Bermeok, Elantxobek eta Mundakak Madalena eguna ospatuko dute gaur, Izarorako itsas prozesioarekin
Elantxobeko portua, Madalena egunean.
Bermeok, Elantxobek eta Mundakak urteko egun berezienetako bat biziko dute gaur, Madalena eguna dute eta. Goizean egingo den itsas prozesioak eta Izaro uhartearen inguruko ohiturak milaka lagun bildu ohi ditu urtero Busturialdean, eta jai giroak egun osoan jarraituko du bi herrietan.
Urteroko ohiturari jarraituz, Bermeoko ontziak Izaro uharterantz abiatuko dira, eta bidean alkateak teila bat botako du itsasora, irlaren jabetza Bermeorena dela aldarrikatzeko. Kondairak dioenez, Bermeok estropada batean irabazi zion Izaroren jabetza Mundakari, eta ordutik urtero errepikatzen da keinu sinboliko hori.
Teila itsasora bota ondoren, udalbatza Elantxobera eta Mundakara joango da, ohiturari jarraipena emanez. Lehenago, hori bai, ohiko aldarrikapena zabalduko du lau haizetara: "Honaino ailegatzen dira Bermeoko itoginak".
Zuzenean, ETB ON plataforman
Ontzien itsasoratzea eta itsas prozesioa 11:30etik aurrera izango dira, eta zuzenean jarraitu ahal izango dira ETB ON plataformaren bidez.
Madalenak ez dira, ordea, Busturialdeko herrietara mugatuko. Errenterian eta Vianan ere gaur izango dute jaietako egun handia, atzo ospakizunei hasiera eman ondoren. Bi udalerrietan kirol ikuskizunak, musika kontzertuak eta adin guztiei zuzendutako jarduerak antolatu dituzte, egun osoan jai giroa nagusi izan dadin.
Horrela, uztailaren 22ak Euskal Herriko hainbat txokotan bilduko ditu tradizioa, kultura eta jai giroa, Madalena eguna protagonista nagusi bihurtuta.
Zure interesekoa izan daiteke
Albiste izango dira: Donostiako Jazzaldiaren hasiera, abisu horia temperatura altuengatik eta Otxandioko bonbardaketaren 90. urteurrena
Gaurkoan Orain-en albiste izango direnen laburpena, bi hitzetan.
Otxandioko bonbardaketa frankistan hildako 61 lagunak gogoratuko dituzte gaur, sarraskiaren 90. urteurrenean
Herriko Andikona plazan Santa Marina jaiak ospatzen ari zirela, 61 auzokide hil zituzten eraso frankista batean. Euskadiko zibilen aurkako lehen aire-erasoa izan zen.
Haurdunaldian ematen diren genero indarkeria kasuak osasun-kontsultei esker identifikatu daitezke
Haurdunaldian emakumeek harreman estua izaten dute osasun-sistemarekin: emaginarekin, ginekologoarekin eta erizainarekin dituzte kontsultak. Hilabete horiek giltza izan litezke genero-indarkeria egoerak identifikatzeko. Osasun eta gizarte-arloen aldetik erantzun koordinatua emateko beharra aldarrikatu dute adituek Donostian, “Indarkeria eta amatasuna” izeneko udako ikastaroan.
Einar Galilea euskal futbolariaren aurkako pintadak agertu dira Malagan, Argentinako kamisetarekin bere irudia zabaldu ostean
Irainez betetako pintadak Rosaledatik gertu agertu dira, Espainia eta Argentinaren arteko Munduko Txapelketako finalaren ostean. Malagako jokalariaren argazkia sare sozialetan zabaldu da, baina ez dago argi noiz ateratakoa den.
Agur terrazetan eta hondartzetan erretzeari: honelakoa da tabakoaren aurkako lege berria, bapeagailua eta zigarroa parekatzen dituena
Espainiako Gobernuak onartutako lege berriak debekatu egingo du terrazetan eta hondartzetan erretzea eta bapeatzea. Izan ere, zigarreta elektronikoa eta tabako tradizionala parekatu eta 600 eurorainoko isunak aurreikusten ditu.
Bi begirale atxilotu dituzte Biarritzen, hiru eta lau urteko haurrak bortxatzea eta sexu-erasoak egitea leporatuta
Baionako Fiskaltzak jakinarazi duenez, orain arte jasotako testigantzen arabera, 12 sexu-eraso kasuren eta bortxaketa baten zantzuak aurkitu dituzte, eta ez dute baztertzen gehiago izatea.
Alga asiarra: gure kostaldeko itsas hondoa hartzen ari den alfonbra berdea
Alga hori gure hondartzetan zabaltzea ageriko zatia baino ez da. Izan ere, alga asiarra gure itsas hondoan alfonbra berdeak osatzen ari da. Haren hedapenak biodibertsitatea mehatxatzen du, eta hura kontrolatzeko erronka berriak sortu ditu.
Espainiako Gobernuak behin betiko onartu du terrazetan eta hondartzetan erretzea debekatzen duen tabakoaren aurkako legea
Araudi berriak zigarro elektronikoak eta bapeagailuak ohiko tabakoarekin parekatu ditu, kerik gabeko guneak zabalduko ditu eta produktu berrien salmenta establezimendu espezializatuetara mugatuko du.
Euskal Encounterrek 5.000 parte-hartzaile inguru eta 4.000 ordenagailutik gora bilduko ditu BECen
Makrohitzordu teknologikoa uztailaren 23tik 26ra egingo da eta arreta berezia eskainiko zaio adimen artifizialari eta ordenagailu kuantikoari.