Putin Krimean izan da Garaipenaren Eguna ospatzeko
Vladimir Putin Errusiako presidentea Sebastopolen da, Krimeako penintsulako portuan, II. Mundu Gerran Alemaniako nazien aurka lortutako garaipena ospatzeko.
Martxoaren 21ean Krimeak Errusiarekin bat egin zuenetik Putinek bertara egindako lehen bisita da. Kievek eta Mendebaldeko herrialdeek ez dute Krimea Errusiaren parte izatea onartu.
Putinek lore eskaintza egin die hiria babestean bizitza galdu zuten heroiei, eta gerrako beteranoekin bildu da.
Garaipenaren Egunaz gain, Sebastopolen hiria naziengandik askatu zuten egunaren 70. urteurrena ospatzen ari dira.
Errusia "indartsuagoa" dela nabarmendu du Putinek
Vladimir Putin Errusiako presidenteak Krimeara egin duen lehenengo bisitan, Errusia "indartsuagoa" dela nabarmendu du, penintsulara anexionatu ostean, aurtengo martxoan, Kieven oposizioa izan arren.
"Ziur nago 2012a geure herrialdearen historiara hemen bizi diren nazioek Errusiarekin batera egotea erabaki zuten urtea bezala pasatuko dela, egi historikoari eta geure aurrekarien memoriari leialak izanez", esan du putinek, hitzaldi motz batean.
Putinen ustez, egiteko "lan asko dago", baina "zailtasun guztiak gainditzeko" prest azaldu da. "Elkarrekin gaude, beraz, indartsuagoak gara", gaineratu du.
Ukrainak "probokaziotzat" jo du Putinen bisita
Ukrainak protestatu egin du ostiral honetan, Vladimir Putin Errusiako presidentek Krimeara egin duen lehen bisita dela eta. Kievek "probokaziotzat" jo du, aldebiko harremanen tentsioa handitzera zuzendutakoa, azpimarratu du.
"Probokazio honek, berriro, Errusiak kontzienteki Errusia eta Ukrainaren arteko tentsioa igotzearen alde egin duela erakusten du, eta bide diplomatikotik bialdeko arazoak konpontzea nahi ez duela", azaldu du Ukrainako Kanpo arazoetako Ministerioak ohar batean.
Ukrainako indarrek hogei bat errusiazale hil dituzte Mariupolen
Ukrainako Gobernuko indarrek hogei bat errusiazale matxinatu hil dituzte ostiral honetan, Mariupolen izan diren indarkeriazko enfrentamenduetan, Donetskeko (ekialdea) eskualdean.
Arsen Akavov Ukrainako Barne ministroak esan duenez, 20 "terrorista" inguru "hil dituzte, eta lau atxilotu. Erasotzaileek armak jaurti dituzte, eta hiriko hainbat auzotan ezkutatu dira", gaineratu du".
Ospakizuna, Donetsken
Errusiarren aldeko milaka pertsona Donetsk hiriko kaleetara atera dira Bigarren Mundu Gerran Nazien aurka lortutako garaipenaren urteurrena ospatzeko, "errusiarrak gara" oihukatuta. Donetsk Ukrainako lurralde matxinoko hiriburua da.
"Errusiarrak gara. Arima errusiarra berreskuratzen ari gara, Kieveko naziak ez dira gurera sartuko", esan du Miroslav Rudenko Donetskeko Herri Errepublikaren Gobernuko buruetako batek.
Igandeko erreferenduma, prest
Errusiazaleen arabera, bestalde, dena prest da iganderako deitutako erreferenduma egiteko, Donetsken "gerra zibila balute bezala bizi diren arren".
Nahiz eta Kievek eta nazioarteak erreferenduma onartu ez, antolatzaileak ziur daude "parte-hartze altua izango dela lurralde osoan, % 70 ingurukoa".
Albiste gehiago mundua
Porrot egin dute plastikoen kutsaduraren aurkako nazioarteko itunaren negoziazioek
Genevan hamar eguneko bileren ondoren, NBEko herrialdeek ez dute adostasunik lortu, baina elkarrizketa prozesua bizirik mantentzea eskatu dute.
Trumpek eta Putinek bilera egingo dute ostiral honetan Alaskan, Ukrainan su-etena lortzeko asmoz
AEBko presidenteak esan du % 25eko aukera dagoela bilerak arrakastarik ez izateko; Kremlinak, berriz, ohartarazi du ez dela aurreikusten akordio formalik sinatzea. Aurrerapenik ezean, Moskuren aurka zigor berriak ezarriko dituela ziurtatu du Trumpek.
Ia 40 pertsona hil dira Kaxmirren izandako uholdeetan, Indian
Gutxienez 38 pertsona hil eta 100 zauritu dira Indiako Jammu eta Kaxmir estatuan izandako euri-jasek eragindako uholdeetan. Erreskate talde ugari mobilizatu dira hondakinen artean harrapatuta egon daitezkeen edo korronteak eraman dituen biktimak aurkitzeko. Gunerik kaltetuenetako bat Chositi izan da. Ur-uholdeek kalteak eragin dituzte etxebizitzetan eta ibilgailuetan. Era berean, uholdeek suntsitu egin dituzte Kishtwar barrutiko Machail Mata santutegia urtero bisitatzen duten erromesentzako kanpin-dendetan jarritako aldi baterako sukaldeak.
Palestinako Aginte Nazionalak nazioarteko laguntza eskatu du Zisjordania hautsiko lukeen proiektuaren aurrean
Benjamin Netanyahuk "Israel Handiari" buruz berriki egindako adierazpenak berresten du plan horrek. Zisjordaniaz eta Gazako Zerrendaz gain, Egipto eta Jordaniako lurraldeen zati bat barne hartuko lituzke, besteak beste.
UEFA, Israelen aurka: "Utzi haurrak hiltzeari, utzi zibilak hiltzeari"
Bi haur errefuxiatu palestinar Paris Saint-Germain eta Tottenham taldeen arteko UEFAko Superkopako finalean izan dira, Aleksander Ceferin UEFAko presidentearekin batera.
Trump Putinengana hurbiltzen saiatuko da Alaskan, Ukrainari buruzko konpromiso irmorik hartu gabe
Ostiraleko bileran (19:30 GMT orduan izango dena, Euskal Herriko 21:30ean) ez da Volodimir Zelenski Ukrainako presidentea izango. Donald Trumpek eta Vladimir Putinek agerraldia egingo dute hedabideen aurrean bileraren amaieran.
Aitor Zabalgogeazkoa (MSF): "Gazako janari banaketa sistema berria basakeria bat da"
Aitor Zabalgogeazkoak zortzi aste egin ditu Gazan Mugarik Gabeko Medikuak erakundearen larrialdietako koordinatzaile bezala lan eginez. Bere hitzetan, 22 hilabeteren ostean, "jendeak esperantza galdu du eta gosetea gero eta handiagoa da". Zabalgogeaskoak gertutik bizi izan du Israelek eta AEBk babesten duten janari banaketa puntuetan gertatzen dena. "Egunero egoten dira hildakoak eta zaurituak" eta askok buruan eta bularrean jasotzen dituztela tiroak adierazi du "Gaur Egun" albistegian egindako elkarrizketan.
Hogeita hamar bat kazetarik protesta egin dute Tel Aviven kazetari gazatarren hilketaren aurka
"Utzi Gazan kazetariak hiltzeari", irakur zitekeen, ingelesez, arabieraz eta hebreeraz idatzitako pankarta batean. Kazetariak ordu erdiz egon dira bilduta Israelgo Kazetarien Elkarte Nazionalaren egoitzaren atarian isiltasunean.
Gutxienez 26 pertsona hil dira Lampedusako kostaldean, ontzi bat hondoratuta
Desagertuen bila jarraitzen dute; izan ere, 95 bat migratzaile zihoazen goizaldean Tripolitik (Libia) abiatu diren bi ontzitan. Horietako batean ura sartzen hasi da, eta, ondorioz, pertsonak bestean ontziratu dira. 60 inguru erreskatatu dituzte.
Aitor Zabalgogeazkoa Gazatik itzuli berri da eta Zerrendako egoera "inoiz baino okerragoa" dela uste du
Bilbon komunikabideekin egindako topaketa batean, 2012ra arte Mugarik Gabeko Medikuak erakundeko zuzendari nagusi izan denak eta gaur egun larrialdietako koordinatzailea den Aitor Zabalgogeazkoak Gazan eman dituen azken zortzi asteak deskribatu ditu. Gaur gauean, "Gaur Egun" albistegian elkarrizketa egingo diote, Gazako Zerrendan bizi den egoera azaldu dezan.