Varufakis: 'Irtenbide bat bilatu arte lanean jarraituko dugu'
Greziak eta hartzekodunek akordio bat lortu arte negoziatzen jarraituko dutela adierazi du gaur Yanis Varufakis Greziako Ekonomia ministroak.
24 orduren buruan euroguneko Ekonomia eta Finantza ministroek bi bilera egin dituzte, baina ez dute akordiorik adostu. Hala ere, bileran erakundeen proposamen bat eta greziarren beste bat aztertu dituztela azaldu du Varufakisek. Lanean jarraituko dutela erantsi du.
?Eurotalde bezala, eztabaida jarraitu behar dugula erabaki dugu. Erakundeek bi agiriak berriro begiratuko dituzte, eurena eta gurea; Greziako Gobernuarekin elkarrizketak izango dira?, esan du Varufakisek.
Proposamena eta kontraproposamena
Atenasek aurkeztutako azken dokumentua ?hartzekodunen agiriaren oinarrietara egokitutako? testua dela azaldu du Greziako Ekonomia ministroak. Europako Batzordeak, Europako Banku Zentralak eta Nazioarteko Diru Funtsak ?proposatutako lehentasunak? barneratzen dituela gaineratu du Varufakisek.
Troikaren agiria Greziako buruzagiei entregatu diete goizean. Alexis Tsipras Greziako lehen ministroak, hartzekodunen buruzagiek eta Jeroen Dijsselbloem Eurotaldeko presidenteak egindako bileran aztertu dute.
Yanis Varufakis Greziako Ekonomia ministroa. Argazkia: EFE
Dokumentua arbuiatu du Greziako Gobernuak neurri onartezinak dituelako. Lan merkatuaren eta pentsioen aldaketa edo jatetxeen eta hotelen BEZ % 23ra igotzea nahi zuen proposamenak, Greziako Exekutiboaren iturriek azaldu dutenez.
Egoera ikusita, kontraproposamen bat aurkeztu du Tsiprasen Gobernuak, eta Eurotaldeari bidali diote.
Euroguneko Ekonomia eta Finantza ministroak larunbatean berriz bilduko dira Bruselan. Bien bitartean, Europar Batasuneko estatuburuak eta gobernuburuak goi-bilera egiten ari dira ostegun eta ostiral honetan, eta Greziako arazoa bertan eztabaidatzea espero dute.
Zure interesekoa izan daiteke
Emakume bat hil da Suitzako Alpeetan, bera zegoen teleferikoko kabina maldan behera erorita
Ezbeharra izan da asteazken honetan Titliseko eski estazioan, Suitzako erdialdean. Teleferikoa lokabe geratu da, eta maldan behera erori da. Hildakoa zen kabinako bidaiari bakarra. Suitzako Meteorologia Bulego Federalaren arabera, istripuaren unean 100 eta 130 km/h arteko haize-ufadak zeuden.
Txertoak agortu dira eta farmaziak gainezka daude Erresuma Batuan, meningitis-agerraldi baten ondorioz
Kezka zabaldu da Erresuma Batuan. Unibertsitate-ikasleak biltzen diren Canterburyko diskoteka batean hasi da agerraldia. Dagoeneko bi pertsona hil dira, eta gutxienez 20 kutsatu dira.
Petrolio-upelaren prezioa 113 dolarrera igo da, eta gasa % 30 garestitu, Qatarko energia-azpiegituren aurka abiatutako erasoen ondorioz
Ekialde Hurbileko gatazkak merkatuak astintzen jarraitzen du: Asiako burtsek behera egin dute gogor, eta Europakoetan eguna negatiboan hastea aurreikusten da, Europako Kontseiluaren bileraren zain.
Israelek eta Estatu Batuek eraso egin diote Iranek eta Qatarrek duten munduko gas aztarnategi handienari
Iranek ohartarazi du bere azpiegitura energetikoaren aurkako erasoek "ondorio kontrolaezinak" ekar ditzaketela, eta egoera are gehiago zaildu eta mundu osoari kalte egin diezaioketela.
Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"
Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste.
Irango zentral nuklear bati eraso egin diotela salatu du NBEk
Oraingoz, ez dute biktimen ezta kalteen berririk eman. Energia Atomikoaren Nazioarteko Erakundeak Ekialde Hurbileko gatazka baretzeko deia egin du, istripu nuklearrak gertatzeko arriskua saihesteko.
Iranek misilekin eraso egin du Tel Aviven aurka, Ali Larijaniren hilketaren mendeku gisa
Irango Guardia Iraultzailearen esanetan, "100 helburu militar eta segurtasun helburu baino gehiago" jo dituzte, erasoan Israelgo aireko defentsa sistemak gaindituta.
Iranek baieztatu du Ali Larijani Segurtasun Nazionaleko Kontseilu Goreneko idazkaria hil duela Israelek
Martxoaren hasieran Khamenei aiatola hil zutenetik, Larijani Irango buruzagi garrantzitsuenetakoa zen. Halaber, eraso berean Golamreza Soleimani Basij indar paramilitarreko buruzagia hil dutela baieztatu du Irango Guardia Iraultzaileak. Hilketa horien aurrean, Irango agintari politiko eta militarrek "mendekua" agindu dute.
Espainiak euskara, katalana eta galegoa Europar Batasunean hizkuntza ofizialak izan daitezen nahi du
Fernando Sampedro EBko Estatu idazkariak esan du presioa egiten jarraituko dutela, nahiz eta gaiak bederatzi hilabete daramatzan Ministerioaren agendatik kanpo.
Israelgo Armadak iragarri du "eskala handiko" beste erasoaldi bat egingo duela Teheranen aurka
Israel Katz Defentsa ministroak iragarri duenez, Ali Larijani Irango Segurtasun Nazionaleko agintaria hil dute.