Fiskaltzak Coulibalyrekin lotu du korrikalari bati egindako erasoa
Ostiralean izandako supermerkatuaren erasoan Amedy Coulibaly terroristak erabilitako arma eta joan den asteazkenean Fontenay-aux-Rosesko parkean korrika egiten zebilen gizon baten aurkako tiroketan erabilitako arma lotu ditu Parisko Fiskaltzak.
"Balen analisiari esker, lotura ezarri da arma bien artean", azaldu du Fiskaltzak ohar baten bidez, eta horrek terrorismoarekin lotutako ikerketa-bide berria ireki duela iragarri du.
Fiskaltzak azaldu duenez, 32 urteko gizon bat hiltzen saiatu ziren joan den asteazkenean, parke batean korrika zebilela. Inguruan bost bala-zorro aurkitu zituzten. Dirudienez, Tokarev pistola baten balak ziren, Coulibalyren pistola bezala. Coulibaly ostiralean hil zuten Frantziako indar armatuek, bahituta zeukan supermerkatuan indarrez sartu zirenean.
Bost atxilotu aske utzi dituzte
Parisen jazotako eraso terroristekin lotura zutelakoan atxilotuta zeuden bost lagun aske utzi dituzte, Parisko Fiskaltzak jakitera eman duenez. Joan den asteazkenetik 13 lagun atxilotu dituzte Frantzia osoan.
Fiskaltzaren bozeramaileak azaldu duenez, atentatuak argitzeko ikerketa aurrera doa. Aste honetako erasoetan 17 biktima izan dira.
France Info kateak zabaldu duenez, aske utzitakoek 'Charlie Hebdo' aldizkariaren aurkako atentatuarekin lotuta atxilotu zituzten. Eraso hartan 12 lagun hil ziren.
Aske utzi dituztenen artean Chérif Kouachiren emaztea dago, aldizkariko sarraskiko egiletzat jotzen diren anaia bietatik gazteenaren emaztea , alegia. Ostiralean jada Chérif Kouachiren koinatua askatu zuten.
Zure interesekoa izan daiteke
AEBk hirugarren petrolio-ontzi bat atxiki du Venezuelan
Bigarren ontzia abordatu ondoren, Venezuelako Gobernuak "pirateria" ekintzatzat jo du gertaera, eta tripulazioaren "bortxazko desagerpena" ere salatu du. Nazio Batuen Segurtasun Kontseiluak bilera egingo du datorren asteartean, hilaren 23an, egoera aztertzeko.
130.000 pertsona inguru argindarrik gabe geratu dira San Frantziskon
Pacific Gas and Electric (PG & E) konpainiak zabaldu duenez, 130.000 pertsona inguru argindarrik gabe geratu dira San Frantziskon (AEB), eta egoera konpontzeko lanean ari dira. Garraio publikoa eten egin da eta hainbat tokitan semaforoak ez dira martxan egon. Horrek zailtasunak eta atzerapenak eragin ditu trafikoan. Agintariek kaltetutako eremuetara ez joateko eskatu diete herritarrei, eta behar-beharrezkoa denean soilik jotzeko larrialdi zerbitzuetara.
Gutxienez bederatzi pertsona hil eta hamar zauritu dituzte Johannesburgetik gertu egindako eraso batean
Oraingoz, ez dakite zergatik egin duten erasoa, eta polizia-indarrek "beharrezko baliabide guztiak" bideratu dituzte gertatutakoa argitzeko.
Trumpen gobernuak Epstein auziko artxiboen zati bat kaleratu du
Pederastaren biktimek pozez hartu dute argitalpena, baina informazioa eta artxiboak falta direla salatu. Kaleratutako irudiotan, Bill Clinton presidente ohia ageri da jacuzzi batean.
Ukrainak Errusiarekin hitz egin nahi izatearen "seinale batzuk" jaso dituela azpimarratu du Putinek
Errusia "gatazka bide baketsuan amaitzeko" prest dagoela azpimarratu du, "joan den ekainean Atzerri Ministerioaren aurrean azaldu nituen printzipioetan oinarrituta" eta "gatazka eragin zuten jatorrizko arrazoiak ezabatuz gero".
AEBko Gobernuak Epstein pederastaren artxibo klasifikatuak argitaratuko ditu ostiral honetan, partzialki bada ere
Pasa den azaroan, AEBko Ordezkarien Ganberak Trumpen gobernua Jeffrey Epstein pederastaren artxiboak sekretupetik ateratzea behartzen duen legea onartu zuen. Lege-testuaren arabera, material hori "kontsultatzeko eta deskargatzeko" moduan egon beharko da.
Europar Batasunak 90.000 milioi euroko mailegua emango dio Ukrainari, zor bateratuaren bidez finantzatuta
Momentuz, 27 herrialdeetako agintariek ez dituzte aktibo errusiarrak erabiliko Ukraina finantzatzeko.
EBk akordioa iragarri du asilo-eskatzaileak "hirugarren herrialde seguruetara" deportatzea errazteko
Europako Kontseiluaren eta Europako Parlamentuaren arteko behin-behineko akordioak babes-eskaerak ez onartzeko kasuistikak zabalduko ditu.
Ospea minimoetan duela, Trumpek bere lorpenak puztu ditu nazioari egindako diskurtso batean
Ia egunero egiten dituen agerraldi publikoetan esaten dituen gauza asko errepikatuz hasi du hitzaldia agintariak: etorkinei eta Joe Biden bere aurrekoaren gobernuari eraso egin die, eta hilabete gutxi batzuetan AEBk "okerrenetik onenera" egin dutela ziurtatu du, deportazioak egin dituelako, mugaetako kontrolak zorroztu dituelako eta beste herrialde batzuen aurka muga-zergak ezarri dituelako.
Venezuelak, AEBri: "Ez duzue gure petroliorik izango, ez oparituta, ezta lapurtuta ere"
Etxe Zuriak atzo adierazi zuenez, AEBk sortu zuen Venezuelako petrolio-industria, eta Caracasen 1976an industria hori nazionalizatzea, estatubatuarrei inoiz egindako "lapurretarik handiena" izan zen.