Israelen erasoaldia ikertzea erabaki du NBEk
Israel Gazan egiten ari den erasoaldia gaitzesteko ebazpena onartu du NBEko Giza Eskubideen Kontseiluak. Era berean, krimenak eta nazioarteko zuzenbidearen urraketak ikertzeko batzorde bat sortzea erabaki du.
AEBek kontrako botoa eman dute, aurkako botoa eman duen herrialde bakarra izan da. Washingtonen ahotan, ebazpenaren edukia "suntsitzailea" da eta indarkeria bukatzeko ez du ekarpenik egiten.
Kontseilua osatzen duten 47 herrialdeetatik 29k babesa eman diote ebazpenari, eta 17 abstenitu dira.
Operazio militarra berehala bertan behera uzteko eskatzen dio agiriak Israeli. Era berean, Gazan ezarrita duen blokeoa bertan behera uzteko eskatzen dio, laguntza humanitarioaren sarrera eta ondasunen merkataritza bermatzeko.
Nazioarteko ikerketa batzordea independentea izango dela azaltzen du ebazpenak. Ikerketa egiteko premiaz Palestinara joan behar dutela erantsi du.
Israelek adierazi duenez, Giza Eskubideen Kontseiluaren erabakia "fartsa" bat da. "Kontseiluaren erabakia trikimailu bat da eta jende zintzoak errefusatu beharko luke", esan du Benjamin Netanyahu lehen ministroaren bulegoak agiri batean.
Su-etena lortzea, lan zaila
Gazako Zerrendaren blokeoa "guztiz" bertan behera geratzea baldintza bezala jarri du Jaled Meshal Hamaseko buruzagi politiko erbesteratuak su-eten akordio bat onartzeko. Meshalek prentsaurrekoa eman du Dohan (Qatar).
Honenbestez, indarkeria bukatzeko baldintza hori jarri du Meshalek. Bestalde, biktimei eta Zerrendatik ihes egin duten errefuxiatuei laguntzeko erakunde humanitarioen ekintza eskatu du.
Gerra krimenak
Navi Pillay Nazio Batuen Erakundeko Giza Eskubideen goi ordezkariak salatu duenez, Israelgo Armadak Gazan egin dituen erasoak gerra krimenak izan litezke.
Israeldarrek zibil babesgabeen kontra egindako eraso batzuen berri eman ondoren, "aipatu berri ditudan adibideek agerian uzten dute nazioarteko giza legedia urratu dutela eta gerra krimenaren mailara irits daitezkeela", adierazi du Pillayk NBEren Giza Eskubideen Kontseiluan, Israelen erasoaldia aztertzeko gaur egiten ari diren saio berezian.
Pillayk azpimarratu du zibilak eta horien etxebizitzak ez direla helburu militar izan behar: "Zibilen etxebizitzak ez dira jomuga zilegi, ez badituzte helburu militarrekin erabiltzen. Zalantza izanez gero, zibilen etxebizitzak ez dira jomuga zilegi".
Palestinako gazte bat Gazan. Argazkia: EFE
NBEren ordezkariaren ustez, "onartezina" da jende asko bizi den lekuetatik koheteak jaurtitzea, Hamasek egiten omen duen moduan, "baina nazioarteko legedia argia da: alde baten ekintzek ez dute besteak nazioarteko legedia ez errespetatzea eragin behar".
Bestalde, Israelek erasoa egin aurretik noren kontra joko duen ohartarazten duela eta, Pillayk gogorarazi du abisuek argiagoak eta sinesgarriagoak beharko luketela izan, eta denbora gehiago eman behar dutela herritarrak babes daitezen.
Pillayren esanetan, "abisatzeko jaurtitako koheteetako batek hiru haur hil zituen". "Nazioarteko giza legediarekiko errespetu eza agerian geratu zen hondartzan jolasean ari ziren zazpi haur bonbardatu ostean", gaineratu du.
701 palestinar hil eta 4.525 zauritu dituzte
Israelek dagoeneko 701 palestinar hil eta 4.525 zauritu ditu Gazan erasoaldia hasi zuenetik, Ashraf al Qedra Gazako eremuko larrialdi zerbitzuen bozeramaileak jakitera eman duenez. Gainera, beste 35 israeldar hil dira.
Orduko, ume baten heriotza
Save the Children gobernuz kanpoko erakundeak ohartarazi duenez, azken bi egunetan orduko ume bat hil dute Gazan. Horregatik, "sarraski odoltsua gelditzeko zalantzarik gabeko erantzun" bat emateko eskatu dio erakundeak nazioarteari agiri batean.
Gazako 70.000 umek euren etxeak utzi behar izan dituzte duela bi aste Israelek abiarazitako erasoaldiaren ondorioz, erakundeak ziurtatu duenez.
Zure interesekoa izan daiteke
Teheranen gaur zabaldu dute Ali Khameiren hil kapera
Ali Khameneiren hileta-kaperan, gerraren lehen egunean hil zuten aiatola gorenari azken agurra eman diote Teheranen. Khameneiren hilkutxa erdian eta inguruan beste lau jarri dituzte, erasoaren egunean berarekin zeuden senideen hileta-kutxak. Bihar eta etzi herritarrak sartu ahal izango dira hilkutxa dagoen meskitara, eta astelehenean, Teherango kaleak zeharkatuko ditu.
Donald Trump eta bere azoka handia, protagonista nagusiak AEBen 250. urtebetetzean
Estatu Batuen Independentziaren Adierazpenaren 250. urteurrena ospatuko dute larunbatean, uztailaren 4an. Eta Donald Trumpek bere irudia goresteko erabiliko du urteurrena. Buruzagi errepublikanoak bere aurpegia daramaten oroitzapenezko txanponak egin ditu, eta National Mallen azoka handi bat antolatu du. Ekimenak noria erraldoi bat, garaipen-arku bat, rodeoak, hitzaldiak, su artifizialak eta hegazkin militarren erakustaldiak izango ditu. Azokak, hala ere, porrot egin du orain arte. Oso jende gutxi bertaratzen ari da, eta horrek indartu egin ditu kritikak. Salatzen dutenez, Trumpek ospakizun nazionala baliatu du bere irudia indartzeko.
3.000 lagun baino gehiago ebakuatu dituzte, Ipar Katalunian izandako sute baten ondorioz
Eskualdeko segurtasun zerbitzuek jakinarazi dutenez, gas-bonbona baten leherketak eragin du ezbeharra. Sugarrak berehala zabaldu dira, eta hiru kanpin eta kirol portu bat harrapatu dituzte.
Lurrikaretatik zortzi egunera, hondakinen artetik bizirik atera dute gizon bat Venezuelan
Gizon bat bizirik atera dute hondakin artetik Venezuelan lurrikarak gertatu eta zortzi egunera. 100 lagun inguru aritu dira lanean gau eta egun, Hernan Gil-ekin kontaktua egin zutenetik, harengana iritsi eta handik ateratzeko. Ura pasa ahal izan diote eta une oro zaindu. Hala, 72 orduko operazioak izan zezakeen amaierarik onena izan du.
Lurrikaretatik astebetara, 2.295 hildako eta 11.200 zauritu baino gehiago zenbatu dituzte Venezuelan
Zazpi egun igaro diren arren, erreskate-taldeak ezin izan dira iritsi eroritako eraikin guztietara. Kasu askotan, senideak eta bizilagunak dira hondakinen artean lanean ari direnak, eta laguntza faltak eragindako haserrea zabaltzen hasi da.
Venezuelako polizia bat lurrikarak suntsitutako eraikinetatik dirua lapurtzen harrapatu duten unea
Lau polizia atxilotu dituzte astearte honetan Venezuelan, La Guairan eraitsitako eraikinen hondakinen artean "ondasun ekonomikoak" bereganatzea egotzita, bertako agintariek jakinarazi dutenez.
La Guairako portua gorputegi inprobisatu bihurtu da hildakoak identifikatzeko
Erreskate-lanek aurrera jarraitzen dute Venezuelan, baina gero eta pertsona gutxiago topatzen dituzte bizirik. Ospitaleetako gorputegiek gainezka egin dute eta, besteak beste, La Guairako portua gorputegi inprobisatu bihurtu da. Handik, Caracasera bidaltzen dituzte identifikatutako gorpuak.
Beste lurrikara bat izan da Venezuelan, 4,6 gradukoa
Jorge Rodriguez Venezuelako Parlamentuko presidenteak adierazi duenez, ez du kalterik eragin.
Gutxienez sei lagun hil dira Alemanian adingabeen zentro batean izandako tiroketa batean
Poliziak hainbat zauritu daudela ere jakinarazi du. Operazioan zehar hiru pertsona atxilotu dituzte; horietako bat tiroen ustezko egilea da. Agintarien arabera, tiroketa ustezko delitugilearen alabaren zaintzari buruzko liskar baten ondorioz izan da.
Venezuelako lurrikarak utzitako txikizioa, airetik ikusita
774 eraikin daude kaltetuta edo kolapsatuta, eta, horrek 12.721 familiari eragin die. Tokian nazioarteko 2.624 erreskatatzaile ari dira lanean, harrapatutakoak bilatu eta ateratzeko.