Hamasek eta Palestinako talde batzuek 24 orduko su-etena onartu dute
Hamas erakundeak eta Palestinako beste talde armatu batzuek NBEk proposatutako 24 orduko su-eten humanitarioa onartu dute. Etenaldia hango 14:00etan sartu da indarrean (hemengo 13:00), Sami Abu Zuhri Hamasen bozeramaileak iragarri duenez.
Gazan Hamasek iragarritako alde bakarreko su-etena dago indarrean, Ramadamaren amaiera dela eta, onartu duten 24 orduko su-etena.
Israelek momentuz ez dio Nazio Batuen Erakundeko (NBE) su-eten proposamenari erantzun, izan ere, palestinarrek koheteak botatzen ez dituztela egiaztatu nahi du.
'Baldintzarik gabeko' su-etena onartzeko eskatu dio Obamak Netanyahuri
Barack Obama AEBko presidenteak Benjamin Netanyahu Israelgo lehen ministroari telefonoz deitu dio eta "berehala, baldintzarik gabeko su-etena" onartzeko eskatu dio.
Etxe Zuriak ohar bat kaleratu du eta horren arabera Obamak argi adierazi dio Netanyahuri "inperatibo estrategikoa da berehala baldintzarik gabeko su-etena onartzea, borrokei behin betiko amaiera lortzeko bidean".
Hamasen erasoei erantzuteko Israelek duen eskubidea aitortu badu ere, Gazan bizi diren palestinarrei "bizitza normala izateko eta epe luzera garapen ekonomikorako beharrak asetzeko baimena eman behar zaie".
Su-eten humanitarioa
Hasiera batean, Benjamin Netanyahu Israelgo Gobernuko lehen ministroak 24 orduz larunbatean Gazan indarrean izan den su-eten humanitarioa luzatzeko NBEren eskaera onartu du, Gobernuko iturriek jakitera eman dutenez.
Netanyahu larunbatean kabineteko kideekin bildu da, Tel Aviven, Ministroen Kontseiluko segurtasun gaiez aritzeko, eta Armadaren erasoaldiak etetea onartu du Gazako Zerrendan, igandetik astelehenera arteko gauerdira arte.
“Su-etena ona da, horrela tunelak lasai ikusi ahal izango ditugu”, esan die Israelgo Gobernuko kideek Yediot Aharonot egunkariaren edizio digitalari.
Datozen 24 orduetan Armada orain arte aurkitutako 30 bat tunel baino gehiagorekin lanean arituko da. Dagoeneko 16 botata daude.
NBEk eskatuta hartu dute erabakia, eta Palestinako miliziek su-etena hausten badute Armadak ekin egingo dion baldintzapean. Hori gertatu da azken lau orduotan.
Palestinarrek lehenago su-eten humanitarioa 4 orduz luzatzea errefusatu ostean hartu dute erabakia. Su-etena larunbateko 08:00etatik 20:00etara eman zen. Bi aldeek errespetatu zuten.
Bestalde, Hamasek errefusatu egin du igande honetan 24 orduko su-etenaren eskaintza. Hori nazioarteko komunitateak bultzatu du, Robert Serry Gazara NBEk bidali duten ordezkariaren bitartez.
Lekuko komunikabideek zabaldutako ohar batean, Fawzi Barhumek esan du ez dela su-eten humanitariorik izango Israelen tankeak lurraldera itzuli eta herritarrak Gazatik aske ibili ahal izan arte, suntsitutako etxeetara libre itzuli ahal izan arte.
Dagoeneko 1.000 palestinar baino gehiago hil dira Gazan, erasoaldietan
“Bonbardaketek eta erasoek iraun duten 19 egunetan gutxienez 1.030 palestinar hil dira, eta 6.000 zauritu” orain arte, Gazako Osasun Ministerioak azaldu duenez.
Halaber, Israelgo soldadatu bat hil da, azken orduetan, Gazako Zerrendan, jaurtigai mortero baten ondorioz. Hori dela eta, 43 militar eta hiru zibil dira orain arte bizia galdu duten israeldarrak, “Ertz babesgarria" operazioa hasi zenetik.
Albiste gehiago mundua
Bolivian hauteskunde egun historikoa izango dute igandean: baliteke eskuinak agintea eskuratzea ia 20 urteren ostean
Batasun aliantzako Samuel Doria Medina enpresaria da inkesten buru, eta oso gertu du Aliantza Libreko Jorge Tuto Quiroga oposizioko kide eta presidente ohia (2001-2002).
Ben Gvir israelgo ministro ultranazionalistak Marwan Barghouti buruzagi palestinarra bisitatu du espetxean mehatxatzeko
"Ez duzue irabaziko", ohartarazi dio Ben Gvirrek 2002tik kartzelan dagoen Barghoutiri, Israelgo auzitegi batek Bigarren Intifadan bost hilketatan parte hartzeagatik zigortu ostean. "Israelgo nazioarekin sartzen dena, gure seme-alabak eta gure emakumeak hiltzen dituena, lurretik ezabatuko dugu", erantsi du Israelgo ministro polemikoak.
Trumpen zein aurpegi ikusiko dugu Putinekin? Hori izango da hitzorduaren gakoetako bat
Donald Trump Vladimir Putinekin bilduko da gaur Alaskan, zalantzaz beteriko bilera batean: AEBko presidenteak buruzagi errusiarra kritikatzea saihestu du iraganean, eta diskurtsoa gogortu du azken hilabeteetan, baina zalantzan dago irmotasun horri eutsiko dion edo Moskurekiko hurbilketa bilatuko duen.
Plastikoen kutsaduraren aurkako nazioarteko itunaren negoziazioek porrot egin dute
Genevan hamar eguneko bileren ondoren, NBEko herrialdeek ez dute adostasunik lortu, baina elkarrizketa prozesua ez eteteko eskatu dute.
Trumpek eta Putinek bilera egingo dute ostiral honetan Alaskan, Ukrainan su-etena lortzeko asmoz
AEBko presidenteak esan du % 25eko aukera dagoela bilerak arrakastarik ez izateko; Kremlinak, berriz, ohartarazi du ez dela aurreikusten akordio formalik sinatzea. Aurrerapenik ezean, Moskuren aurka zigor berriak ezarriko dituela ziurtatu du Trumpek.
Ia 40 pertsona hil dira Kaxmirren izandako uholdeetan, Indian
Gutxienez 38 pertsona hil eta 100 zauritu dira Indiako Jammu eta Kaxmir estatuan izandako euri-jasek eragindako uholdeetan. Erreskate talde ugari mobilizatu dira hondakinen artean harrapatuta egon daitezkeen edo korronteak eraman dituen biktimak aurkitzeko. Gunerik kaltetuenetako bat Chositi izan da. Ur-uholdeek kalteak eragin dituzte etxebizitzetan eta ibilgailuetan. Era berean, uholdeek suntsitu egin dituzte Kishtwar barrutiko Machail Mata santutegia urtero bisitatzen duten erromesentzako kanpin-dendetan jarritako aldi baterako sukaldeak.
Palestinako Aginte Nazionalak nazioarteko laguntza eskatu du Zisjordania hautsiko lukeen proiektuaren aurrean
Benjamin Netanyahuk "Israel Handiari" buruz berriki egindako adierazpenak berresten du plan horrek. Zisjordaniaz eta Gazako Zerrendaz gain, Egipto eta Jordaniako lurraldeen zati bat barne hartuko lituzke, besteak beste.
UEFA, Israelen aurka: "Utzi haurrak hiltzeari, utzi zibilak hiltzeari"
Bi haur errefuxiatu palestinar Paris Saint-Germain eta Tottenham taldeen arteko UEFAko Superkopako finalean izan dira, Aleksander Ceferin UEFAko presidentearekin batera.
Trump Putinengana hurbiltzen saiatuko da Alaskan, Ukrainari buruzko konpromiso irmorik hartu gabe
Ostiraleko bileran (19:30 GMT orduan izango dena, Euskal Herriko 21:30ean) ez da Volodimir Zelenski Ukrainako presidentea izango. Donald Trumpek eta Vladimir Putinek agerraldia egingo dute hedabideen aurrean bileraren amaieran.
Aitor Zabalgogeazkoa (MSF): "Gazako janari banaketa sistema berria basakeria bat da"
Aitor Zabalgogeazkoak zortzi aste egin ditu Gazan Mugarik Gabeko Medikuak erakundearen larrialdietako koordinatzaile bezala lan eginez. Bere hitzetan, 22 hilabeteren ostean, "jendeak esperantza galdu du eta gosetea gero eta handiagoa da". Zabalgogeaskoak gertutik bizi izan du Israelek eta AEBk babesten duten janari banaketa puntuetan gertatzen dena. "Egunero egoten dira hildakoak eta zaurituak" eta askok buruan eta bularrean jasotzen dituztela tiroak adierazi du "Gaur Egun" albistegian egindako elkarrizketan.