Kolonbiako Gobernuak oso positiboki baloratu du FARCen erabakia
Kolonbiako Gobernuak, atzo, FARCek iragarritako aldebakarreko su-eten mugagabeari buruzko balorazio positiboa egin du. Hala eta guztiz ere, Gobernuak ez du onartu, borroken etena egiaztatzeko, FARCek egindako eskaera.
"Gobernuak ez du onartzen, aldebakarreko su-etena gauzatzeko, FARCkek borroken etena egiaztatzeko jarritako baldintza. Aldebiko behin-betiko su-etena lortze bidean, egiaztatzeari buruzko eztabaida hasteko prest gaude, baina hirugarren puntuari, hots, 'Gatazkaren amaiera'ri buruzko eztabaida formalari hasiera ematen zaionean", adierazi du Gobernuak ohar batean.
Santosen Gobernuak "argi eta garbi" utzi du kolonbiarren eskubideak babesteko eta bermatzeko duen betebeharra betetzen jarraituko duela.
FARCek azpimarratu duenez, negoziazioen baitan aldebiko su-etena deklaratzea ezinbestekoa da, baina Juan Manuel Santos Kolonbiako presidenteak aukera hori baztertu egin du. Horren iritziz, beste prozesu batzuetan gertatu bezala, gerrillak egoera baliatu dezake abantaila militarra ateratzeko.
Aldebakarreko su-etena baloratzen duela azpimarratu du Gobernuak, "norabide onean doa", eta su-etenaren betetze-maila ebaluatuko duela nabarmendu du.
Albiste gehiago mundua
Sebastien Lecornu Defentsa ministroa izendatu du Frantziako lehen ministro Macronek
39 urte ditu eta Macronen oso gertukoa da. Bere egiteko nagusienetakoa izango da datorren urteko aurrekontua onartzeko adostasunak jostea. Bihar hartuko kargua, Frantziako Gobernuak Matignonen duen egoitzan egingo den zeremonian.
Israelek Hamasen negoziazio taldea bonbardatu du Qatarreko hiriburuan, eta hainbat pertsona hil ditu
Hamaseko bost kide eta Qatarreko segurtasun kide bat hil dira erasoan. Negoziazio ordezkaritzako kideak, ordea, bizirik atera dira. Israelgo armadaren esanetan, "doitasunez egindako bonbardaketa" izan da. Etxe Zuriak adierazi duenez, Hamasi erasotzea "helburu duina izan daiteke", baina ez dator bat lekuarekin. Qatarreko Gobernuak "nazioarteko legeen urraketatzat" jo du gertatutakoa.
Nepal sutan dago ustelkeriaren aurkako protesten ondorioz, lehen ministroak dimisioa eman duen arren
Gazteek zuzendutako altxamendu batek Gobernuaren kolapsoa eragin dute. Matxinada horren ondorioz, gutxienez, 25 pertsona hil dira. Herrialdearen azken aldiko demokrazia historiako errepresiorik odoltsuena bizi da.
Bayrouk dimititu du, eta Macronek lehen ministro berria izendatu beharko du
Frantziako presidenteak laster izendatu beharko du lehen ministro bat, gobernua egonkortzeko, 2026ko aurrekontuak onartzeko eta gizartearen eta merkatuen presioa geldiarazteko.
Smotrich eta Ben Gvir ministro ultraeskuindar israeldarrei Espainian sartzea debekatu diete
Ministroen Kontseiluaren amaieran egindako agerraldian iragarri du neurria Jose Manuel Albares Espainiako Gobernuko Kanpo Arazoetako, Europar Batasuneko eta Lankidetzako ministroak. Pedro Sanchez Gobernuko presidenteak atzo iragarritako bederatzi neurriak ere gaur onartu dituzte.
Global Sumud Flotilla: "Misioak aurrera jarraituko du", bart Tunisian jasandako erasoa gorabehera
"Global Sumud Flotillak baieztatu du bere ontzi nagusietako baten kontrako erasoa egin dutela, 'Familiaren Itsasontzia' izenekoaren kontra, alegia, Zuzendaritza Batzordeko kideak zeramatzana, eta, susmoa da drone bat izan dela", adierazi dute X sareko elkartearen kontuan.
Nepalgo lehen ministroak dimisioa eman du, Gobernuaren aurkako protestetan 19 pertsona hil berritan
Sare sozial nagusietara sartzea debekatu dute, eta ustelkeria kasuak nonahi ari dira agertzen, horiek, besteak beste, piztu dituzte Gobernuaren kontrako protestak. Hala ere, K.P. Sharma Olik kargua uzteak ez du kaleetako egoera baretu, eta protestek aurrera segitzen dute hiriburuan.
Israelgo Armadak Gaza Hiri osoa husteko agindua eman du
Hirian dauden ia milioi bat laguni Gaza utzi eta Al Mawasi (hegoaldea) aldera "berehala" joateko esan diete. Al Shifa ospitaleko zuzendariak esan duenez, bertan geratuko dira "hegoaldean ez dago lekurik".
Itziar, Sumud Flotillatik: "Ez da inor zauritu, atentzioa Gazan jarri behar dugu"
Itziar euskal kooperanteak atzean duen 'Family' itsasontziari eraso egin diote gauean. Halere, ohartarazi du haien asmoa atentzioa Gazan jartzea dela.
Zer gerta daiteke orain Frantzian?
Emmanuel Macronek lehen ministro sozialista bat izendatzea erabaki dezake, baina denbora agortzen ari da; izan ere, ezegonkortasun politikoa zuzenean ari zaio kalte egiten, eta ekonomian eta kaleetan tentsioa begi bistakoa da.