Israelek Teheranen aurkako erasoak areagotu ditu, AEBk eta Iranek elkarri egindako mehatxuen ondoren
Israelgo Armadak defentsa sistemak aktibatu ditu Irandik jaurtitako geldiarazteko. Gerra luzatzea benetako aukera da, adituen arabera.
Israelgo Armadak Irango azpiegituren aurkako erasoaldia abiatu du, Irandik Israelera jaurtitako misilei erantzunez, Israelgo Defentsa Indarrek zabaldutako informazioaren arabera.
Bi herrialdeen arteko tentsioak gora egiten jarraitzen du, eta Israelek defentsa sistemak aktibatu ditu Iranek jaurtitako misilei aurre egiteko. Israelgo agintariek kaltetutako eremuetan bizi diren herritarrei ohartarazpena egin diete, babes hartzeko eta leku seguruetan egoteko eskatuz.
Ildo beretik, Ameriketako Estatu Batuek Iranen aurkako mehatxuak areagotu ditu. Ormuzko itsasartea irekitzeko emandako 48 orduko epea amaitzen denean, herrialdeko zentral elektriko handienetako baten aurkako erasoak hasiko dituela ohartarazi du AEBren NBEko enbaxadoreak.
Espero bezala, Teheranek gogor erantzun du. Ormuzko itsasartea erabat itxiko duela eta AEBren interesen aurkako erasoak egingo dituela mehatxu egin du Iranek, Ebrahim Zolfagari buruzagi militarrak adierazi duenez.
Israelek, bere aldetik, bere aurka barreiatze bonbak jaurti dituztela salatu du. Effie Defrin Armadaren bozeramailearen arabera, gerra hainbat astez luzatu eta erasoak areagotu egingo dira. Ildo horretan, Libano hegoaldean Hezbollahren aurkako lurreko erasoaldia zabaltzeko aukera jarri du mahai gainean.
Arlo politikoan, Benjamin Netanyahu Israelgo lehen ministroak Iranen aurkako erasoaldiarekin bat egiteko dei egin die nazioarteko gainerako buruzagiei.
Bien bitartean, Ekialde Hurbileko gerra Persiar golkoko beste herrialde batzuetara zabaldu da. Saudi Arabiak droneak eta misilak atzeman dituela jakinarazi du, eta Arabiar Emirerri Batuek, berriz, Irandik jaurtitako misilak jo dituztela adierazi dute.
Bahrainen, berriz, bart birritan entzun dira sirenak. Kuwaitek ere defentsa sistemak aktibatu ditu, misilak eta droneak geldiarazteko.
Otsailaren 28an AEBk eta Israelek Iranen aurkako erasoaldia abiatu zuenetik, 4.000 pertsona baino gehiago hil eta 40 energia azpiegitura inguru kaltetu dituzte, Energiaren Nazioarteko Agentziaren arabera.
Zure interesekoa izan daiteke
EBren berrarmatzea: Alemaniak Europako armadarik handiena izan nahi du
Europar Batasuna berrarmatzeko moduaz eztabaidatzen ari da, AEBk kontinentean duen presentzia militarra murrizteko mehatxua egin ostean. Ane Irazabal EITBk Berlinen duen korrespontsalak egoeraren gakoak aztertu ditu EITBk ekoitzitako “Europa norabide bila” erreportaje sortako atal honetan.
AEBk eta Iranek elkarri eraso egin dioten arren, su-etenak indarrean jarraitzen duela ziurtatu du Trumpek
AEBko presidentearen arabera, bere Administrazioak Iranekin "negoziatzen" jarraitzen du Ekialde Hurbileko gatazkari amaiera emango dion akordioa lortzeko. Iranek, bere aldetik, "garaipena laster" ospatuko duela iragarri du, eta, aldi berean, Ormuzko itsasartearen "jabetza" aldarrikatu du.
Su-etena urratuta, Israelek Libano bonbardatu eta gutxienez hiru pertsona hil ditu
Israelgo eta Libanoko ordezkariek bake elkarrizketen hirugarren txanda egingo dute Washingtonen (AEB) maiatzaren 14an eta 15ean, AEBko Estatu Departamentuko funtzionario batek ostegun honetan jakitera eman duenez.
Energia nuklearra, berriztagarriak… Europa norabide bila ari da, energia-mendekotasunari aurre egiteko
Energia-mendekotasuna da Europar Batasunak aurrean duen erronka nagusietako bat. Kontsumitzen duen energiaren % 57 kanpotik dator, eta % 43 baino ez da Europan ekoizten. Frantzian, energia nuklearraren auzia eztabaida handia sortzen ari da, eta iritzi kontrajarriak eragin ditu. EITB ekoitzitako "Europa norabide bila" erreportaje-sortak aztertu duen gaietako bat da.
"Europa norabide bila" erreportaje-sortak kontinentearen egoera aztertuko du, egungo agertoki geopolitiko nahasian
Aldaketak etengabe ari dira gertatzen taula geopolitikoan, eta Europa norabide bila dabil. Mikel Reparaz EITBko Nazioarteko arlo-buruak zuzendu duen erreportaje-sorta berriak Europak aurrean dituen erronkak aztertu ditu, egungo bidegurutze geopolitikoan. Gaurtik aurrera izango da ikusgai.
'MV Hondius' gurutzaontzian hantavirus agerraldiak izan duen bilakaera: lehen kasuetatik, kontaktuen jarraipenera
Munduko Osasun Erakundeak jakinarazi du geldialdietan gurutzaontzitik atera ziren bidaiarien eta haien kontaktuen jarraipena egingo duela. Dagoeneko jarri dira harremanetan geldialdi horiek egin ziren herrialdeetako agintariekin.
Iranen aurkako erasoaldia amaitu dela eta Ormuzko itsasartean fase berria abian dela iragarri du Marco Rubiok
Bestalde, Donald Trump Ameriketako Estatu Batuetako presidenteak bertan behera utzi du Ormuzen blokeatuta dauden ontziei laguntza emateko Askatasuna proiektua. Horrez gain, Estatu Batuek Ormuzen nabigazioa eta segurtasuna bermatzeko ebazpena aurkeztuko du NBEko Segurtasun Kontseiluan.
Irango erasoen aurrean defentsa indartuko duela esan du Arabiar Emirerri Batuetako presidenteak
Defentsa Ministerioak astearte honetan jakitera eman duenez, "Iranek jaurtitako" misilak eta droneak atzeman dituzte; hala ere, Teheranek ez du onartu eraso horien erantzulea denik.
Sei jendarme zauritu dira joan den ostegunean hasitako "rave" jendetsuan izandako liskarretan
Egunotan lege-prozesu bat dute martxan Frantzian, horrelako jai klandestinoak saihesteko legea gogortzeko.
Global Sumud ontzidiko bost euskal ekintzaile itzuli dira
Global Sumud flotillako bost euskal ekintzaile itzuli dira astelehen honetan. Goizean, Salim Malla Gutierrez Gasteizko unibertsitateko irakaslea Loiuko aireportuan lurreratu da, eta publikoki salatu du "kontzentrazio eremu flotatzaile batean bahitu" izana, bai eta jasan zituzten "tratu txar fisiko eta psikikoak" ere.