Hugo Chavezen ebakuntza 'arrakastatsua' izan da
Hugo Chavez Venezuelako presidenteari minbiziaren aurka egindako ebakuntza "arrakastatsua" izan da. Sei ordu baino gehiagoko ebakuntza izan da eta presidentearen gertukoek tentsio uneekin bizitu dute.
Nicolas Maduro presidenteordeak telebistan eta irratian adierazi duenez, ebakuntza arrakastatsua izan da eta presidentea dagoeneko logelan dago.
Nicolas Maduroren hitzen arabera, "lesio zaharrak zeuden toki berean agertu den mina sendatzeko sei ordu baino gehiagoko ebakuntza egin ostean, amaitu dela esan dezakegu".
Chavezen gobernu osoarekin batera azaldu da Maduro eta "kezka eta tentsio uneak" bizi izan dituztela onartu du. Halaber, 1999az geroztik boterean dagoen 58 urteko presidentearen osasunaren alde "otoitz" egiten egon direla azaldu du.
Orain ebakuntza osteko aroa hasten dela adierazi du "gure herrialdeko, Kubako eta munduko beste tokietako medikuen eta adituen tratamendu bereziekin".
Ez du honen inguruko xehetasunik eman, baina "egun batzuk iraungo" dituela azaldu du. Gobernuak egunero emango du presidentearen osasunaren berri.
Venezuelako presidentea Habanan dago igandeaz geroztik ebakuntza egiteko. 2011ko ekainean minbizia atzeman zioten Chavezi pelbis inguruan, baina oraindik ez dute publikoki argitu, zehazki gaitza non duen eta horren nolakotasuna.
Berriz ere gaitza agertu zitzaiola iragarri zuen Chavezek larunbatean, eta Nicolas Maduro izendatu zuen bere oinordeko gisa, ebakuntzaren ondoren gobernuburu izaten jarraitu ezin badu.
Zure interesekoa izan daiteke
Txertoak agortu dira eta farmaziak gainezka daude Erresuma Batuan, meningitis-agerraldi baten ondorioz
Kezka zabaldu da Erresuma Batuan. Unibertsitate-ikasleak biltzen diren Canterburyko diskoteka batean hasi da agerraldia. Dagoeneko bi pertsona hil dira eta gutxienez 20 kutsatu dira.
Petrolio-upelaren prezioa 113 dolarrera igo da eta gasa % 30 garestitu, Qatarreko energia-azpiegituren aurka abiatutako erasoen ondorioz
Ekialde Hurbileko gatazkak merkatuak astintzen jarraitzen du: Asiako Burtsek behera egin dute gogor, eta Europakoek, berriz, irekiera negatiboak espero dituzte, Europako Kontseiluaren bileraren zain.
Israelek eta Estatu Batuek eraso egin diote Iranek eta Qatarrek duten munduko gas aztarnategi handienari
Iranek ohartarazi du bere azpiegitura energetikoaren aurkako erasoek "ondorio kontrolaezinak" ekar ditzaketela, eta egoera are gehiago zaildu eta mundu osoari kalte egin diezaioketela.
Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"
Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste.
Irango zentral nuklear bati eraso egin diotela salatu du NBEk
Oraingoz, ez dute biktimen ezta kalteen berririk eman. Energia Atomikoaren Nazioarteko Erakundeak Ekialde Hurbileko gatazka baretzeko deia egin du, istripu nuklearrak gertatzeko arriskua saihesteko.
Iranek misilekin eraso egin du Tel Aviven aurka, Ali Larijaniren hilketaren mendeku gisa
Irango Guardia Iraultzailearen esanetan, "100 helburu militar eta segurtasun helburu baino gehiago" jo dituzte, erasoan Israelgo aireko defentsa sistemak gaindituta.
Iranek baieztatu du Ali Larijani Segurtasun Nazionaleko Kontseilu Goreneko idazkaria hil duela Israelek
Martxoaren hasieran Khamenei aiatola hil zutenetik, Larijani Irango buruzagi garrantzitsuenetakoa zen. Halaber, eraso berean Golamreza Soleimani Basij indar paramilitarreko buruzagia hil dutela baieztatu du Irango Guardia Iraultzaileak. Hilketa horien aurrean, Irango agintari politiko eta militarrek "mendekua" agindu dute.
Espainiak euskara, katalana eta galegoa Europar Batasunean hizkuntza ofizialak izan daitezen nahi du
Fernando Sampedro EBko Estatu idazkariak esan du presioa egiten jarraituko dutela, nahiz eta gaiak bederatzi hilabete daramatzan Ministerioaren agendatik kanpo.
Israelgo Armadak iragarri du "eskala handiko" beste erasoaldi bat egingo duela Teheranen aurka
Israel Katz Defentsa ministroak iragarri duenez, Ali Larijani Irango Segurtasun Nazionaleko agintaria hil dute.
Trumpek esan du "ohore handia" izango litzatekeela "Kuba hartzea"
Bere Administrazioa Kubako agintariekin hitz egiten ari dela errepikatu du agintariak, eta irla "porrot egindako nazio bat" dela azaldu du. "Ez dute dirurik, ez dute petroliorik, ez dute ezer".