Greziari 'autonomia' itzultzeko gehiengo absolutua eskatu du Tsiprasek
Hautesleei gehiengo absolutua emateko eskatu die Alexis Tsipras Syriza ezkerreko koalizioaren buruzagiak hauteskunde-kanpainako azken ekitaldian, Atenasen. Hauteskundeak igandean egingo dituzte, Grezian.
?Europan Greziari autonomia itzultzeko, salbazio soziala ziurtatzeko eta duintasuna berreskuratzeko gehiengo absolutua behar dugu?, adierazi du Tsiprasek Omonia plazan, hauteskunde-ekitaldi jendetsuan.
Europako ezkerreko buruzagi asko ekitaldian izan dira, besteak beste, Pablo Iglesias Podemoseko idazkari nagusia, Cayo Lara Izquieda Unidako agintaria, Ada Colau Gaunyemeko hautagaia, Pierre Laurent Frantziako Alderdi Komunistako idazkari nagusia eta Josu Juaristi EH Bilduko europarlamentaria.
Syrizak ?aldaketaren itxaropena? ordezkatzen duela azaldu du EH Bilduk agiri batean, ?Grezian eta Euskal Herrian herritarrek euren etorkizuna erabaki nahi dutelako?.
Aro berria
Demokrazia Berriko kontserbadoreekiko % 4,5-8 puntuko abantaila darama Tsiprasen alderdiak inkestetan. Igandean ?aro berri bat hasten? dela esan du Syrizako buruzagiak. Tsiprasen hitzetan, ?ez da bakarrik Syrizaren garaipen bat izango, gure herriaren garaipen historiko bat baizik, herriak ikara eta atsekabea garaituko ditu, eta batasuna nazional berria osatuko du?.
Syrizaren Gobernu batek ?iraganeko alderdikeriarekin? amaituko duela ziurtatu du ezkerreko buruzagiak. Alderdi tradizionalen ustelkeria eta itzala, ?krisira eraman gaituzten patologiak?, amaituko direla erantsi du.
?Astelehenetik aurrera umiliazio nazionala eta atzerriko aginduak amaitu dira?, adierazi du Tsiprasek. Hala ere, Exekutibo berriaren lana ?zaila? izango dela gaineratu du. Zintzotasuna, erabaki eta jarrera argiak behar dituztela nabarmendu du.
Bestalde, hauteskunde-programako puntu nagusiak zerrendatu ditu Syrizako buruzagiak: ondasunen gaineko zerga polemikoa bertan behera uztea, diru-sarrera gutxi dituztenei karga fiskala murriztea eta 12.000 euroko diru-sarrerak gainditzen ez dituztenei zergarik ez aplikatzea.
Gainera, sektore pribatuan 751 gutxieneko soldata berriz indarrean jarriko luke Syrizak, adina kontuan izan gabe, eta baita Gabonetako aparteko ordainsaria 700 euro baino gutxiago kobratzen dituzten pentsiodunei ere.
Albiste gehiago mundua
Gutxienez bi haur hil dira Minneapolisen, eskola katoliko batean izandako tiroketan
Minneapolisko poliziaburuak emandako datuen arabera, armatutako gizon bat eraikinaren kanpoaldetik tiroka hasi da leihotik, elizako bankuetan eserita zeuden haurren aurka. Zortzi eta hamar urteko bi haur hil dira, eta beste 17 pertsona zauritu dira, horietatik 14 umeak. Erasotzaileak bere buruaz beste egin du eta oraindik ez dute identifikatu.
Kayed Hammad, kazetari gazatarra: "Kazetariak Israelgo Armadaren jomuga nagusietakoak dira, milizianoak baino gehiago"
Kayed Hammadek, orain ia 2 hilabete Gazako infernutik Espainiara heltzea lortu zuen kazetariak, hitz egin digu, etsipenak jota. Haren ustez, nabarmen argia da Gazako kazetariak Israelgo armadaren jomuga direla, eta Nasser Ospitalearen aurkako eraso bikoitza ez zela akatsa izan. Berak ez omen zuen kazetari txalekorik erabiltzen, seguruago sentitzen zelako jantzi gabe ibiltzen.
Israelek dio bahituak askatzeko "akordio integral" bat nahi duela; Hamas, ordea, erantzunaren zain
Hamasek onartutako azken proposamenak erantzunik gabe jarraitzen du, eta AEBk iragarri du "bilera handia" egingo dela, Etxe Zurian.
Mikel Ayestaran: "Ez dago inolako aldaketarik Benjamin Netanhayuren Gobernuaren estrategian"
Israelgo Segurtasun Kontseiluaren bileraren ondoren, ez dirudi Netanyahuren Gobernuak Gazako okupazioa gelditzeko asmorik duenik. Erabaki horrek haserre handia sortu du bahituen familien artean. Manifestazio jendetsuak izan dira gaur Israelgo kaleetan, ehunka mila pertsona atera dira; hala ere, ekintzak ez dira masiboak izan.
Astelehenean bonbardatu zuen ospitalean “Hamasen kamera bat” zegoela argudiatu du Israelek, ebidentziarik aurkeztu gabe
Israelgo Armadak "hasierako ikerketa" bat aurkeztu du astelehenean gertatutakoa argitzeko, baina ez du ebidentziarik eman ezer ez frogatzeko. Hogei pertsona hil zituzten erasoetan; tartean, bost kazetari.
Netanyahuren aurkako protesta jendetsua, Tel Aviven
Milaka pertsona kalera atera dira Israelgo Gobernuari presioa egiteko eta bahituak askatzea ekarriko duen Gazarako su-eten akordioa sinatzea eskatzeko. Egunean zehar, Israelgo hainbat hiritan martxak egin dituzte, eta herrialdeko errepide nagusi batzuk blokeatu dituzte. Orain arte izandako mobilizaziorik jendetsuenak izan dira gaurkoak.
Kajiki tifoiak hiru hildako eta 10 zauritu inguru utzi ditu, Vietnamen
Kajiki tifoia "oso indartsu eta arriskutsutzat" jo dute Vietnamgo agintariek. Nghe An eta Ha Tinh probintzien artean jo du, 90 eta 117 km/h arteko haize-boladekin eta 150 km/h-ko ufadekin.
Hondar-ekaitz izugarri batek Arizonako Phoenix hiria estali du
Ekaitzarekin batera, tximista ugari eta 110 km/h-tik gorako haize-boladak izan dira. AEBko aireportu nagusietakoa den Sky Harbor Nazioarteko Aireportuan hainbat hegaldi bertan behera utzi behar izan dituzte.
Mikel Ayestaran: "Ez dago itxaropen handirik bahituak askatzeko negoziazioen inguruan"
Israelgo Segurtasun Kontseiluaren gaurko bileran bi gai nagusi izango dituzte mahai gainean: Gazako hiriaren inbasioa eta bahituak askatzeko negoziazioak. Nahiz eta Hamasek bitartekarien azken proposamena onartu, Netanyahuk baldintzak aldatu ditu eta bahitu guztiak batera askatzea eta Hamas armagabetzea eskatzen ditu. Familiek badakite euren azken aukera dela, eta hainbat protesta deitu dituzte gaurko.
Sozialistek ez dute Bayrouren konfiantza mozioa babestuko, eta Frantziako Gobernuaren etorkizuna kolokan jarri dute
Aurrerakoiak eta ultraeskuindarrak irailaren 8an ados jarriz gero, Exekutiboak dimisioa aurkeztu beharko du.