Urtarrilaren 25ean egingo dituzte hauteskundeak Grezian
Urtarrilaren 25ean presidentetza hauteskundeak izango dituzte Grezian, Andonis Samaras lehen ministroak gaur iragarri duenez. Hauteskundeak aurreratzea beste aukerarik ez du izan buruzagi kontserbadoreak, Parlamentuak ez baitu presidente berria aukeratzea lortu.
Bozketa erabakigarria zuten gaur Greziako ganberan, Gobernuak proposatutako hautagaiak, Stavros Dimasek, babes nahikoa lortu ezean, ganbera desegin eta hauteskundeak aurreratzea ezarrita baitu Konstituzioak.
Dimasek 168 diputaturen babesa eskuratu du, behar zituen 180 botoak baino 12 gutxiago.
Parlamentuan ziren 300 diputatuetatik, 168k Dimasen alde bozkatu dute eta 132 'banago' (praktikan, kontrako botoa) esatera mugatu dira. Bozketaren emaitza txalo artean hartu dute Dimas babestu ez duten parlamentariek.
Presidentea aukeratzeko hirugarren saiakera izan da gaurkoa. Joan den asteartean, Dimasen aldeko 168 boto erregistratu ziren, lehen bozketan baino 8 gehiago, baina hautatua izateko behar zituen 200 botoetatik urrun. Lehenengo saiakeran, 160 aldeko boto jaso zituen hautagai kontserbadoreak.
Greziako Konstituzioaren arabera, hiru bozketa hauetan Errepublikako presidentea aukeratzen ez badute, Gobernuak 10 egun ditu ganbera desegiteko eta hiruzpalau asteko epea, hauteskundeak deitzeko. Hain justu, epe horren baitako lehen egunean egingo dituzte hauteskundeak.
Andonis Samaras lehen ministroak hautagaia babesteko azken deia egin zuen larunbatean. Ohartarazi zuenez, Dimas babesten ez duenak Syriza ezker muturreko alderdiaren alde egingo du, hein batean. "Diputatuek ezingo dute esan ohartarazi ez genituenik", azaldu zuen Samarasek Nerit telebista publikoari eskainitako elkarrizketa batean. Lehen ministroaren arabera, Syrizak galbidera eramango du herrialdera.
"Eginahalak egin ditugu presidentea aukeratzeko eta greziarren gehiengoak nahi ez duen hauteskundeak ez aurreratzeko", esan du gaaur telebista bidez emititu den adierazpen laburrean. "Zoritxarrez, 132 parlamentarik, Syrizakoak eta Urrezko Egunsentikoak tartean, hauteskunde aurreratuetara eraman dute Grezia", deitoratu du.
Ezker muturreko alderdia, inkestetan faborito
Inkesten arabera, Syriza alderdiak irabaziko ditu hauteskundeak, botoen % 28 eskuratuta. Samaras buru duen alderdi kontserbadoreak eta sozialistek urteetan izan duten gehiengo zabala galduko dute.
Galerak, merkatuetan
Bozketa egin aurretik, Atenaseko Burtsak galerekin abiatu du gaurko saioa, eta behin hauteskundeak aurreratuko zirela jakin denean, % 11 amildu da. 2014an, Atenaseko Burtsak % 34 galdu du.
Greziako Burtsan ez ezik, hauteskundeen aurreratzeak beherakadak eragin ditu Europako gainerako merkatuetan ere. Hala, Ibex 35ak % 2 galdu du; Milangoak, % 2,12; Frankfurtekoak, % 0,99; Parisekoak, % 0,72 eta Londresekoak, % 0,13.
Albiste gehiago mundua
Beste gorpu bat aurkitu dute Sena ibaian, duela bi aste beste lau aurkitu zituzten lekutik gertu
Fiskaltzak ikerketa abiatu du biktima horrek beste laurekin zerikusia duen argitzeko. Dagoeneko susmagarri bat atxilotu dute.
Gutxienez bi haur hil dira Minneapolisen, eskola katoliko batean izandako tiroketan
Minneapolisko poliziaburuak emandako datuen arabera, armatutako gizon bat eraikinaren kanpoaldetik tiroka hasi da leihotik, elizako bankuetan eserita zeuden haurren aurka. Zortzi eta hamar urteko bi haur hil dira, eta beste 17 pertsona zauritu dira, horietatik 14 umeak; horietako bi egoera oso larrian daude. Erasotzaileak bere buruaz beste egin du eta Robin Westman izenarekin identifikatu dute.
Kayed Hammad, kazetari gazatarra: "Kazetariak Israelgo Armadaren jomuga nagusietakoak dira, milizianoak baino gehiago"
Kayed Hammadek, orain ia 2 hilabete Gazako infernutik Espainiara heltzea lortu zuen kazetariak, hitz egin digu, etsipenak jota. Haren ustez, nabarmen argia da Gazako kazetariak Israelgo armadaren jomuga direla, eta Nasser Ospitalearen aurkako eraso bikoitza ez zela akatsa izan. Berak ez omen zuen kazetari txalekorik erabiltzen, seguruago sentitzen zelako jantzi gabe ibiltzen.
Israelek dio bahituak askatzeko "akordio integral" bat nahi duela; Hamas, ordea, erantzunaren zain
Hamasek onartutako azken proposamenak erantzunik gabe jarraitzen du, eta AEBk iragarri du "bilera handia" egingo dela, Etxe Zurian.
Mikel Ayestaran: "Ez dago inolako aldaketarik Benjamin Netanhayuren Gobernuaren estrategian"
Israelgo Segurtasun Kontseiluaren bileraren ondoren, ez dirudi Netanyahuren Gobernuak Gazako okupazioa gelditzeko asmorik duenik. Erabaki horrek haserre handia sortu du bahituen familien artean. Manifestazio jendetsuak izan dira gaur Israelgo kaleetan, ehunka mila pertsona atera dira; hala ere, ekintzak ez dira masiboak izan.
Astelehenean bonbardatu zuen ospitalean “Hamasen kamera bat” zegoela argudiatu du Israelek, ebidentziarik aurkeztu gabe
Israelgo Armadak "hasierako ikerketa" bat aurkeztu du astelehenean gertatutakoa argitzeko, baina ez du ebidentziarik eman ezer ez frogatzeko. Hogei pertsona hil zituzten erasoetan; tartean, bost kazetari.
Netanyahuren aurkako protesta jendetsua, Tel Aviven
Milaka pertsona kalera atera dira Israelgo Gobernuari presioa egiteko eta bahituak askatzea ekarriko duen Gazarako su-eten akordioa sinatzea eskatzeko. Egunean zehar, Israelgo hainbat hiritan martxak egin dituzte, eta herrialdeko errepide nagusi batzuk blokeatu dituzte. Orain arte izandako mobilizaziorik jendetsuenak izan dira gaurkoak.
Kajiki tifoiak hiru hildako eta 10 zauritu inguru utzi ditu, Vietnamen
Kajiki tifoia "oso indartsu eta arriskutsutzat" jo dute Vietnamgo agintariek. Nghe An eta Ha Tinh probintzien artean jo du, 90 eta 117 km/h arteko haize-boladekin eta 150 km/h-ko ufadekin.
Hondar-ekaitz izugarri batek Arizonako Phoenix hiria estali du
Ekaitzarekin batera, tximista ugari eta 110 km/h-tik gorako haize-boladak izan dira. AEBko aireportu nagusietakoa den Sky Harbor Nazioarteko Aireportuan hainbat hegaldi bertan behera utzi behar izan dituzte.
Mikel Ayestaran: "Ez dago itxaropen handirik bahituak askatzeko negoziazioen inguruan"
Israelgo Segurtasun Kontseiluaren gaurko bileran bi gai nagusi izango dituzte mahai gainean: Gazako hiriaren inbasioa eta bahituak askatzeko negoziazioak. Nahiz eta Hamasek bitartekarien azken proposamena onartu, Netanyahuk baldintzak aldatu ditu eta bahitu guztiak batera askatzea eta Hamas armagabetzea eskatzen ditu. Familiek badakite euren azken aukera dela, eta hainbat protesta deitu dituzte gaurko.