Tsiprasen esanetan, "arazoa ez da greziarra, europarra baizik"
Alexis Tsipras Greziako lehen ministroak esan duenez, "arazoa ez da greziarra, europarra baizik", eta "Atenas bere konpromisoak betetzen ari da", gaineratu du Tsiprasek.
Bazkideei, berriz, solidaritatea eta "beren zatia egitea" eskatu die. "Gure bazkideek dagokiena egitea espero dugu eta konponbide bat bilatzea", adierazi du Tsiprasek Martin Schulz Europako Parlamentuko presidentearekin izan duen bileraren amaieran. "Elkarrizketa gehiago behar da Greziaren eta gainerako estatu kideen eta erakundeen artean", gaineratu du.
"Eurotaldeak otsailaren 20an hartutako erabakian jasota dauden konpromisoak betetzen hasi da Grezia, gure esku dagoena egiten ari gara eta gure bazkideek gauza bera egitea espero dugu. Konponbidea aurkituko dugun ustea dut, oso baikorra naiz, betiko legez", esan du Tsiprasek.
"Eurogunean hartutako erabakien inguruan ikuspegi ezberdinak daude, eta horrek tentsioak eragiten ditu. Gaur eta datozen egunetan tentsio hori konpontzeko saiakera egitea gomendatu diot lehen ministroari", esan du Schulzek. Europako Parlamentuko presidenteak ezinbestekotzat jo du tentsioak baretzea "arazoak" konpondu ahal izateko.
"Garai zailak bizi ditugu", gaineratu du Schulzek. Besteak beste, epe motzean eta luzean arazoak konpontzeko egin beharreko ahalegina izan dute bi ordezkariek hizpide bileran.
Datozen asteetan konponbide bat aurkitu ondoren eman beharreko pausoak ere mintzagai izan dituzte, eta Europar Batasunak gazteen artean langabezia-tasa murrizteko duen funtsaz ere aritu dira, Greziak horren premia baitu.
Jean-Claude Junckerrekin bilera
Bilera horren ostean, Jean-Claude Juncker Europar Batasuneko presidentearekin elkartu da Alexis Tsipras. Greziaren egoera "larria" dela onartu dute bi agintariek, eta Eurotaldearen elkarrizketetan "aurrerapauso azkarrak" ezinbestekotzat jo dituzte.
Junckerrek eta Tsiprasek Europako funtsak hobeto erabiltzeko konpromisoa hartu dute, horiekin Greziaren hazkundea ere bultzatzeko. Greziako Gobernuak lantalde bat sortuko du laguntza horiek kudeatzeko, eta Bruselarekin elkarlanean arituko da. Junckerrek Valdis Domvrovskis Eurotaldeko presidenteordea izendatu du lan hori aurrera eramateko.
"Egoera larria dela onartu dute, eta alde guztiek aurrerapen azkarrak egitea ezinbestekoa dela onartu dute", esan du Margaritis Schinas Europako Exekutiboko bozeramaileak. "Junckerren eta Tsiprasen arteko elkarrizketan Greziako ekonomian eragina duten puntu guztiak aztertu dituzte", azaldu du.
Europak ez du eperik jarri, baina otsailaren 20ko akordioak Greziaren erreskatea lau hilabetez luzatzea aurreikusten duela gogoratu du.
Zure interesekoa izan daiteke
Ukrainak Errusiarekin hitz egin nahi izatearen "seinale batzuk" jaso dituela azpimarratu du Putinek
Errusia "gatazka bide baketsuan amaitzeko" prest dagoela azpimarratu du, "joan den ekainean Atzerri Ministerioaren aurrean azaldu nituen printzipioetan oinarrituta" eta "gatazka eragin zuten jatorrizko arrazoiak ezabatuz gero".
AEBko Gobernuak Epstein pederastaren artxibo klasifikatuak argitaratuko ditu ostiral honetan, partzialki bada ere
Pasa den azaroan, AEBko Ordezkarien Ganberak Trumpen gobernua Jeffrey Epstein pederastaren artxiboak sekretupetik ateratzea behartzen duen legea onartu zuen. Lege-testuaren arabera, material hori "kontsultatzeko eta deskargatzeko" moduan egon beharko da.
Europar Batasunak 90.000 milioi euroko mailegua emango dio Ukrainari, zor bateratuaren bidez finantzatuta
Momentuz, 27 herrialdeetako agintariek ez dituzte aktibo errusiarrak erabiliko Ukraina finantzatzeko.
EBk akordioa iragarri du asilo-eskatzaileak "hirugarren herrialde seguruetara" deportatzea errazteko
Europako Kontseiluaren eta Europako Parlamentuaren arteko behin-behineko akordioak babes-eskaerak ez onartzeko kasuistikak zabalduko ditu.
Ospea minimoetan duela, Trumpek bere lorpenak puztu ditu nazioari egindako diskurtso batean
Ia egunero egiten dituen agerraldi publikoetan esaten dituen gauza asko errepikatuz hasi du hitzaldia agintariak: etorkinei eta Joe Biden bere aurrekoaren gobernuari eraso egin die, eta hilabete gutxi batzuetan AEBk "okerrenetik onenera" egin dutela ziurtatu du, deportazioak egin dituelako, mugaetako kontrolak zorroztu dituelako eta beste herrialde batzuen aurka muga-zergak ezarri dituelako.
Venezuelak, AEBri: "Ez duzue gure petroliorik izango, ez oparituta, ezta lapurtuta ere"
Etxe Zuriak atzo adierazi zuenez, AEBk sortu zuen Venezuelako petrolio-industria, eta Caracasen 1976an industria hori nazionalizatzea, estatubatuarrei inoiz egindako "lapurretarik handiena" izan zen.
Alemaniak umeei hilean 10 euro ematea onartu du, erretiro-pentsioetan aurrezteko
"Goiz hasteko pentsioa" delakoa Alemaniako Gobernuak abian jarri duen pentsio sistema pribatuaren erreforma sorta zabalago baten parte da.
Frantziako Barne Ministerioaren aurkako zibererasoa egin eta dozenaka artxibo konfidentzial lortu dituzte
Laurent Nuñez Barne ministroak adierazi duenez, aurrekari penalen (TAJ) eta pertsona bilatuen (FPR) fitxategietara sartu dira hackerrak. Pariseko Fiskaltzak ikerketa abiatu du gertaturikoa argitzeko.
Venezuelan sartu eta irteten diren petrolio-ontziak erabat blokeatzeko agindu du Trumpek
AEBko presidenteak nabarmendu duenez, "Maduroren erregimen ez-legitimoa lapurtutako petrolioa erabiltzen ari da narkoterrorismoa, pertsonen trafikoa, hilketak eta bahiketak finantzatzeko, besteak beste".
Bondiko atentatuaren ostean, armen gaineko legeak gogortu egingo dituztela iragarri du Australiak
Australiako Gobernuak erantzun dio igandean Bondi hondartzan izandako erasoari, eta iragarri du aldaketak egingo dituztela armei buruzko legedian, kontrolak indartzeko. Sydneyn 16 pertsona hil zituzten.