Hiru kazetari espainiar desagertu dira Siriako Alepo hirian
Hiru kazetari espainiarrek 9 egun daramatzate desagertuta Siriako Alepo hirian. Angel Sastre, Antonio Pampliega eta Jose Manuel Lopez (Berria egunkariaren kolaboratzaileak dira azken biak) berriemaileak dira desagertuak, Europa Press-ek iturri diplomatikoak aipatuta jakitera eman duenez. Hasiera batean kazetariak bahituta zeudela zabaldu dute albiste-agentziek.
Hiru desagertuek 'freelance' gisa egiten dute lan, eta uztailaren 10ean iritsi ziren Alepora, Turkiatik. Uztailaren 12tik aurrera, berriz, ez dago haien berririk, eta ez dakite non dauden.
Espainiako Atzerri Ministerioak esan du adi ari dela jarraitzen gertatzen ari dena, baina Jose Manuel Garcia-Margallo buru duen Ministerioak ez du xehetasunik eman nahi izan.
“Pazientzia”, “errespetua” eta “zuhurtzia” eskatu dituzte senitartekoek
Egoeraren aurrean “pazientzia” eta, “batez ere”, “errespetua” eskatu dute hiru kazetarien familiek agiri batean. Publikoki adierazpenik egingo ez dutela aurreratu dute. Era berean, “zuhurtzia” eskatu dute, “une honetan oso beharrezkoa delako”.
Sastre, Pampliega eta Lopez azkenekoz furgoneta zuri baten barruan ikusi zituztela adierazi du gaur Rami Abderrahman Giza Eskubideen Siriako Behatokiaren zuzendariak. Itzultzailearekin batera, Alepoko alde zaharrean, Al Maadiko zonaldean ikusi zituzten, uztailaren 11n.
Abderrahmanen hitzetan, kazetarien ibilgailua talde armatu batek atzeman zuen, desagertu baino lehen. Talde armatuko kideek jantzi afganiarrak zeramatzaten.
Antonio Pampliega. Argazkia: EFE
Antonio Pampliega hainbat komunikabideren kolaboratzaile da eta, besteak beste, 'Un mundo en guerra' blogaren egilea. Bertan dio 2008tik gatazka armatuak jarraitzen espezializatu dela.
Angel Sastre. Argazkia: EFE
Angel Sastrek ere komunikabide askorekin lan egiten du, eta Amerika Latinoko eta Ekialde Hurbileko gatazketan ibili izan da. Twitterreko kontu pertsonalean azaltzen duenez, "bihotza zatitua" du Amerika Latinoaren eta Ekialde Hurbilaren artean.
Jose Manuel Lopez. Argazkia: EFE
Azkenik, Jose Manuel Lopez argazki-kazetari ezaguna da, nazioartean hainbat sari eman baitizkiote gune gatazkatsuetan ateratako argazkiengatik.
Zure interesekoa izan daiteke
Iranek aurreratu du "oinarrizko akordio nuklearra" lortu duela AEBkin
Helburuetan eta gai tekniko garrantzitsuenetan adostasunera heldu dira, eta, orain, hori guztia testu batean ezarri beharko dute. Hala jakinarazi du Teherango Atzerri ministroak.
Bruselak ikerketa abiatu du Sheinen aurka, diseinu "adiktiboa" duelakoan eta legez kanpoko produktuen salmentagatik
Europako Batzordearen ustez, Txinako plataformak ez du Europako araudia betetzen, ez delako gardena bere gomendio-sistemekin eta legez kanpoko artikuluak merkaturatzeko aukera ematen duelako, besteak beste, haurren sexu-edukiko materiala.
Adimen artifizialaren gobernantza eztabaidagai Indian: Silicon Valleyeko handikiak eta nazioarteko agintariak New Delhin bildu dira
Sam Altman (OpenAI), Sundar Pichai (Google) eta Jensen Huang (Nvidia) lider teknologikoak batu dira goi-bileran.
Epsteinen paperetan jasotakoak gizateriaren kontrako krimentzat har daitezkeela esan du NBEk
Inpunitate osoz aritzen zen enpresa kriminal bat zela diote kasua aztertu duten errelatoreek. Sexu-esklabotza, bortxazko desagertzea, tortura eta feminizidioa, besteak beste, egin direla frogatzeko moduko dokumentuak daudela ziurtatu dute.
Nola gauzatuko du Israelek Zisjordaniako lurren erregistroa?
Jerusalem ekialdean prozesu bera hasi zenetik, eraginpeko lurren % 1 baino ez da palestinarren izenean erregistratu.
Rubioren hitzetan, AEBk ez du Europa basailu izatea nahi, "aliatu sendo bat" baizik
Bestalde, Atzerri eta Segurtasun gaietako europar idazkari nagusi Kaja Kallasek azken hilabeteotan Trumpen Gobernuak egindako kritikei erantzun die. "Batzuek aurkakoa badiote ere, Europa eroria ez da hiltzen ari den zibilizazio bat", esan du, eta gaineratu du gero eta jende gehiagok batu nahi duela "Europaren klubera".
Ultraeskuinaren gertuko gazte bat kolpeka hil izanak politika giroa nahasi du Frantzian
23 urteko matematikako ikasle katolikoa zen Quentin, eta larunbatean zendu zen, jasotako kolpeen ondorioz eta bi egun koman eman ostean. Lyongo Fiskaltza gertakari horren nondik norakoak ikertzen ari da.
Israelek Zisjordaniako eremu zabalak Estatuaren zati gisa erregistratu ditu, 1967tik lehen aldiz
Palestinako Aginte Nazionalak salatu duenez, Palestinako lurralde gehiena 'de facto' anexionatu du.
Alemaniak, Frantziak, Erresuma Batuak, Suediak eta Herbehereek Navalni oposizioko burua toxina batekin hiltzea leporatu diote Errusiari
Pozoia, jatorriz Ekuadorko igel batek ekoizten duena, ez dago "modu naturalean" Errusian. Von der Leyenek estatu errusiarraren jokabide "terrorista" salatu du.
Rubiok AEBen eta Europaren arteko harremanak hurbildu nahi ditu baina kontinente zaharrak independentzia sustatu nahi du
Marco Rubio AEBetako Estatu idazkariak Europarekiko harremanak goraipatu ditu larunbat honetan Municheko Segurtasun Konferentzian, eta arindu egin du herrialdeko presidenteorde J.D. Vancek duela urtebete emandako hitzaldi gogorraren tonua.