Dagoeneko 1.000 palestinar baino gehiago hil dira Gazan, erasoaldietan
Gutxienez 130 gorpu aurkitu dituzte Gazan, larunbat honetan, Hamasen eta Israelen arteko su-etenaren lehenengo bederatzi orduetan egindako bilaketa-lanetan.
Kokalekuko Osasun Ministerioaren arabera, hilaren 8an hasi ziren Israelen erasoaldietan dagoeneko mila pertsona baino gehiago hil dira, eta, kopuru horrek gora egin lezake, bilaketak aurrera jarraitzen duelako suntsitutako ehunka eraikinen artean.
“Bonbardaketek eta erasoek iraun duten 19 egunetan gutxienez 1.030 pertsona hil dira, eta 6.000 zauritu” orain arte, iturriek ohar batean azaldu dutenez.
Israelek su-etena igande gauerdira arte luzatu du
Israelgo agintariek su-etena luzatzea onartu dute eta indarrean izango da igande gauerdira arte, Haaretz Israelgo egunkariak iturri ofizialak aipatuz iragarri duenez.
12 orduko su-etena
John Kerry AEBko estatu idazkariak larunbat honetan jakinarazi duenez, Benjamin Netanyahu Israelgo lehen ministroak Gazan 12 orduko su-etena errespetatzeko konpromisoa hartu du, 08:00etatik aurrera.
Ban Ki-moon NBEko idazkari nagusiarekin Kairon eman duen prentsaurrekoan, biek zazpi eguneko su-eten humanitarioa izateko deia egin du, Ramadanari amaiera jartzen dion "Eid al Fitr" jaialdiarekin bat etorrita.
Oraindik negoziazio batzuk zintzilik daude zazpi eguneko su-eten horretarako akordiora iristeko, baina, Kerryren arabera, Israelek onartu egin du hamabi orduz borroka gelditzea. Ordu horiek luzatu daitezke.
Bestalde, Hamas alderdi-miliziak Gazako Zerrendan erasoak gelditzea adostu du, larunbat goizetik aurrera, taldeko bozeramaile batek azaldu duenez.
Gutxienez, 20 palestinar hil dira larunbat honetan, Jan Yuni Gazako herrian eraikin bat bonbardatu ostean, su-etena hasi baino ordu batzuk lehenago.
Nazioarteko erkidegoak su-etena luzatzea eskatu du
Laurent Fabius Kanpo Arazoetako Frantziako ministroak esan duenez, larunbat honetan Parisen AEBetako, Alemaniako, Italiako, Catarreko, Erresuma Batuko eta EBko kideekin izan duen bileran Gazako Zerrendako su-etena luzatzea eskatu dute. 24 orduko luzapena izango litzateke, berriztatzeko moduan, “zati bakoitzari autodiziplina antzeko bat ezarriz”.
Bileraren amaieran prentsari egindako adierazpenen arabera, alde guztiek “lehenbailehen su-eten iraunkorra eta negoziatua lortzeko” nahia adierazi dute, “Israelen segurtasun terminoei erantzuten diena, eta palestinarren beharrei Gazako sarbidera eta garapen sozioekonomikora”.
Albiste gehiago mundua
Desnutrizioak 250 hildako baino gehiago eragin ditu dagoeneko Gazan, ostiral honetan hildako 11 pertsona barne
Gazako Osasun Ministerioak emandako datuen arabera, horietatik 108 haurrak dira.
Zelenskiren, Trumpen eta Putinen arteko goi-bilera bat antolatzen laguntzeko prest agertu da Europa
Hala adierazi dute Von der Leyen, Macron, Meloni, Merz, Starmer, Stubb eta Tusk buruzagiek Trumpen eta Putinen arteko goi-bileraren ostean.
320 hildako baino gehiago Pakistanen, eurite bortitzek sortutako uholdeetan
Gutxienez 320 pertsona hil dira Pakistaneko iparraldean, euriteek bat-batean uholdeak eraginda. Khyber Pakhtunkhwa probintzia kolpatuena izan da, biktima gehienak eta dozenaka desagertu baitaude. Agintariek erreskate lanetan jarraitzen dute, milaka kaltetuk laguntzaren zain dauden bitartean.
Trumpek eta Putinek akordiorik gabe itxi dute Ukrainari buruzko Alaskako goi-bilera
Horren ostean, Trump eta Zelenski Washingtonen bilduko dira astelehenean, Alaskan izandako goi-bileraren inguruko xehetasun guztiak hizpide izateko asmoz.
Bolivian hauteskunde egun historikoa izango dute igandean: baliteke eskuinak agintea eskuratzea ia 20 urteren ostean
Batasun aliantzako Samuel Doria Medina enpresaria da inkesten buru, eta oso gertu du Aliantza Libreko Jorge Tuto Quiroga oposizioko kide eta presidente ohia (2001-2002).
Ben Gvir israelgo ministro ultranazionalistak Marwan Barghouti buruzagi palestinarra bisitatu du espetxean mehatxatzeko
"Ez duzue irabaziko", ohartarazi dio Ben Gvirrek 2002tik kartzelan dagoen Barghoutiri, Israelgo auzitegi batek Bigarren Intifadan bost hilketatan parte hartzeagatik zigortu ostean. "Israelgo nazioarekin sartzen dena, gure seme-alabak eta gure emakumeak hiltzen dituena, lurretik ezabatuko dugu", erantsi du Israelgo ministro polemikoak.
Trumpen zein aurpegi ikusiko dugu Putinekin? Hori izango da hitzorduaren gakoetako bat
Donald Trump Vladimir Putinekin bilduko da gaur Alaskan, zalantzaz beteriko bilera batean: AEBko presidenteak buruzagi errusiarra kritikatzea saihestu du iraganean, eta diskurtsoa gogortu du azken hilabeteetan, baina zalantzan dago irmotasun horri eutsiko dion edo Moskurekiko hurbilketa bilatuko duen.
Plastikoen kutsaduraren aurkako nazioarteko itunaren negoziazioek porrot egin dute
Genevan hamar eguneko bileren ondoren, NBEko herrialdeek ez dute adostasunik lortu, baina elkarrizketa prozesua ez eteteko eskatu dute.
Trumpek eta Putinek bilera egingo dute ostiral honetan Alaskan, Ukrainan su-etena lortzeko asmoz
AEBko presidenteak esan du % 25eko aukera dagoela bilerak arrakastarik ez izateko; Kremlinak, berriz, ohartarazi du ez dela aurreikusten akordio formalik sinatzea. Aurrerapenik ezean, Moskuren aurka zigor berriak ezarriko dituela ziurtatu du Trumpek.
Ia 40 pertsona hil dira Kaxmirren izandako uholdeetan, Indian
Gutxienez 38 pertsona hil eta 100 zauritu dira Indiako Jammu eta Kaxmir estatuan izandako euri-jasek eragindako uholdeetan. Erreskate talde ugari mobilizatu dira hondakinen artean harrapatuta egon daitezkeen edo korronteak eraman dituen biktimak aurkitzeko. Gunerik kaltetuenetako bat Chositi izan da. Ur-uholdeek kalteak eragin dituzte etxebizitzetan eta ibilgailuetan. Era berean, uholdeek suntsitu egin dituzte Kishtwar barrutiko Machail Mata santutegia urtero bisitatzen duten erromesentzako kanpin-dendetan jarritako aldi baterako sukaldeak.