Jazzaldia abiatzeko ETSk bihar hondartzan emango duen kontzertu jendetsua Kursaaleko fatxadan ikusi ahal izango da
Asteazken honetan ekingo diote doako kontzertu jendetsuei, Keler Gunean. Arabako talde ezagunak joko du 23:30ean, eta, aurretik, LP artista estatubatuarraren musika izango da protagonista. Datorren egunetan Danielle Nicole, Kokoshca, Emma-Jean Thackray, Nøgen eta HOFE igoko dira Zurriolako oholtzara, besteak beste.
Jazzaldiak doako kontzertuei eta itsasertzean bilduko den jendetzari zabalduko dizkie ateak asteazken honetan. Zurriola hondartzako txoko paregabean kokatutako Keler gunean, En Tol Sarmiento (ETS) Arabako taldeak piztuko du inaugurazio-gaua 23:30etik aurrera, milaka zaleren ahotsak batuko dituen kontzertu gogoangarri batekin.
Zuzeneko kontzertua Kursaaleko fatxadan proiektatuko da, Jon Insausti alkateak astearte honetan iragarri duenez: "Lehen aldiz hiriko pantailarik handiena jazzak hartuko du", adierazi du. Hondar gaineko erakustaldi handiak emango dio hasiera uztailaren 22tik 26ra bitartean egingo den Donostiako Jazzaldiaren 61. edizioari.
Zurriolako hondartzako egitaraua, egunez egun
Asteazkena (inaugurazioa): Zurriolako musika-emanaldiak 20:45ean hasiko dira, Laura Pergolizzi estatubatuarraren eskutik (kultur munduan LP izenez ezaguna eta Lost On You nazioarteko arrakastagatik ospe handia zuen). Hura arduratuko da gaua berotzeaz, ETS taldearen zuzenekoaren aurretik.
Osteguna: 21:00etan Danielle Nicolek kontzertua eskainiko du, gaur egungo blues musikan ezinbesteko ahotsa da bera. Ondoren, 23:30ean, Ibibio Sound Machine Londresko taldearen txanda izango da, Nigeriako afrobeata elektronika eta funk doinuekin uztartzen dituen taldea, hain zuzen ere.
Ostirala: Ostiralean Iruñeko Kokoshca taldeak hartuko du lekukoa 21:00etan eta Divino tesoro disko berria aurkeztuko dute Zurriolako oholtza gainean. Atzetik, 23:30ean, Emma-Jean Thackray ingeles multinstrumentistari utziko diote lekua.
Larunbata: Hondar gaineko azken gauean euskal musika izango da protagonista. Nøgen talde donostiarrak bere hamargarren urteurrena ospatuko du 21:00etatik aurrera, eta HOFE taldearen trap eta elektronika doinuek emango diote amaiera hondartzako kontzertuei 23:30ean.
Ordainpeko kontzertuak
Zurriolako hondartzatik harago, ordainpeko musika-egitaraua jaialdiaren ohiko bi gune nagusietan kontzentratuko da:
- Kursaal Auditorioa: Lau kontzertu handi egingo dira arratsaldeetan (18:30ean, igandean izan ezik, 17:30ean izango baita). Bertan Samara Joy eta Nils Petter Molvaer arituko dira, baita dagoeneko sarrera guztiak agortu dituzten bi izar handi ere: Pat Metheny eta Diana Krall.
- Trinitate plaza: 21.00etatik aurrera saio bikoitzak hartuko ditu. Besteak beste, David Murray, Joe Lovano eta Cécile McLorin Salvanten magiaz gozatu ahal izango da, eta sarrerak agortu dituen Marcus Millerren emanaldi jendetsuaz ere bai.
Sariak eta doako kontzertu gehiago
Nolanahi ere, musikak ez du etenik izango Donostian ondorengo egunetan. Zurriolako kontzertu jendetsuez gain, jaialdiak doako eskaintza zabala du hiriko hainbat terraza eta espazio publikotan, musika modu librean gozatu nahi dutenentzat.
Agertoki ireki horietan nazioarteko zein estatuko izen nabarmenak arituko dira, hala nola Lisa Ono, Annie & The Caldwells, Marco Mezquida, Boskote Astor Piazzolla, The International Classic Jazz Allstars eta Amphitrio.
Amaitzeko, Donostiako Jazzaldia sariak emango zaizkie David Murray eta Joe Lovano saxofonista mitikoei. Eta horiez gain, jaialdiak sari berezi bat emango dio Miguel Martini ere, 1984 eta 2026 urteen artean Jazzaldiaren zuzendari izandakoari.
Zure interesekoa izan daiteke
Bilbao Blues jaialdiak doako kontzertuekin beteko du Areatza
Uztailaren 24tik 26ra egingo den jaialdiaren bosgarren edizioak Travellin' Brothers Bizkaiko taldeari emango dio urteko saria.
Jazza ozen Donostian, Pat Metheny, Diana Krall eta Marcus Millerren eskutik
Donostiako 61. Jazzaldiak 77 kontzertu eskainiko ditu uztailaren 22tik 26ra, horietako 47, doakoak. David Murrayk, Joe Lovanok eta, jaialdia gidatuko duen azken urtean, Miguel Martín zuzendariak jasoko dituzte Donostiako Jazzaldia sariak.
Madonna, Shakira, Ronaldinho edo Ronaldo Nazario, izar nagusiak Super Bowl kutsuko Munduko Kopako finalean
Justin Bieberrek Everyyhing Hallejujah interpretatu zuten, gitarraz lagunduta. Harmailetan beste izar batzuk zeuden; hala nola Beyonce, Dua Lipa, Rihanna, Timothée Chalamet eta Matt Damon.
The Bad Plus taldeak bere agur-birako azken kontzertuetako bat eskaini du Gasteizko Jazzaldian
The Bad Plus taldeak Gasteizko Jazzaldian eskaini zuen bere agur-birako azken kontzertuetako bat. Talde estatubatuarra 26 urte, 16 disko eta milaka emanaldiren ibilbideari amaiera ematean ari da, eta jaialdiaren 49. edizioko azken eguneko hitzordu hunkigarrienetako baten protagonista izan zen. Giant eta Anthem for the Earnest kantek Mendizorrotzako publikoa hunkitu zuten.
ETSk milaka lagun bildu ditu Baionan, eta udaletxeko plaza txiki geratu da
Julie Rouault kantautorea oholtzara igo da ETSrekin abestera, gaueko unerik berezienetako batean. Arabako taldeak jendetza batu du ostiralean, Baionako bestetan.
Ruben Bladesek Gasteiz liluratu du, salsa, emozioa eta konpromiso soziala uztartu dituen hiru orduko emanaldiarekin
Panamako artistak, Roberto Delgado Big Band taldea izan du lagun oholtzan. Ia hiru orduko kontzertua eskaini du, eta bere abesti ezagunak eta gizarte-konpromisoari lotutako mezuak uztartu ditu.
Sun Ra Arkestraren izpiek Gasteiz argitu dute
Estatubatuar talde beteranoak publikoa ase du bart Gasteizko jazz jaialdian, Mendizorrotzan.
Take 6 ahots taldeak Mendizorrotzako kontzertuak abiatu ditu, Gasteizko jazz jaialdian
Gretchen Parlatok eta Take 6 ahots seikoteak osatu dute Gasteizko Jazz Jaialdiko Mendizorrotzako kontzertuen lehen gaueko kartela. Larunbatera arte entzungo da jazza Arabako hiriburuan.
Niko Etxart “euskal rock n’ roll”aren aitzindariari gorazarre
Zuberotar kantautoreak hitzordu bikoitza du publikoarekin: azaroaren 21ean, Getxon, eta azaroaren 28an, Donibane Lohizunen. Bere ibilbideko kantu esanguratsuenak, Zuberoako kantu tradizionalak eta hainbat kolaborazio entzun ahalko dira emanaldiotan, eta ETBk Getxokoa filmatuko du.