak onartu nahi duen dekretu berriarekin ere.
Boltek VTC zerbitzua eskainiko du aurrerantzean Bilbon
Bizkaiko hiriburuko mugikortasun plataformako ibilgailuetako batzuk % 100 elektrikoak izango dira.
Gidabaimenik gabeko gidari batek kaosa eragin du Iruñean: bost delitu arratsalde bakar batean
Kamioneta bat lapurtu eta hainbat auto jo ondoren, atxilotuak bi oinezko harrapatu ditu atzeraka ihes egiten saiatzean, eta larri zaurituta utzi ditu.
Osakidetzak eta farmaziek 2 motako diabetesa duten 65 urtetik gorako paziente polimedikatuen medikazioa zainduko dute
Bi erakundeek asteazken honetan sinatutako hitzarmenak lau urteko indarraldia eta urteko 100.000 euroko finantzaketa izango ditu, botiken tratamenduaren jarraipen egituratua egiteko.
Bermeo, Elantxobe eta Mundaka Madalena eguna ospatzen ari dira, Izarorako itsas prozesioarekin
Bermeoko ontziak Izaro uharterantz joan dira, eta bidean alkateak teila bat bota du itsasora, irlaren jabetza Bermeorena dela aldarrikatzeko.
Euskal Herriko labar-margoetako animaliak patroi baten arabera antolatuta daude, eta ez ausaz margotuta
EHUren ikerketa baten arabera, animalia-irudien antolaketa nahita egina zen: bisonteak, zaldiak eta ahuntzak konposaketaren erdian zeuden, eta gainerakoak, periferian.
Suteak gogor jotzen ari dira Espainian: iaz sasoi berean baino hiru aldiz azalera handiagoa erre dute
Suak eragindako azalera uztailaren 8an 58.383 hektarea izatetik 119.458 hektarea izatera igaro da.
Albiste izango dira: Donostiako Jazzaldiaren hasiera, abisu horia temperatura altuengatik eta Otxandioko bonbardaketaren 90. urteurrena
Gaurkoan Orain-en albiste izango direnen laburpena, bi hitzetan.