Egunik odoltsuena pairatu dute Gazan 119 hildako eta 500 zauriturekin
Israelen hegazkinek eta tankeek 119 palestinar hil eta 500 zauritu zituzten atzo, asteazkena, Gazan, Zerrendan diharduten zerbitzu medikuek informatu dutenez; hortaz, Israelek erasoak hasi zituenetik egunik odoltsuena bizi izan dute palestinarrek.
Ashraf al Qedra Gazako Osasun Ministerioko bozeramalearen arabera, bi oldarraldirik bortitzenak, Israelek Gazan zegoen NBEren eskola baten eta merkatu baten kontra egindakoak izan ziren. Israeli 17tan ohartarazi zioten bertan eskola bat zegoela, emakumez eta haurrez beteta.
"Hogei pertsona hil ziren Yabaliako Abu Husein eskolaren kontra tankeek egindako erasoan, eta beste hogei Shayaiako merkatu publikoaren kontrako erasoan", zehaztu du Al Qedrak bart. Gainera, "beste hogei gorpu jaso dituzte hondakinen artean, Gazako Zerrendako hegoaldean".
Gainera, bozeramalearen esanetan, Israelen erasoak aurreko 8an hasi zirenetik, 1.349 dira hildakoak dagoeneko eta 7.500 baino gehiago zaurituak, gehienak emakumeak eta haurrak.
Hondamen-eremua
Mahmud Abbas Agintaritza Palestina Nazionaleko presidenteak homdamen-eremutzat jo du Gazako Zerrenda, eta Ban Ki Moon Nazio Batuen Erakundeko idazkari nagusiari korridore humanitarioak ezartzeko behar dituen neurriak hartzeko eskatu dio.
"Zerrendan korridore humanitarioak martxan jartzeko eskatzen diot berroren gorentasunari, laguntza humanitarioa jasotzea eta ematea errazago egiteko eta ihes egin duten familiek babesleku bat izan dezaten", gaineratu du.
AEBk munizioa Israeli
Ameriketako Estatu Batuetako Gobernuak onartu du Israelen Armadari munizio gehiago ematea, herrialde juduak eskera egin eta gero, Gazako Zerrendaren kontrako oldarraldian.
CNN telebista-kate estatubatuarrak zabaldutako datuen arabera, Gobernuko iturriak aipatuta, ez da larrialdiko salmenta izan. Esaterako, emango dion munizioa: 120 milimetroko mortero misilak eta granada-jaurtigailurako 40 milimetroko munizioa.
Aipatutako iturriaren esanetan, munizioa AEBk Israelen bertan duen armategitik hartuko du. Armategi horrek 1.000 milioi dolar inguru balio du ( 746 milioi euro inguru).
16.000 erreserbista
Israelgo Armadak 16.000 erreserbista deitu ditu, gaur egun Gazan dauden tropekin bat egin dezaten eta gaur hogeita laugarren eguna duen erasoaldia indartu dezaten, iturri militarrek jakinarazi dutenez.
Armadako iturri baten esanetan, deialdia atzo egin zuten, eta asmoa tropek egun Gazan dauden tropak indartzea eta ordezkatzea da.
Bertoko hedabideen arabera, deitutako azken hauek kontuan hartuta, 86.000 dira guztira oldarraldian parte hartu duten soldaduak.
Albiste gehiago mundua
Israelek laguntza jasotzeko zain zeuden beste 49 pertsona hil ditu Gazan
Hala, Israelgo Armadak gutxienez 410 palestinar hil ditu maiatzaren 28tik GHF fundazio polemikoak antolatutako banaketa guneetan, eta beste 93 hil dira NBEk eta gobernuz kanpoko beste erakunde batzuek banatutako laguntza urria eskuratzen saiatzen ari zirenean.
NATOk "Espainiarekin arazo bat" duela esan du Trumpek Hagako goi-bilera hasi baino lehen
Horrela, agintari estatubatuarrak Espainiaren gastu maila kritikatu du. Gainera, Trumpek NATOren 5. artikulua esplizituki babestea saihestu du, kideen elkarrekiko defentsa klausula, hain zuzen ere.
Iranek su-etena berretsi eta ukatu egin du su-etenaren ostean Israelen aurka misilak jaurti izana
AEBko presidenteak su-etena iragarri du Truth sare sozialean. Israelek berehala onartu eta salatu du Iranek misilak jaurti dituela bere instalazioen kontra, baina Iranek ukatu egin du.
Albiste izango dira: su-etena Israel eta Iran artean, Gobernu Kontseiluaren urteurrena eta abisu horia beroagatik
Gaurkoan albiste izango direnen laburpena, bi hitzetan.
Israelek Gazan hildako palestinarrak ia 56.000 dira dagoeneko
Gainera, Israelgo Armadaren erasoek 131.559 pertsona zauritu dituzte jadanik. Gazako agintariek ia 40 hildako baieztatu dituzte gaur, tartean 17 pertsona, laguntza eske zihoazenean tirokatuta.
Iranek iragarri du Estatu Batuek Qatarren dituzten basearen aurka eraso egingo duela
Ez du eman erasoaren inguruko xehetasunik, baina Qatarreko hiriburuan leherketak entzun dira. Al-Udeid aire-basea 1996an eraiki zen, eta Estatu Batuetako Aginte Zentralaren kuartela da. Ipar Amerikako herrialdeak eskualdean duen base handiena da, 10.000 soldadu inguru biltzen baitira bertan.
Rubin behatokiak "gaueko zeruari buruz inoiz egin den filmik konpletoena" izango denaren lehen irudiak argitaratu ditu
Irudi hauek "time-lapse" baten hasiera dira, eta hamarkada batez zeru australa kartografiatu ondoren osatuko da. Bideoak hainbat gai eta galderari sakontasunez begiratu eta erantzutea ahalbidetuko du, esaterako: energiaren eta materia ilunaren ezaugarriak, Esne Bidearen eraketa, eguzki-sistemako gorputz txikien propietateak eta arriskutsuak izan daitezkeen asteroideen ibilbideak.
Iranek AEBri erantzun dio, Qatarreko Al Udeid base estatubatuarraren aurka misilak jaurtita
Horrela, Iranen kontraerasoa eskualdean gerra eskalatzen ez jarraitzeko diseinatu dela uste da; izan ere, aldez aurretik jakinarazi du, eta, ondorioz, Al Udeid basea partzialki hustu ahal izan dute erasoaldia gertatu baino lehen. Trumpek berak ere baieztatu du Teheranek aldez aurretik jakinarazi diela bonbardaketa, eta eraso "oso ahula" izan dela erantsi du.
Ruttek dio Espainiak BPGren % 3,5 gastu militarrera bideratu beharko duela
Gainera, NATOko idazkari nagusiak gaineratu du 2029an konpromisoak berrikusiko dituztela. Ruttek argi utzi du "NATOk ez duela akordio batetik kanpo geratzeko borondatezko klausularik", eta ez dituela "bigarren mailako eta alboko akordioak ezagutzen".
Pablo Ibarren defentsak dio agertu berri den lekuko batek badakiela nortzuek gauzatu zuten benetan hilketa hirukoitza
Ekainaren 26an 31 urte beteko dira gaueko klub baten jabea eta bertako bi langile hil zituztela. Hiru hilketen egiletzat Ibar jo zuten, eta horren errua egotzita zigortu zuten. Hala ere, berak errugabea dela dio.