Krimea 'askatu' arte ez duela amore emango ohartarazi du Ukrainak
Ukrainako Parlamentuak Krimearen eta Errusiaren arteko bat-egitea ez aitortzea eskatu dio nazioarteari, eta, ildo horretatik, lurraldea "askatu" arte ez duela amore emango ohartarazi du.
Adierazpena Alexandr Turtxynov Ukrainako presidenteak proposatu du, eta 303 diputatuetako 274k babestu dute.
"Ukrainako herriaren izenean, Krimea Ukrainaren parte dela eta beti izango dela adierazi nahi du Rada Gorenak (Parlamentua). Ukrainako herriak ez du inoiz amore emango, inola ere, Krimea askatu arte, okupazioa gogorra eta iraunkorra izan arren", azpimarratu dute adierazpenean.
Kieveko Parlamentuaren esanetan, Errusiak "inbaditu" egin du Krimea, eta hori nazioarteko zuzenbidearen urraketa da.
"Bigarren Mundu Gerra bukatu zenetik lehenengoz, herrialde ziniko batek aldatu egin ditu Europaren mugak; Ukrainaren osotasuna babestu behar duela sinatu duen herrialde ziniko batek egin du", deitoratu dute.
Bat-egitea asteon burutuko da
Bestalde, Krimeak Errusiarekin bat egiteko prozesu legala aste honetan bukatuko dela aurreratu du Sergei Lavrov Moskuko Gobernuaren Atzerri ministroak.
Errusiako Behe Ganberak ostegunean berretsiko du Vladimir Putin presidenteak asteartean sinatutako ituna, eta Senatuak ostiralean egingo du. Adituek segurutzat jotzen dute ganberek baiezkoa emango dutela, Putinek babes zabala duelako bietan.
Trantsizio epe baten ostean, Krimea 2015. urteko urtarrilaren 1ean izango da, ofizialki, Errusiaren parte.
Ban Ki-moon, Moskun
Testuinguru honetan, Ban Ki-moon NBEko idazkari nagusia Moskura joan da, Errusiako agintariekin hitz egitera, tentsioa baretzeko asmoz.
Hain zuzen ere, Vladimir Putin presidentearekin eta Sergei Lavrov Atzerri ministroarekin hitz egingo du gaur, "krisiari irtenbide baketsua eman ahal zaiola uste baitu", Farhan Haq NBEko bozeramaileak azaldu duenez.
Ondoren, Ban Ki-moon Kievera abiatuko da, eta bihar Aleksandr Turtxynov Ukrainako presidentearekin eta Arseni Jatseniuk lehen ministroarekin bilduko da.
Albiste gehiago mundua
Porrot egin dute plastikoen kutsaduraren aurkako nazioarteko itunaren negoziazioek
Genevan hamar eguneko bileren ondoren, NBEko herrialdeek ez dute adostasunik lortu, baina elkarrizketa prozesua bizirik mantentzea eskatu dute.
Trumpek eta Putinek bilera egingo dute ostiral honetan Alaskan, Ukrainan su-etena lortzeko asmoz
AEBko presidenteak esan du % 25eko aukera dagoela bilerak arrakastarik ez izateko; Kremlinak, berriz, ohartarazi du ez dela aurreikusten akordio formalik sinatzea. Aurrerapenik ezean, Moskuren aurka zigor berriak ezarriko dituela ziurtatu du Trumpek.
Ia 40 pertsona hil dira Kaxmirren izandako uholdeetan, Indian
Gutxienez 38 pertsona hil eta 100 zauritu dira Indiako Jammu eta Kaxmir estatuan izandako euri-jasek eragindako uholdeetan. Erreskate talde ugari mobilizatu dira hondakinen artean harrapatuta egon daitezkeen edo korronteak eraman dituen biktimak aurkitzeko. Gunerik kaltetuenetako bat Chositi izan da. Ur-uholdeek kalteak eragin dituzte etxebizitzetan eta ibilgailuetan. Era berean, uholdeek suntsitu egin dituzte Kishtwar barrutiko Machail Mata santutegia urtero bisitatzen duten erromesentzako kanpin-dendetan jarritako aldi baterako sukaldeak.
Palestinako Aginte Nazionalak nazioarteko laguntza eskatu du Zisjordania hautsiko lukeen proiektuaren aurrean
Benjamin Netanyahuk "Israel Handiari" buruz berriki egindako adierazpenak berresten du plan horrek. Zisjordaniaz eta Gazako Zerrendaz gain, Egipto eta Jordaniako lurraldeen zati bat barne hartuko lituzke, besteak beste.
UEFA, Israelen aurka: "Utzi haurrak hiltzeari, utzi zibilak hiltzeari"
Bi haur errefuxiatu palestinar Paris Saint-Germain eta Tottenham taldeen arteko UEFAko Superkopako finalean izan dira, Aleksander Ceferin UEFAko presidentearekin batera.
Trump Putinengana hurbiltzen saiatuko da Alaskan, Ukrainari buruzko konpromiso irmorik hartu gabe
Ostiraleko bileran (19:30 GMT orduan izango dena, Euskal Herriko 21:30ean) ez da Volodimir Zelenski Ukrainako presidentea izango. Donald Trumpek eta Vladimir Putinek agerraldia egingo dute hedabideen aurrean bileraren amaieran.
Aitor Zabalgogeazkoa (MSF): "Gazako janari banaketa sistema berria basakeria bat da"
Aitor Zabalgogeazkoak zortzi aste egin ditu Gazan Mugarik Gabeko Medikuak erakundearen larrialdietako koordinatzaile bezala lan eginez. Bere hitzetan, 22 hilabeteren ostean, "jendeak esperantza galdu du eta gosetea gero eta handiagoa da". Zabalgogeaskoak gertutik bizi izan du Israelek eta AEBk babesten duten janari banaketa puntuetan gertatzen dena. "Egunero egoten dira hildakoak eta zaurituak" eta askok buruan eta bularrean jasotzen dituztela tiroak adierazi du "Gaur Egun" albistegian egindako elkarrizketan.
Hogeita hamar bat kazetarik protesta egin dute Tel Aviven kazetari gazatarren hilketaren aurka
"Utzi Gazan kazetariak hiltzeari", irakur zitekeen, ingelesez, arabieraz eta hebreeraz idatzitako pankarta batean. Kazetariak ordu erdiz egon dira bilduta Israelgo Kazetarien Elkarte Nazionalaren egoitzaren atarian isiltasunean.
Gutxienez 26 pertsona hil dira Lampedusako kostaldean, ontzi bat hondoratuta
Desagertuen bila jarraitzen dute; izan ere, 95 bat migratzaile zihoazen goizaldean Tripolitik (Libia) abiatu diren bi ontzitan. Horietako batean ura sartzen hasi da, eta, ondorioz, pertsonak bestean ontziratu dira. 60 inguru erreskatatu dituzte.
Aitor Zabalgogeazkoa Gazatik itzuli berri da eta Zerrendako egoera "inoiz baino okerragoa" dela uste du
Bilbon komunikabideekin egindako topaketa batean, 2012ra arte Mugarik Gabeko Medikuak erakundeko zuzendari nagusi izan denak eta gaur egun larrialdietako koordinatzailea den Aitor Zabalgogeazkoak Gazan eman dituen azken zortzi asteak deskribatu ditu. Gaur gauean, "Gaur Egun" albistegian elkarrizketa egingo diote, Gazako Zerrendan bizi den egoera azaldu dezan.