Varufakisen sei argudioak erreferendumean ezetz bozkatzeko
Yanis Varufakis Greziako Finantza ministroak igandeko erreferendumean nazioarteko hartzekodunen azken proposamenari ezetza emateko eskatu die herritarrei, eta ezezkoaren aldeko sei argudio laburbildu ditu bere blog pertsonalean idatzitako post batean. Hauek dira:
1. "Hartzekodunek gure zor ordainezina murrizteari uko egin diotelako eta gure gizarteko ahulenek, gure seme-alabek eta bilobek oso-osorik ordaindu behar dutela berretsi dutelako blokeatu dira negoziazioak".
2. "Nazioarteko Diru Funtsak, AEBko Gobernuak, nazioarteko beste hainbat gobernuk eta ekonomialari independenteek uste dute (guk bezala) zorra berregituratu egin behar dela".
3. "2012ko azaroan bigarren erreskatea sinatu zenean, Eurotaldeak konpromisoa hartu zuen zorra berregituratzeko, baina orain ez du nahi".
4. "Erreferendumaren iragarpena egin zenetik, Europak zorra berregituratzeko prest dagoen seinaleak eman ditu. Seinale horiek erakusten dute eurek ere euren proposamenaren kontra bozkatuko luketela".
5. "Greziak eurogunean jarraituko du. Gordailuak seguruak dira. Hartzekodunek xantaiaren aldeko estrategia egin dute, bankuen itxiera oinarri hartuta. Egungo blokeoa erabaki horren ondorio da, eta ez Gobernuak negoziazioak bertan behera utzi dituelako edo eurogunetik ateratzeko asmorik duelako".
6. "Etorkizunak behar du eurogunearen barruan dagoen Grezia harro bat; horregatik, herrialdeak ezezko handia esan behar du igandean, eurogunean jarraituko dugula eta, ezetzak ematen duen boterea oinarri hartuta, zorra birnegoziatuko dugula".
Atzo, Alexis Tsipras lehen ministroak ere ezetzaren aldeko kanpaina egin zuen, telebistan egindako agerraldi batean.
Albiste gehiago mundua
Hiru hildako eta 10 zauritu inguru utzi ditu Kajiki tifoiak Vietnamen
Kajiki tifoia "oso indartsu eta arriskutsutzat" jo dute Vietnamgo agintariek. Nghe An eta Ha Tinh probintzien artean jo du lurra, 90 eta 117 km/h arteko haizeekin eta 150 km/h-ko ufadekin.
Hondar-ekaitz ikusgarri batek Arizonako Phoenix hiria estali du
Ekaitzarekin batera, tximista ugari eta 110 km/h-tik gorako haize-boladak izan dira. AEBtako aireportu garrantzitsuenetakoa den Sky Harbor Nazioarteko Aireportuan hainbat hegaldi bertan behera utzi behar izan dituzte.
Mikel Ayestaran: "Ez dago itxaropen handirik bahituak askatzeko negoziazioen inguruan"
Israelgo Segurtasun Kontseiluaren gaurko bileran bi gai nagusi izango dituzte mahai gainean: Gazako hiriaren inbasioa eta bahituak askatzeko negoziazioak. Nahiz eta Hamasek bitartekarien azken proposamena onartu, Netanyahuk baldintzak aldatu ditu eta bahitu guztiak batera askatzea eta Hamas armagabetzea eskatzen ditu. Familiek badakite euren azken aukera dela, eta hainbat protesta deitu dituzte gaurko.
Sozialistek ez dute Bayrouren konfiantza mozioa babestuko, eta Frantziako Gobernuaren etorkizuna kolokan jarri dute
Aurrerakoiak eta ultraeskuindarrak irailaren 8an ados jarriz gero, Exekutiboak dimisioa aurkeztu beharko du.
Helikoptero bat urmael batean erori da Frantzian, sute bat itzaltzeko ura hartzen ari zenean
Istripua Rosporden herrian gertatu da, Frantziako Finistere departamentuan, sute bat itzaltzeko lanetan ari zen helikoptero bat ura kargatzera joan denean. Maniobra egiten ari zela biraka hasi da eta azkenean uretara erori da. Zorionez, bi bidaiariak onik atera dira.
Gazan kazetarien hilketengatik justizia eskatu du NBEk
Gutxienez 245 kazetari palestinar hil dituzte Gazan 2023ko urriaren 7an gerra hasi zenetik, bertako Gobernuaren arabera.
Bayrouren hordagoa: bere Gobernua erorarazi lezakeen konfiantza mozioa egin du
Urte politikoaren hasiera malkartsu dator Frantziako Estatuan, bereziki aurrekontuak direla eta. François Bayrou lehen ministroak 40.000 milioi euroko murrizketak iragarri zituen 2026ko kontuetarako, eta hautsak harrotu zituen. Gauzak horrela, gaur jakinarazi du konfiantza mozioa egingo duela Asanblea Nazionalean, irailaren 8an.
Londresko Notting Hill auzoa musikaz eta kolorez bete da, urtero lez, inauteria ospatzeko
Musika afrokaribarra eta kolore askotako karrozak protagonistak izan dira gaur Londresko Notting Hill auzoan. Erresuma Batuan jai-eguna da gaur, eta milaka pertsona hurbildu dira inauteriez gozatzeko.
Mikel Ayestaran: “Gosete-larrialdia deklaratzeak ez du egoera lasaitu, tankeak eta hegazkinak etengabe ari dira lanean”
EITBk Ekialde Hurbilean duen berriemaleak kontatu duenez, Israelek Gaza osoa bereganatzeko asmoekin jarraitzen du. Gaza hiriburutik kanporatu nahi dituen herritarrak hegoaldera bidali nahi ditu, Nasser ospitalea dagoen ingurura. Alabaina, inguru horretan erasoek ez dute etenik. Gaur, abuztuak 25, 20 lagun hil ditu, tartean, 5 kazetari.
Gutxienez 20 pertsona hil dira, tartean bost kazetari, Israelek Gazako Nasser ospitaleari egindako erasoan
Erasoetako batek hildakoak eta zaurituak erreskatatzera zihoazen anbulantziak jo ditu. Halaber, Israelgo Armadak seigarren kazetari bat hil du Al Mayasi inguruan, Gazako hegoaldean.