Ukrainak amaitutzat eman du erresistentzia Krimean
Errusiako tropek "Kosntantin Olshanski" lehorreratze-ontziari eraso egin diote Krimean. Itsaso Beltzeko Errusiako Flotari oraindik errenditu ez zaion Ukrainako azken ontzietako bat da hori.
"Guregana etorri dira", nabarmendu du ontziko kapitain Dmitri Kovalenkok, "Ukraínskaya Pravda" egunkari digitalak jakitera eman duenez. Dirudienez, 21 marinelek osatzen zuten tripulazioarentzat 200 erasotzaile inguru izan dira.
Irudietan, Errusiako flotak "Konstantin Olshanski" nola erasotzen duen ikus daiteke. Ke asko du inguruan ontziak.
Iturriaren arabera, tirok eta granadak entzun dira Donuzlav lakuan dagoen ontzian. Bertatik ezin izan du irten itsasora, errusiarrek bi ontzi hondoratu ostean.
Tropa guztiek atzera-egitea
Alexandr Turchinov Ukrainako bitarteko lehen ministroak Krimean dauden Ukrainako Indar Armatu guztiek atzera-egitea agindu du astelehen honetan.
"Seguritate eta Defentsa Batzorde Nazionalak Krimeako Errepublika Autonomoan dauden unitate militarrek atzera-egitea agindu dio Defentsa Ministerioari", jakinarazi die Turchinovek Ukrainako Rada (Parlamentua) Goreneko alderdi parlamentarioei.
Ukrainako kupulak "presiopean euren etxebizitzak utzi behar izan dituzten militarren familiei ostatua bermatzea" agindu du, azaldu du Ukrainako presidenteak.
Asteburuan Krimean dauden Ukrainako ia flota guztiak Belbek aireportuan eta Kievi leialtasuna zioten hainbat unitate militarretan galdu ostean hartu dute erabakia.
Gutxienez Ukrainako bost ofizial, horien artean, Belbekeko aire-baseko komandantea, Yuli Manchur koronela eta Igor Voronchenko Itsasertzeko Defentsarako Ukrainako Armadaren komandatea, atxilotu dituzte azken 24 orduetan, Krimean.
Errusiak AEBei erreferendumeko emaitzak onartzea eskatu die
Sergeui Lavrov Errusiako kanpo arazoetako ministroak John Kerry AEBetako Estatu idazkariari deitu dio, Krimean izandako erreferendumaren emaitzak (Errusiako Federazioaren alde egin zuen) onartzeko.
"Krimean izandako erreferendumaren emaitzak guztiz errespetatzeko beharra nabarmentzen dugu", azaldu du Lavrovek prentsaurrekoan, Kerryrekin bildu ostean, Hagan.
Krimean dauden militarren erdia Errusiako bandora pasatu da
Oleksander Rozmaznin jeneralak, Ukrainako Armadaren Estatu nagusiko "bi zenbakiak", esan duenez, Krimean dauden Ukrainako militarren erdiak Ukrainako Armadari uko egin diete, eta Errusiako indarrekin bat egin dute.
G7k goi-bilera Bruselan egingo du, ekainean, Errusian izan beharrean
G7ko estatuburuek eta gobernuburuek goi-bilera bat egingo dute Bruselan, datorren ekainean, Herman Van Rompuy Europako Kontseiluko presidenteak esan duenez.
Albiste gehiago mundua
Porrot egin dute plastikoen kutsaduraren aurkako nazioarteko itunaren negoziazioek
Genevan hamar eguneko bileren ondoren, NBEko herrialdeek ez dute adostasunik lortu, baina elkarrizketa prozesua bizirik mantentzea eskatu dute.
Trumpek eta Putinek bilera egingo dute ostiral honetan Alaskan, Ukrainan su-etena lortzeko asmoz
AEBko presidenteak esan du % 25eko aukera dagoela bilerak arrakastarik ez izateko; Kremlinak, berriz, ohartarazi du ez dela aurreikusten akordio formalik sinatzea. Aurrerapenik ezean, Moskuren aurka zigor berriak ezarriko dituela ziurtatu du Trumpek.
Ia 40 pertsona hil dira Kaxmirren izandako uholdeetan, Indian
Gutxienez 38 pertsona hil eta 100 zauritu dira Indiako Jammu eta Kaxmir estatuan izandako euri-jasek eragindako uholdeetan. Erreskate talde ugari mobilizatu dira hondakinen artean harrapatuta egon daitezkeen edo korronteak eraman dituen biktimak aurkitzeko. Gunerik kaltetuenetako bat Chositi izan da. Ur-uholdeek kalteak eragin dituzte etxebizitzetan eta ibilgailuetan. Era berean, uholdeek suntsitu egin dituzte Kishtwar barrutiko Machail Mata santutegia urtero bisitatzen duten erromesentzako kanpin-dendetan jarritako aldi baterako sukaldeak.
Palestinako Aginte Nazionalak nazioarteko laguntza eskatu du Zisjordania hautsiko lukeen proiektuaren aurrean
Benjamin Netanyahuk "Israel Handiari" buruz berriki egindako adierazpenak berresten du plan horrek. Zisjordaniaz eta Gazako Zerrendaz gain, Egipto eta Jordaniako lurraldeen zati bat barne hartuko lituzke, besteak beste.
UEFA, Israelen aurka: "Utzi haurrak hiltzeari, utzi zibilak hiltzeari"
Bi haur errefuxiatu palestinar Paris Saint-Germain eta Tottenham taldeen arteko UEFAko Superkopako finalean izan dira, Aleksander Ceferin UEFAko presidentearekin batera.
Trump Putinengana hurbiltzen saiatuko da Alaskan, Ukrainari buruzko konpromiso irmorik hartu gabe
Ostiraleko bileran (19:30 GMT orduan izango dena, Euskal Herriko 21:30ean) ez da Volodimir Zelenski Ukrainako presidentea izango. Donald Trumpek eta Vladimir Putinek agerraldia egingo dute hedabideen aurrean bileraren amaieran.
Aitor Zabalgogeazkoa (MSF): "Gazako janari banaketa sistema berria basakeria bat da"
Aitor Zabalgogeazkoak zortzi aste egin ditu Gazan Mugarik Gabeko Medikuak erakundearen larrialdietako koordinatzaile bezala lan eginez. Bere hitzetan, 22 hilabeteren ostean, "jendeak esperantza galdu du eta gosetea gero eta handiagoa da". Zabalgogeaskoak gertutik bizi izan du Israelek eta AEBk babesten duten janari banaketa puntuetan gertatzen dena. "Egunero egoten dira hildakoak eta zaurituak" eta askok buruan eta bularrean jasotzen dituztela tiroak adierazi du "Gaur Egun" albistegian egindako elkarrizketan.
Hogeita hamar bat kazetarik protesta egin dute Tel Aviven kazetari gazatarren hilketaren aurka
"Utzi Gazan kazetariak hiltzeari", irakur zitekeen, ingelesez, arabieraz eta hebreeraz idatzitako pankarta batean. Kazetariak ordu erdiz egon dira bilduta Israelgo Kazetarien Elkarte Nazionalaren egoitzaren atarian isiltasunean.
Gutxienez 26 pertsona hil dira Lampedusako kostaldean, ontzi bat hondoratuta
Desagertuen bila jarraitzen dute; izan ere, 95 bat migratzaile zihoazen goizaldean Tripolitik (Libia) abiatu diren bi ontzitan. Horietako batean ura sartzen hasi da, eta, ondorioz, pertsonak bestean ontziratu dira. 60 inguru erreskatatu dituzte.
Aitor Zabalgogeazkoa Gazatik itzuli berri da eta Zerrendako egoera "inoiz baino okerragoa" dela uste du
Bilbon komunikabideekin egindako topaketa batean, 2012ra arte Mugarik Gabeko Medikuak erakundeko zuzendari nagusi izan denak eta gaur egun larrialdietako koordinatzailea den Aitor Zabalgogeazkoak Gazan eman dituen azken zortzi asteak deskribatu ditu. Gaur gauean, "Gaur Egun" albistegian elkarrizketa egingo diote, Gazako Zerrendan bizi den egoera azaldu dezan.