Elur-denborale historiko batek New York geldiarazi du
Atzo iluntzetik New York geldirik dago, elur-denborale historikoa botatzen ari delako herrialdearen ipar-ekialdean. Harik eta elurtea baretu arte, herritarrei etxetik ez ateratzeko deia egin die Bill de Blasio alkateak.
Hiri barruko trafikoa etenda dago ohiko ibilgailuentzat, atzo gaueko 23:00etatik. Larrialdietarako ibilgailuentzat bakarrik dago zabalik.
New Yorkeko metro zerbitzua ere etenda dago; egunero, 24 ordutan, sei milioi bidaiari baino gehiago hartzen ditu metroak. Gainerako garraio zerbitzuak ere bertan behera utzi dituzte. Beraz, hiri barruko joan-etorriak oinez egitera behartuta daude herritarrak.
Eskolak eta unibertsitateak ere, itxita daude, New York osoan eta inguruko eskualdeetan. "New Yorken inoiz bizi izan den elurterik handienaren aurrean gaude", esan zuen bart Blasio alkateak.
New York eta inguruko beste zazpi estatutako 29 milioi herritarri eragin die denboraleak; New Jerseytik hasi eta Mainerainoko eskualde denetan ezarri dute larrialdi egoera. Tartean da, Boston hiria. Han ere, New Yorken bezala, hiri barruko trafikoa guztiz etenda dago.
Atzo iluntzean indarra hartu zuen elurteak eta, aurreikuspenen arabera, gaur gauera arte ez da baretuko denboralea.
Orduko 40 kilometroko haizeteak, tarteka orduko 100 kilometroko ufadekin, izango dituzte gaur egun guztian zehar. Hotz-sentsazioa hiru gradu zero azpikoa izango da, batez beste.
New Yorkeko alkateak gauerdian egin duen agerraldian esan duenez, 5-7 orduko zentimetroko elur-geruza botatzea espero unerik da gogorrenean. Metro erdiko elur-geruza izatera iritsiko direla uste dute.
Hegaldiak, bertan behera
Bestalde, atzotik denera 6.700 hegaldi utzi dituzte bertan behera. JFK New Yorkeko aireportu nagusienean eta Newark New Jerseykoan geldirik dago aire-trafikoa.
Aireportu horietan lur hartu edo aireratu behar zuten hegaldi guztiak eten dituzte.
Nazio Batuen Erakundean atzo eta gaur egitekoak ziren bilera guztiak atzeratu egin dituzte. Gaur, besteak beste, Holokaustoa gogoratzeko ekitaldi berezia zuten deituta.
Wall Street, martxan
Bien bitartean, wall streeteko operazioak eguneroko martxari eusten diote eta ez da aparteko gora beherarik sumatu burtsan.
Zure interesekoa izan daiteke
Netanyahuk iragarri du "berehala" iritsiko dela Hamasen armagabetzea ekarriko duen su-etenaren bigarren fasea
Bestalde, Hamasek jakinarazi du Gazan bahituta zuen azken israeldarraren gorpua entregatuko duela gaur arratsaldean, su-eten akordioari men eginda.
Gutxienez 25 pertsona hil dira diskoteka batean izandako sutean, Indian
Sutea Goa estatuko Arpora udalerriko eremu turistiko batean gertatu da. Poliziak ikerketa abiatu du gertatutakoa argitzeko.
Ehun bat lagun kalera atera dira Bilbon Maduroren kontra eta Machadoren alde
Mundu osoko 130 hiritan protestak deitu dituzte Venezuelako Gobernuaren aurka, eta asteazkenean Bakearen Nobel saria oposizioaren ordezkariari emango diotela ospatzeko.
Lau ekintzaile atxilotu dituzte Londresko Dorreko bitxien aurka janaria jaurtitzeagatik
Ekintza horrekin, Erresuma Batua “muturreko aberastasuna zergapetu eta konpontzeko” herritarren batzar bat ezartzeko eskatu nahi izan dio Take Back Power taldeak Erresuma Batuko Gobernuari. Sare sozialetan zabaldu dituzte horren irudiak, eta aretoa itxi dute, kalteak ikertu arte.
Migrazio politikak Europako zibilizazioa "ezabatzen" ari direla esan du Trumpek
Segurtasun Nazionalari buruzko txosten batean, bere egin ditu Europako eskuin-muturreko mugimenduen diskurtsoak.
Alemaniako Parlamentuak argi berdea eman dio soldadutzaren lege berriari
Legearen zirriborroan jasotakoaren arabera, nahitaezko errekrutamendua aktibatuko da, egoerak hala eskatzen badu eta nahikoa boluntario erakartzea lortzen ez bada.
Israelek 366 palestinar hil ditu su-etena indarrean sartu zenetik
Israelgo armadak palestinarrei tiro egiten jarraitzen du "lerro horia" deituriko mugatik, gehiegi hurbiltzen direla argudiatuz. Herritar gehienek ez dituzte muga horiek ezagutzen.
AEB eta Txina, Hego Pazifikoko uharteak kontrolatzeko lehia bizian. Zergatik?
Ozeano Barea Asia eta Amerika arteko itsaso handi-handia da. Han zehar itsasbideak, urpeko kableak eta era guztietako merkataritza trafikoa daude, etengabe. Horregatik, bide horiek bereganatu nahi dituzten potentziek ezinbestekoa dute ozeano erraldoi horretan dauden irlak kontrolatzea, base logistikoak, eta, kasu askotan, militarrak direlako. Hain zuzen, Estatu Batuek eta Txinak Pazifikoko 14 herrialde horiek kontrolatzeko sokatiran ari dira. Papua Ginea Berria milioi bat biztanle duen uharte bakarra da; txikiena, Niuee izeneko uhartea, ez da 2.000 biztanlera ere iristen. 14 horietatik 11 Txinarekin daude lerratuta. Hiruk baino ez dute Taiwanen subiranotasuna aitortzen. Batzuek, Papua Ginea Berria kasu, Estatu Batuekiko segurtasun akordioei eusten diete, beste batzuek, ordea, Txinarekin defentsa akordioak sinatu dituzte. Horren adibide da Salomon Uhartea. Mikel Reparaz, EITBren nazioarteko burua, han izan da.
Epsteinen uharte pribatuko irudi argitaragabeak, hemen
Estatu Batuetako Ordezkarien Ganberako demokratek Jeffrey Epstein pederastaren Birjina uharteetako irla pribatuko argazki eta bideo argitaragabeak kaleratu dituzte. Irudietan etxeko logelak eta komunak agertzen dira, baita dentista-aulki bat duen gela bat ere, hormetan maskarak eskegita dituela. "Pedofiliaren uhartea" 90eko hamarkadan erosi zuen Epsteinek, eta egoitza pribatu gisa erabiltzen zuen.
Madurok konfirmatu egin du Trumpekin hitz egin duela: "Azkenaldian, askotan nabil ingelesez hitz egiten"
Nicolas Maduro Venezuelako presidenteak baieztatu egin du Donald Trump AEBko gobernuburuarekin hitz egin duela, herrialde horrek Kariben duen hedapen militarrak eragindako tentsioen eta nazio pretroliogilearen aire-konektibitatearen krisiaren erdian. Maduroren arabera, Etxe Zuria Miraflores jauregiarekin harremanetan jarri zen duela "hamar bat egun"; azaroaren 23an beharbada, baina ez du data zehatzik eman.