Ukraina: 'Errusiak hirugarren mundu gerra hasi nahi du'
Arseni Yatseniuk lehen ministro ukrainarrak esan du Errusiak mundu gerra berri bat hasi nahi duela, Ukraina "militarki eta politikoki okupatuta".
"Ukrainan gatazka militarra sortzen bada, gatazka militar hori Europara zabalduko da", nabarmendu du telebista bidez emititutako agerraldi batean.
"Munduak ez du Bigarren Mundu Gerra ahaztu, baina Errusiak jada Hirugarren Mundu Gerra hasi nahi du", erantsi du.
"Mosku gangsterren antzera jokatzen ari da, terroristei babesa eman da. Argi dago Errusiaren helburua Ukrainako hauteskundeetan eragitea dela, Ukrainaren eta mendebaldearen aldeko gobernua suntsitzea eta Ukraina militarki eta politikoki okupatzea", salatu du.
Gauzak horrela, Ukrainako Gobernuak esan du tropa errusiarrak bere lurraldean sartuz gero, inbasiotzat hartuko duela eta "erasotzaileak suntsitu" egingo dituela.
Aurretik, Mijailo Koval Defentsa ministro ukrainarrak jakinarazi du tropa errusiarrak Ukrainako mugatik kilometro batera hurbildu direla, baina soldadu ukrainarrak "edozein erasori aurre egiteko prest" daudela.
Slaviansk, inguratuta
Bestalde, Ukrainako segurtasun indarrek Errusiaren aldeko matxinoek aurkako operazioarekin aurrera jarraitzen dute eta Slaviansk inguratuta daukate.
"Helburua Slaviansk blokaetzea da", esan du Ukrainiako Presidentetza administrazioko buruzagi Seguei Pashinskik.
Gaur goizean Arsen Avakov Barne ministro ukrainarrak azpimarratu du "Errusiak inbasio-mehatxua egin arren, terrorismoaren aurkako operazioa" ez dutela bertan behera utzi.
"Terrorismoaren kontrako operazioak aurrera jarraitzen du. Terroristak eguneko 24 orduetan adi egotera behartuko ditugu. Herritarrak, baina, lasai egon daitezke", erantsi du.
Errusiaren abisua
Bestalde, Sergei Lavrov Errusiako Atzerri ministroak esan du Ukrainako Gobernuak hasitako operazio militarra "krimen odoltsu bat" dela eta agintari ukrainarrak auzitara eramango dituztela.
"Kiev bere herriaren kontrako gerra egiten ari da. Hori krimen odoltsua da eta Ukrainako Armada horretara bultzatu zutenek egindakoa ordainduko dute eta auzitegi batean azalpenak eman beharko dituzte", adierazi du Moskun egindako ekitaldi batean.
Horrez gain, joan den astean Genevan Ukrainako egoerari buruz erdietsitako akordio diplomatikoa aldatu nahi izatea leporatu die AEBei, Errusiako Gobernuari baldintza berriak ezartzea proposatzeagatik.
Ildo horretan, John Kerry AEBetako Estatu idazkariak salatu du Moskuk ez duela urratsik eman aipatu hitzarmena betetzeko eta, ondorioz, Errusiak bere jarrera aldatzeko "denbora agortzen" ari dela ohartarazi du. "Washington prest dago isun berriak ezartzeko", nabarmendu du.
Albiste gehiago mundua
Porrot egin dute plastikoen kutsaduraren aurkako nazioarteko itunaren negoziazioek
Genevan hamar eguneko bileren ondoren, NBEko herrialdeek ez dute adostasunik lortu, baina elkarrizketa prozesua bizirik mantentzea eskatu dute.
Trumpek eta Putinek bilera egingo dute ostiral honetan Alaskan, Ukrainan su-etena lortzeko asmoz
AEBko presidenteak esan du % 25eko aukera dagoela bilerak arrakastarik ez izateko; Kremlinak, berriz, ohartarazi du ez dela aurreikusten akordio formalik sinatzea. Aurrerapenik ezean, Moskuren aurka zigor berriak ezarriko dituela ziurtatu du Trumpek.
Ia 40 pertsona hil dira Kaxmirren izandako uholdeetan, Indian
Gutxienez 38 pertsona hil eta 100 zauritu dira Indiako Jammu eta Kaxmir estatuan izandako euri-jasek eragindako uholdeetan. Erreskate talde ugari mobilizatu dira hondakinen artean harrapatuta egon daitezkeen edo korronteak eraman dituen biktimak aurkitzeko. Gunerik kaltetuenetako bat Chositi izan da. Ur-uholdeek kalteak eragin dituzte etxebizitzetan eta ibilgailuetan. Era berean, uholdeek suntsitu egin dituzte Kishtwar barrutiko Machail Mata santutegia urtero bisitatzen duten erromesentzako kanpin-dendetan jarritako aldi baterako sukaldeak.
Palestinako Aginte Nazionalak nazioarteko laguntza eskatu du Zisjordania hautsiko lukeen proiektuaren aurrean
Benjamin Netanyahuk "Israel Handiari" buruz berriki egindako adierazpenak berresten du plan horrek. Zisjordaniaz eta Gazako Zerrendaz gain, Egipto eta Jordaniako lurraldeen zati bat barne hartuko lituzke, besteak beste.
UEFA, Israelen aurka: "Utzi haurrak hiltzeari, utzi zibilak hiltzeari"
Bi haur errefuxiatu palestinar Paris Saint-Germain eta Tottenham taldeen arteko UEFAko Superkopako finalean izan dira, Aleksander Ceferin UEFAko presidentearekin batera.
Trump Putinengana hurbiltzen saiatuko da Alaskan, Ukrainari buruzko konpromiso irmorik hartu gabe
Ostiraleko bileran (19:30 GMT orduan izango dena, Euskal Herriko 21:30ean) ez da Volodimir Zelenski Ukrainako presidentea izango. Donald Trumpek eta Vladimir Putinek agerraldia egingo dute hedabideen aurrean bileraren amaieran.
Aitor Zabalgogeazkoa (MSF): "Gazako janari banaketa sistema berria basakeria bat da"
Aitor Zabalgogeazkoak zortzi aste egin ditu Gazan Mugarik Gabeko Medikuak erakundearen larrialdietako koordinatzaile bezala lan eginez. Bere hitzetan, 22 hilabeteren ostean, "jendeak esperantza galdu du eta gosetea gero eta handiagoa da". Zabalgogeaskoak gertutik bizi izan du Israelek eta AEBk babesten duten janari banaketa puntuetan gertatzen dena. "Egunero egoten dira hildakoak eta zaurituak" eta askok buruan eta bularrean jasotzen dituztela tiroak adierazi du "Gaur Egun" albistegian egindako elkarrizketan.
Hogeita hamar bat kazetarik protesta egin dute Tel Aviven kazetari gazatarren hilketaren aurka
"Utzi Gazan kazetariak hiltzeari", irakur zitekeen, ingelesez, arabieraz eta hebreeraz idatzitako pankarta batean. Kazetariak ordu erdiz egon dira bilduta Israelgo Kazetarien Elkarte Nazionalaren egoitzaren atarian isiltasunean.
Gutxienez 26 pertsona hil dira Lampedusako kostaldean, ontzi bat hondoratuta
Desagertuen bila jarraitzen dute; izan ere, 95 bat migratzaile zihoazen goizaldean Tripolitik (Libia) abiatu diren bi ontzitan. Horietako batean ura sartzen hasi da, eta, ondorioz, pertsonak bestean ontziratu dira. 60 inguru erreskatatu dituzte.
Aitor Zabalgogeazkoa Gazatik itzuli berri da eta Zerrendako egoera "inoiz baino okerragoa" dela uste du
Bilbon komunikabideekin egindako topaketa batean, 2012ra arte Mugarik Gabeko Medikuak erakundeko zuzendari nagusi izan denak eta gaur egun larrialdietako koordinatzailea den Aitor Zabalgogeazkoak Gazan eman dituen azken zortzi asteak deskribatu ditu. Gaur gauean, "Gaur Egun" albistegian elkarrizketa egingo diote, Gazako Zerrendan bizi den egoera azaldu dezan.