Referendumeko emaitza errespetatuko duela adierazi du Tsiprasek
Igandeko referendumean ‘baiezkoak’ irabazten baldin badu emaitza errespetatuko duela adierazi du gaur Alexis Tsipras Greziako lehen ministroak. Gainera, dimisioa eman dezakeela iradoki du Tsiprasek.
“Emaitza baiezkoa bada akordio jasangaitz bat izango dugu. Bata ala bestea izan, emaitza errespetatuko dut eta Konstituzioan aurreikusitako prozedurak martxan jarriko ditut”, esan du Tsiprasek Antena telebistan. Bere “aulkia nazioaren interesen” gainetik jartzen ez duela gaineratu du.
Bestalde, 2015etik 2018ra bitartean Greziak 50.000 milioi euro beharko dituela esan du gaur Nazioarteko Diru Funtsak (NDF). Honenbestez, nazioarteko hartzekodunek aurkeztutako egitasmoarekin ere 36.000 milioi euro gehiago beharko lituzke Greziak zorrari aurre egiteko.
Zor “jasangaitza”
Greziaren zorra “jasangaitza” dela azaldu du NDFk txosten batean. Tsipras Gobernura heldu denetik egoerak okerrera egin duela ohartarazi du erakundeak. NDFren ahotan, Exekutibo berriak zerga helburuak jaitsi eta egiturazko erreformen aplikazioa moteldu du.
Horrela gauzak, NDFren txostenak Atenaseko Exekutiboari arrazoia ematen diola uste du Gavrill Sakelaridis Greziako Gobernuaren bozeramaileak.
“NDFren gaurko txostenak arrazoi osoa ematen dio Greziako Gobernuari; izan ere, zorra jasangaitza dela dio. Ondorioz, hartzekodunekin adosten dugu edozein akordiok zorraren berregituraketa bat barneratu behar du”, ziurtatu du Sakelaridisek.
EBko bandera bati su eman diote manifestazio batean, Atenasen. Argazkia: EFE
Akordioa baldin badago bankuek asteartean zabalduko dutela ziurtatu du Varoufakisek
Greziaren eta hartzekodunen arteko akordioa baldin badago bankuek asteartean berriro zabalduko dutela ziurtatu du Yanis Varoufakis Ekonomia ministroak.
Bankuek berriz zabalduko dute “noski”, adierazi du Varoufakisek Ministeriotik atera denean. ‘Corralito’a iragan astelehenean indarrean sartu zen eta uztailaren 7ra arte bankuak itxita egongo dira.
Erakundeekin (Europako Batzordea, Europako Banku Zentrala eta Nazioarteko Diru Funtsa) akordio batera heldu ondoren bankuek asteartean berriro ateak zabalduko dituztela zehaztu du Ekonomia ministroak. Horrela, akordioa egintzat eman du Varoufakisek, “ziur”.
Manifestarien eta Poliziaren arteko istiluak Atenasen. Argazkia: EFE
Hiru manifestazio Atenasen
Milaka manifestari bildu dira gaur Atenaseko erdialdean. Referendumaren aldeko eta kontrako manifestazioak izan dira Greziako hiriburuan.
Poliziaren arabera, alderdi komunistako (KKE) 5.000-6.000, Antarsya ezkerreko kolektiboaren 1.200 bat eta Yorgos Papandreu lehen ministro ohiaren Mugimendu Sozialista Demokratikoaren 1.000 bat jarraitzaile bildu dira hiru manifestazio ezberdinetan.
‘Ezezkoaren’ aldeko ekitaldia ostiral honetan, Madrilen
Azkenik, Izquierda Unidak, Podemosek eta ezkerreko beste alderdi batzuek ekitaldia egingo dute ostiral honetan, Madrilen, Greziako referendumean nazioarteko hartzekodunen proposamena errefusatzea babesteko. Ekitaldia Juan Diego Botto aktoreak aurkeztuko du.
Zure interesekoa izan daiteke
Europar Batasunak 90.000 milioi euroko mailegua emango dio Ukrainari, zor bateratuaren bidez finantzatuta
Momentuz, 27 herrialdeetako agintariek ez dituzte aktibo errusiarrak erabiliko Ukraina finantzatzeko.
EBk akordioa iragarri du asilo-eskatzaileak "hirugarren herrialde seguruetara" deportatzea errazteko
Europako Kontseiluaren eta Europako Parlamentuaren arteko behin-behineko akordioak babes-eskaerak ez onartzeko kasuistikak zabalduko ditu.
Ospea minimoetan duela, Trumpek bere lorpenak puztu ditu nazioari egindako diskurtso batean
Ia egunero egiten dituen agerraldi publikoetan esaten dituen gauza asko errepikatuz hasi du hitzaldia agintariak: etorkinei eta Joe Biden bere aurrekoaren gobernuari eraso egin die, eta hilabete gutxi batzuetan AEBk "okerrenetik onenera" egin dutela ziurtatu du, deportazioak egin dituelako, mugaetako kontrolak zorroztu dituelako eta beste herrialde batzuen aurka muga-zergak ezarri dituelako.
Venezuelak, AEBri: "Ez duzue gure petroliorik izango, ez oparituta, ezta lapurtuta ere"
Etxe Zuriak atzo adierazi zuenez, AEBk sortu zuen Venezuelako petrolio-industria, eta Caracasen 1976an industria hori nazionalizatzea, estatubatuarrei inoiz egindako "lapurretarik handiena" izan zen.
Alemaniak umeei hilean 10 euro ematea onartu du, erretiro-pentsioetan aurrezteko
"Goiz hasteko pentsioa" delakoa Alemaniako Gobernuak abian jarri duen pentsio sistema pribatuaren erreforma sorta zabalago baten parte da.
Frantziako Barne Ministerioaren aurkako zibererasoa egin eta dozenaka artxibo konfidentzial lortu dituzte
Laurent Nuñez Barne ministroak adierazi duenez, aurrekari penalen (TAJ) eta pertsona bilatuen (FPR) fitxategietara sartu dira hackerrak. Pariseko Fiskaltzak ikerketa abiatu du gertaturikoa argitzeko.
Venezuelan sartu eta irteten diren petrolio-ontziak erabat blokeatzeko agindu du Trumpek
AEBko presidenteak nabarmendu duenez, "Maduroren erregimen ez-legitimoa lapurtutako petrolioa erabiltzen ari da narkoterrorismoa, pertsonen trafikoa, hilketak eta bahiketak finantzatzeko, besteak beste".
Bondiko atentatuaren ostean, armen gaineko legeak gogortu egingo dituztela iragarri du Australiak
Australiako Gobernuak erantzun dio igandean Bondi hondartzan izandako erasoari, eta iragarri du aldaketak egingo dituztela armei buruzko legedian, kontrolak indartzeko. Sydneyn 16 pertsona hil zituzten.
Nick Reiner atxilotu dute, Rob Reiner zinemagilearen eta Michele Singerren semea, gurasoen heriotzarekin lotura duelakoan
Senar-emazteak hilda agertu ziren igande honetan Brentwoodeko bien egoitzan, Los Angelesen, Estatu Batuetan.
Nazioarteko Zigor Auzitegiak Palestinako auzia ikertzen jarraituko du, Israelen helegitea baztertu baitu
Israelgo Gobernuak ikerketa bere gain hartu nahi zuen, eskumena zuela argudiatuta. Argudioa errotik ukatu du Zigor Auzitegiak, eta, hala, Fiskaltzak ikertzen jarraitu ahalko du.