Erreferenduma ez dutela atzeratuko esan dute errusiazaleek
Ukrainiako ekialdean dauden errusiazalek maiatzaren 11n egin nahi duten erreferenduma atzeratzeko Putinek egindako eskariari ezezkoa eman diote. Kremlinak egoera berria zein den aztertuko du.
Dimitri Peskov Kremlineko bozeramaileak esan duenez 'elementu berriak daude eta aztertu egin behar ditugu'.
Donetsk eta Lugansk eskualdeetako errusiazaleek aho-batez onartu dute igandeko erreferenduma ez atzeratzea.
Bozketan baiezkoa irtenez gero Donetsk-eko errepublika popularreko gobernuaren presidenteak Miroslav Rudenkok bost eskualdek (Donetsk, Lugansk, Járkov, Odessa eta Nikolájev) 'Novorossia' (Errusia berria) estatu independente berri bat osatuko dutela esan du.
Putinek atzo erreferendum hau atzeratzeko eskaria egin zuen Kremlinean Europako Segurtasun eta Kooperazio arduradunarekin Didier Burkhalterrekin bildu ostean.
'Ukrainiako hego ekialdeko ordezkariei eta herrialdea federalizatu nahi duten alderdiei maiatzaren 11ko erreferenduma atzeratzea eskatzen diegu', esan zuen Errusiako presidenteak.
Putinek errusiazaleei eskatutako pausu honekin Kiev-eko ordezkariekin 'elkarrizketa bideratzeko baldintza aproposak sortuko direla' baieztatu zuen.
Errusiak gas-hornidura aurrez ordaintzea eskatu dio Ukrainari
Errusiak ostegun honetan iragarri duenez, ekainaren 1etik aurrera gas-hornidura aurrez ordaintzeko erregimen bat ezarriko dio Ukrainari, Gazprom korporazioarekin Kievek dituen zorren ondorioz, Errusiako Energia Ministerioak jakitera eman duenez.
Ukrainak Errusiako gasagatik dituen zorrak ordaintzeko epea atzo amaitu zen. Maiatza hasieran zorra 3.500 milioi dolarrekoa zen.
Alexandr Novak Errusiako Energia ministroak azaldu duenez, Gazpromeketa Naftogaz Ukrainako kontsortzioak 2009an sinatu zuen akordioaren arabera, obligazioak ez betetzeak automatikoki aurrez ordaintzeko erregimena jartzera eramango du.
Gazpromek hilaren 16an jakinaraziko dio Naftogazi ekainerako aurreikusitako gas bolumenak. Ukrainak aurrez behar diren funtsak ematen dituen neurrian emango da hornidura.
Zure interesekoa izan daiteke
SpaceXen kohete batek Ilargiaren kontra talka egin duela esan du NASAk, baina adierazi du ez duela arriskurik ekarriko
2025eko urtarrilean jaurtitako Falcon 9 kohete baten goiko zatiak, planifikatu gabe, talka egin du Ilargiaren gainazalarekin, eguzki-jardueraren eta grabitate-indarren konbinazio baten ondorioz.
Iranek eta Omanek Ormuzen nabigatzeko bide berri bat adostu dute
Itsasarteko bide berri hori egiteko akordioa lortu izanak ez du esan nahi berriro irekiko dutenik, Iranek zehaztu duenaren arabera, AEBren eta Israelen arteko erasoaldi militarraren ondorioz itxi baitzuten.
Marokok dozenaka pertsona auzipetu ditu Ceutako krisiarekin lotutako delituengatik
Marokoko Giza Eskubideen Elkartearen arabera, 34 pertsona auzipetu dituzte Tetuanen (tartean, bost adingabe) eta 52, Nadorren.
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.