Koreako ferryak haitz baten kontra talka egin zuen, adituen arabera
'Sewol' itsasontziak hondoa jo du, Hego Koreako kostaldean, eta gutxienez hogeita zotzi pertsona hil dira. 475 pertsona zeramatzan eta 179 pertsona onik erreskatatu dituzte, agintari korearrek zabaldutako azken balantzearen arabera.
Istripua zerk eragin zuen ez dakite oraindik ziur, baina adituek uste dute itsasontziak haitz baten kontra talka egin zuela. Kostazainen arabera, ferryak "bat-batean biratu zuen eta bere ibilbidetik atera zen". Itsasontziko kapitaina eta tripulazioko beste hainbat kide galdekatzen ari dira, istripuaren nondik norakoak argitu nahian.
"Kolpe handi bat egon zen, eta ondoren itsasontzia okertu egin zen", esan du bizirik atera den gizon batek. "Behealdean jatetxeak, dendak eta entretenimendurako aretoak zeuden, eta baliteke han behean bilduta zegoen jendeak ihes egitea lortu ez izatea", azaldu du.
Bidaiarien artean, Ansan Danwon institutuko 375 ikasle eta 14 irakasle zeuden. Lau eguneko bidaia egiten ari ziren hegoaldean dagoen Jeju uhartera. Desagertuta dauden 268 pertsonak itsasontziaren barruan geratu izana da une honetan beldur handiena. Beraz, bilaketa taldeen lehentasunik handiena hondoratutako itsasontzia goitik behera arakatzea da. Baina hainbat oztopo izan ditu urpeko operazioak, urpekariek ez zutelako ondo ikusten eta ur-korronteak bortitzak direlako.
Armadako eta Kostazaintzeko 500 agentetik gora parte hartzen ari da bilaketan, Yonhap Hego Koreako albiste agentziak zabaldu duenez. 169 itsasontzik eta 29 hegazkinek osatzen dute bilaketa taldea. Gainera erreskaterako bi garabi bidean dira bihar, ostirala, itsasontzia hondotik ateratzeko lanetan parte hartzeko.
Itsasontzia Japonian egin zuten 1994an, 146 metroko luzera du, 22ko zabalera eta 6.325 tonako pisua, eta 921 pertsona, 180 ibilgailu eta 152 edukiontzi eramateko adina leku.
Albiste gehiago mundua
Ehunka hedabidek, tartean EITBk, bat egin dute Gazako kazetarien hilketaren aurkako ekintza globalarekin
50 herrialdetako 200 komunikabidek baino gehiagok bat egingo dute astelehen honetan Mugarik Gabeko Erreportariek (RSF) bultzatutako mobilizazio globalarekin, "Gazako kazetarien aurka propio egindako sarraskia" salatzeko eta atzerriko prentsari Zerrendan oztoporik gabe sartzen uztea eskatzeko.
Israelek ziurtatu du Abu Obaida, Hamasen beso armatuaren bozeramailea, hil duela larunbat honetan Gazan izandako eraso batean
Armada eta inteligentzia zerbitzuak zoriondu ondoren, Katzek Gaza hiriko okupazioarekin jarraitzeko eskatu die. Brigadek eta Hamas mugimenduak ez dute balizko erailketa horri buruzko adierazpenik egin.
Ukrainako Odesa hiriari eraso dio Errusiak, eta 29.000 etxebizitza argindarrik gabe utzi ditu
Halaber, gutxienez hiru zibil hil eta sei zauritu ditu azken 24 orduetan Donetsk eskualdearen aurka egindako erasoetan.
Global Sumud Flotilla Gazara bidean da jada, 22 ontzi eta 300 pertsona baino gehiagorekin
15:30ean abiatu da Bartzelonako portutik, gutxienez 44 herrialdetako ordezkariekin, lau euskal herritar tartean, Gazako genozidioa eta blokeoa salatzeko helburuarekin. 5.000 pertsona inguru elkartu dira Bartzelonako portuan, flotillari babesa eman eta agurtzeko.
Arratsaldean abiatuko da Bartzelonatik Gazara janaria eta sendagaiak eramango dituen flotilla
15:00etan aterako dira hogei ontzi inguru, gutxienez 44 herrialdetako ordezkariekin, lau euskal herritar tartean, genozidioa eta blokeoa salatzeko helburuarekin. Albares ministroak ziurtatu duenez, Espainiako Gobernuak "babes diplomatiko eta kontsular osoa" eskainiko die Bartzelonatik Gazara abiatuko den ontzidi humanitarioan parte hartzen duten Espainiako herritarrei.
Israelek 100 gazatar baino gehiago hil ditu larunbatetik, eta Gaza hiria suntsitzen jarraitzen du
2023ko urriaren 7an Hamasek egindako erasoari erantzunez Israelek Gazan erasoaldia hasi zuenetik, 63.000 pertsona hil eta 159.000 baino gehiago zauritu ditu.
SCOren goi-bilera Txinan, Putinen eta Indiaren parte-hartzearekin
Errusiako presidenteak Shanghaiko Elkarlan Erakundearen goi-bileran hasiko du Txinara egingo duen lau eguneko bisita ofiziala. Hainbat urtetako liskarren eta tentsioaren ostean, Txina eta India "lagunak eta bizilagun onak" izan behar direla esan dio Xi Jinping Txinako presidenteak Narendra Modi Indiako lehen ministroari igande honetan.
Ehunka lagun joan dira Euskal Herritik Bartzelonara igande honetan Gazara abiatuko den flotillari babesa ematera
Bart gauean autobusak atera dira euskal hiriburuetatik Gazako Zerrendara janaria eta sendagaiak eramateko eta Israelen blokeoa eta genozidioa salatzeko abiatuko den flotillari babesa ematera.
Abbasek eta palestinar kargudunek NBEren Batzar Nagusian parte hartzeko debekua berriro aztertzeko eskatu dio EBk AEBri
NBEren goi bilera irailaren 9an abiatuko da New Yorken, eta eztabaida orokorra 23tik 27ra bitartean egingo da. Bestalde, Kaja Kallas Europako Batasuneko Kanpo Politikako buruak onartu du Israeli jarri ahal dizkioten zigorren inguruan EBko kideen artean ikusten den zatiketak sinesgarritasun galera eragin duela Europako herritarren aurrean.
Bi gizon atxilotu dituzte Indonesian, Espainiako emakume bat hil dutelakoan
Indonesian, uztailaren biaz geroztik desagertuta zegoen 72 urteko emakume espainiar bat hilda aurkitu zuen gaur bertako poliziak. Matilde Muñoz, jatorri galiziarra zuen emakumea, Lombok uhartean desagertu zen, eta hango hondartza batean aurkitu zuten gaur beren gorpua. Heriotzarekin lotuta bi pertsona atxilotu ditu poliziak, eta lapurreta eta hilketa leporatu dizkiete. Indonesiako Poliziak ziurtatu duenez, espainiarraren hilketa planifikatu zuten aitortu dituzten bi atxilotuek. Senggigi herrian bizi diren 34 eta 30 urteko bi gizon dira. Kontakizunaren arabera, Balitik gertu dagoen herri bateko hotel batean zegoen emakumea, lapurreta egin asmoz leihotik bere gelara sartu zirenean.