Syriza eta ANEL, politikaren bi muturrak, gobernua osatzeko elkartuta
Greziak orain arte egin gabeko aliantza izango du Gobernuan; izan ere, Syriza ezker muturreko koalizioa eta ANEL eskuindar nazionalistak elkar hartuta arituko dira, zorroztasun ekonomikoari aurre egiteko eta erreskaterako egindako itunak bertan behera uzteko.
ANEL, 2012an Demokrazia Berria alderdi kontserbadoretik bereizitako alderdia, Panos Kamenosek zuzentzen du. Kamenos 2011n kanporatu zuten Demokrazia Berritik, Greziaren bigarren erreskatearen kontrako botoa eman ostean.
Eskuindar nazionalistek eta Syrizak iritzi berak dituzte gai ekonomiko askotan, baina justu kontrako ikuspegia dute gizarte ereduen inguruan.
Biek egin diete aurre Andonis Samarasen Gobernuak ezarritako herstura politikei, eta troikak ezarritako murrizketa egitasmoari.
Ardurak argitzeko prozesu bat aldarrikatzen dute, ustelkeriagatik susmagarri diren diputatu guztiei parlamentuaren inmunitatea kenduta.
Bestalde, Alemaniari kalte-ordaina eskatzen diote, nazien okupazioagatik eragindako finantza kalteak konpontzeko.
Desberdintasunak
Baina adostasuna hor amaitzen da. Izan ere, Syrizak kultur aniztasunaren eta tolerantziaren alde egiten du, eta ANEL tradizio ultrakontserbadorearen eredu da, hezkuntza sistema konfesionala eta immigrazioaren kontrako borroka aldarrikatzen baititu.
Gobernua osatzeko desadostasun horiek nahikoa oztopo ez izateak agerian uzten du Gobernu berriaren jomuga nagusia gai ekonomikoak izango direla; hau da, erreskatea berriro negoziatzea eta zorraren kitapena.
Tsiprassek eta Kammenosek ibilbide kontrajarriak dituzte: Tsipras Greziako alderdi komunistan (KKE) sartu zen politikan, eta Kammenos Demokrazia Berriaren diputatu izan zen 1993tik.
2007an, berriz, Itsas Merkantziako ministro orde izendatu zuten azken hori, eta alderdi kontserbadoreko kide izan zen, diputatu gisa bereziki, alderditik bota zuten arte.
Zerbitzu sekretuekin harreman estua omen du Defentsa eta Atzerri Gaietarako batzordeko kide izan zenetik.
Tsiprasek, beraz, ezingo du ziurrenik immigrazio politika berririk onartu, ezta ezkontza homosexualak baimentzeko legerik ere.
Albiste gehiago mundua
Kayed Hammad, kazetari gazatarra: "Kazetariak Israelgo Armadaren jomuga nagusietakoak dira, milizianoak baino gehiago"
Kayed Hammadek, orain ia 2 hilabete Gazako infernutik Espainiara heltzea lortu zuen kazetariak, hitz egin digu, etsipenak jota. Haren ustez, nabarmen argia da Gazako kazetariak Israelgo armadaren jomuga direla, eta Nasser Ospitalearen aurkako eraso bikoitza ez zela akatsa izan. Berak ez omen zuen kazetari txalekorik erabiltzen, seguruago sentitzen zelako jantzi gabe ibiltzen.
Israelek dio bahituak askatzeko "akordio integral" bat nahi duela; Hamas, ordea, erantzunaren zain
Hamasek onartutako azken proposamenak erantzunik gabe jarraitzen du, eta AEBk iragarri du "bilera handia" egingo dela, Etxe Zurian.
Mikel Ayestaran: "Ez dago inolako aldaketarik Benjamin Netanhayuren Gobernuaren estrategian"
Israelgo Segurtasun Kontseiluaren bileraren ondoren, ez dirudi Netanyahuren Gobernuak Gazako okupazioa gelditzeko asmorik duenik. Erabaki horrek haserre handia sortu du bahituen familien artean. Manifestazio jendetsuak izan dira gaur Israelgo kaleetan, ehunka mila pertsona atera dira; hala ere, ekintzak ez dira masiboak izan.
Astelehenean bonbardatu zuen ospitalean “Hamasen kamera bat” zegoela argudiatu du Israelek, ebidentziarik aurkeztu gabe
Israelgo Armadak "hasierako ikerketa" bat aurkeztu du astelehenean gertatutakoa argitzeko, baina ez du ebidentziarik eman ezer ez frogatzeko. Hogei pertsona hil zituzten erasoetan; tartean, bost kazetari.
Netanyahuren aurkako protesta jendetsua, Tel Aviven
Milaka pertsona kalera atera dira Israelgo Gobernuari presioa egiteko eta bahituak askatzea ekarriko duen Gazarako su-eten akordioa sinatzea eskatzeko. Egunean zehar, Israelgo hainbat hiritan martxak egin dituzte, eta herrialdeko errepide nagusi batzuk blokeatu dituzte. Orain arte izandako mobilizaziorik jendetsuenak izan dira gaurkoak.
Kajiki tifoiak hiru hildako eta 10 zauritu inguru utzi ditu, Vietnamen
Kajiki tifoia "oso indartsu eta arriskutsutzat" jo dute Vietnamgo agintariek. Nghe An eta Ha Tinh probintzien artean jo du, 90 eta 117 km/h arteko haize-boladekin eta 150 km/h-ko ufadekin.
Hondar-ekaitz izugarri batek Arizonako Phoenix hiria estali du
Ekaitzarekin batera, tximista ugari eta 110 km/h-tik gorako haize-boladak izan dira. AEBko aireportu nagusietakoa den Sky Harbor Nazioarteko Aireportuan hainbat hegaldi bertan behera utzi behar izan dituzte.
Mikel Ayestaran: "Ez dago itxaropen handirik bahituak askatzeko negoziazioen inguruan"
Israelgo Segurtasun Kontseiluaren gaurko bileran bi gai nagusi izango dituzte mahai gainean: Gazako hiriaren inbasioa eta bahituak askatzeko negoziazioak. Nahiz eta Hamasek bitartekarien azken proposamena onartu, Netanyahuk baldintzak aldatu ditu eta bahitu guztiak batera askatzea eta Hamas armagabetzea eskatzen ditu. Familiek badakite euren azken aukera dela, eta hainbat protesta deitu dituzte gaurko.
Sozialistek ez dute Bayrouren konfiantza mozioa babestuko, eta Frantziako Gobernuaren etorkizuna kolokan jarri dute
Aurrerakoiak eta ultraeskuindarrak irailaren 8an ados jarriz gero, Exekutiboak dimisioa aurkeztu beharko du.
Helikoptero bat urmael batean erori da Frantzian, sute bat itzaltzeko ura hartzen ari zenean
Istripua Rosporden herrian gertatu da, Frantziako Finistere departamentuan, sute bat itzaltzeko lanetan ari zen helikoptero bat ura kargatzera joan denean. Maniobra egiten ari zela biraka hasi da eta azkenean uretara erori da. Zorionez, bi bidaiariak onik atera dira.