Syrizako zuzendaritzaren erdiak hirugarren erreskatea errefusatu du
Alexis Tsipras lehen ministroak hirugarren erreskatea jasotzeko lortu zuen akordioa errefusatu dute Syrizako Batzorde Zentraleko kideen erdiak baino gehiagok, Greziako herriarentzako ?iraina? delako.
Parlamentuak nazioarteko laguntza, eta horren baldintzak, onartu ala ez erabaki baino lehen, koalizioko zuzendaritzaren gehiengoa kontra agertu da. Batzorde Zentraleko 201 kideetatik 107k akordioari ?ezetz? esan diote.
Kide kritikoen hitzetan, astelehen goizean jakitera eman zuten ituna hartzekodunen ?mehatxuen emaitza? da, ?diru-estutasuna? planteatu baitzuten, Proto Thema astekariak jakitera eman duenez. Zentzu horretan, akordioak ?ikuskaritza neurri iraingarriak? aurreikusten dituela aurpegiratu dute, Greziarentzat eta herritarrentzat ?suntsitzaileak? direlako.
Tsiprasen aurkako kritikak Gobernura ere heldu dira; izan ere, azken orduetan kide batzuek dimisioa eman dute. Besteak beste, Nadia Valavini Ekonomia ministrordeak kargua utzi du, eta akordioan jazotako neurriak ?alferrikakoak? direla kritikatu du, Kathimerini egunkariaren arabera.
Nadia Valavini Ekonomia ministrordea. Argazkia: EFE
Greba
Bien bitartean, botikariek eta funtzionarioek greba egin dute gaur, erreskatearen kontra protesta egiteko. Ez da mobilizazio oso jendetsua izan, baina manifestazioak Atenaseko erdialdeko kaleak hartu ditu ?Erreskatea bertan behera utzi? eta ?EBren, EBZren eta NDFren politikei ez? lelopean.
Funtzionarioen protesta Atenasen. Argazkia: EFE
Poliziaren eta manifestarien arteko istiluak, Atenaseko Parlamentuaren aurrean
Bozketa baino lehen, manifestariek molotov koktelak jaurti dituzte Poliziaren aurka, Atenaseko Parlamentuaren aurrean.
Poliziak negar eragiteko gasa bota du eta ehunka pertsonek Sintagma plaza utzi behar izan dute.
35 pertsona atxilotu ditu Poliziak. Pertsona bat arin zauritu da liskarretan, baina ezin izan dute ospitalera eraman zaurituak berak uko egin diolako.
Manifestariek kutxazain automatikoak eta erakusleihoak txikitu dituzte eta bi ibilgailuri su eman diete. Istiluen ondorioz Parlamentu ondoko kaleak itxi behar izan dituzte.
Aurretik, milaka lagunek Atenaseko kaleak hartu dituzte akordioaren aurka protesta egiteko manifestazio baketsuetan.
Liskarrak Parlamentuaren aurrean, Atnasen. Argazkia: EFE
Bestalde, Europako Exekutiboak adierazi du programa horrek zubi-finantzazioa emango diola Greziari, premiazko finantza-betebeharrei aurre egin diezaion, Finantza Egonkortzeko Mekanismo Europarretik (FEME) diru-laguntza jasotzen hasten den arte.
Azkenik, Mariano Rajoy Espainiako Gobernuko presidenteak ere Kongresura eramango du Greziaren hirugarren erreskatea, diputatuek eztabaida eta bozka dezaten.
Albiste gehiago mundua
Miguel Uribe senatariaren aurkako atentatuaren ustezko egile intelektuala atxilotu dute
"Hilketa saiakera, armak legez kanpo eramatea eta delituak egiteko adingabeak erabiltzea" egotzita atxilotu dute atentatuaren ustezko egile intelektuala.
Paristarrak eta turistak Sena ibaian bainatzen hasi dira berriro
Mende bat geroago, paristarrak eta turistak Sena ibaian bainatzen hasi dira, berriro, Eiffel dorretik gertu. Uztailaren 5a eta abuztuaren 31 bitartean izango da bertan bainatzeko aukera, eta hiru gune egokitu dituzte horretarako: hirigune historikoaren parean (udaletxe ondoan), mendebaldean Eiffel dorrera begira eta hego-ekialdean, Bercyn. Parisko Olinpiar Jokoak eta Paralinpiar Jokoak izan eta urtebetera heldu da albistea, duela urtebete, hainbat gorabeheraren ondorioz, uraren kalitatea zalantzan jarri ostean.
Uholdeek gutxienez 25 hildako eta dozenaka desagertu utzi dituzte Texasen
Guadalupe ibaiak gainez egin du, Texas erdigune-hegoaldean, eta 25 heriotzaz gain, ugari dira desagertutako pertsonak, neskentzako udaleko kristau batean parte hartzen ari ziren 23 adingabe tartean. Hondamendia handia da Bandera, Cope, Comal, Concho, Gillespie, Kendall, Kerr, Kimble, Llano, Mason, McCullouch, Menard, San Saba eta Tom Green eskualdeetan.
Hamasek erantzun "positiboa" eman dio AEBren Gazarako su-eten proposamenari
"Hamasen erantzuna positiboa da, eta uste dut lagungarria izan beharko litzatekeela akordio batera iristeko", adierazi du Reutersek aipatutako ofizial palestinar batek. Donald Trumpen proposamenak 60 eguneko su-etena planteatzen du, 21 hilabetean Israelek 57.200 palestinar hil ostean.
Ukrainaren aireko gaitasunak indartzeko akordioa itxi du Zelenskik Trumpekin, AEBk Patriot misilen bidalketa bertan behera utzi ostean
"Elkarrekin lan egingo dugu gure zeruaren babesa indartzeko", esan du Ukrainako presidenteak AEBkoarekin telefonoz hitz egin ostean.
45 pertsona zauritu dira, horietako bi larri, Erromako gasolindegi batean izandako leherketan
Eztanda Casilino inguruan izan da, zisterna-kamioi batetik petrolio-gas likidotua deskargatzen ari zirenean. Italiako agintariek zehaztu dutenez, zaurituak 24 zibil, hamaika polizia, sei suhiltzaile, larrialdietako hiru langile eta karabinero bat dira.
Ipar Koreak Wonsan hiriko gune turistiko erraldoia inauguratu du
Kim Jong-un liderrak Asiako herrialde hermetikoan turismoa sustatzeko hainbat urtez bultzatutako funtsezko proiektua da. Uztailaren 1ean ateak ireki zituen gune turistikoak 20.000 bisitari hartzeko gaitasuna du.
Hamasek gaur erantzungo dio Gazarako su-eten proposamenari
Erresistentzia Islamikorako Mugimendua "pozik" agertu da Gazarako azken su-eten proposamenarekin, besteak beste, negoziazioek irauten duten bitartean borrokara ez itzultzeko "bermeak" jasotzen dituelakoan.
AEBko kongresuak Trumpen zerga-plan "handi eta ederra" onartu du
Zerga-plan berriak azken urteetako zerga-murrizketarik handienetakoa egingo du AEBn. Gizarte-programetan murrizketa handiak aurreikusten ditu, eta defizit federala nabarmen handituko da hurrengo hamarkadan.
Iranek IAEAren ikuskapenak eragotziko ditu, Israelek eta AEBk bere instalazio nuklearren aurka egindako erasoen ostean
Erabakia Teheranek NBEren agentziari Israelek eta AEBek bere instalazio atomiko nagusien aurka egindako erasoak "bultzatu" izana egotzi ostean etorri da. Adituen arabera, neurria eraso israeldarrek eta estatubatuarrek utzitako ondorio garrantzitsuena da.