Errefuxiatuak Hungariara eramaten hasi da Kroazia
Kroaziako agintariak errefuxiatuak kanporatzen hasi dira. Hain zuzen ere, ehunka pertsona Hungariara eramaten hasi dira, autobusez.
11.000 errefuxiatu, 48 orduko epean. Siriatik eta Ekialde Ertainean gerran dauden beste herrialdeetatik iritsitako pertsona oldea jaso du egunotan Kroaziak, eta heldutakoei eman beharreko laguntza humanitarioa "egonkortzeko" mugako zazpi postu itxi ditu goizaldean, Kroaziako Barne ministroak baieztatu duenez.
24sata Kroaziako albiste webgunearen arabera, neurriak ez du eragin handirik izan, iheslariek lur zabaletik sartzen jarraitu dutelako. Bajakovoko pasabidea, aldiz, zabalik utzi dute.
Ranko Ostojic Kroaziako Barne ministroak gainezka zeudela esan zuen atzo gauean, eta litekeena zela mugako postuak aldi baterako itxi behar izatea. "Beste errefuxiatu olde bat badugu, muga blokeatu beharko dugu, herrialdera sartu den jendetzari eman beharreko laguntza humanitarioa egonkortzeko", azaldu zuen elkarrizketa batean.
Kroaziako HTV telebista publikoak zabaldutako irudietan, Serbiako mugako postuetatik etengabe sartzen ari ziren errefuxiatuak ikus daitezke. Oinez, ibilgailuz, autobusez... denak balio du herrialdearen hegoaldera ahalik eta azkarren joateko. Zagreb dute helburu, eta handik, Eslovenia igaro eta Austriara heltzea. Azken jomuga Alemania edo Suedia dute. Ibilbide horretan lehen oztopoa topatu dute askok: Eslovenia Kroaziarekin lotzen duen trenbidea itxi du Esloveniako Gobernuak, 300 bat errefuxiatu zeramatzan lehen trena jaso ostean.
Hungaria, alanbre-hesiak jartzen nonahi
Viktor Orban Hungariako lehen ministroak lehenengo lepotik du burua. Serbia eta Hungaria arteko mugan eraikitako 175 kilometroko hesiari beste bat erantsiko diote aurki. Horren arabera, Kroaziarekin duten mugan 41 kilometroko luzera eta metro eta erdiko garaiera duen hesia altxatzeari ekin diote.
"Gure mugak babestuko ditugu. Ez genuen halako mundu bat nahi", esan du Orbanek Kossuth irrati kate publikoari eskainitako elkarrizketan.
"Serbiako mugan egindako hesi bera egingo dugu", erantsi du.
Poliziak indarrez hartu ditu errefuxiatuak Horgos herriko pasagunean, eta oldarraldiari buruz galdetu diotenean, bere burua zuritu du Orbanek: "Etorkin armatuek eraso egin diote gure herrialdeari".
Albiste gehiago mundua
AEBk egindako erasoei Iranek emango dion erantzunari so jarraitzen munduak
- Iranek atzo iragarri zuen aukera guztiak mahai gainean dituela, eta erantzunaren neurria aztertzen ari direla. Irango Parlamentuak Ormuzko itsasartea ixteko eskatu du. - Donald Trump AEBko presidentea pozik agertu da erasoak eragindako ondorioekin, eta Iranek “erregimen aldaketa” behar duela esan du.
Albiste izango da: AEBen erasoa Iranen, Cerdan kasua eta San Joan bezpera
eitb.eus-ek gaur egingo dituen albiste nagusien laburpena
Ormuzko itsasartea, petrolioa eta gasa komertzializatzeko gune estrategikoa, ixteko gomendatu du Irango Parlamentuak
Azken hitza, hala ere, Segurtasun Nazionaleko Kontseilu Gorenak eta Ali Khamenei aiatolak, Irango buruzagi gorenak, izango dute. Persiar golkoaren eta Omango golkoaren artean dago Ormuzko itsasartea, eta tarterik estuenean 54 kilometro ditu. Batez beste 13 zisterna-ontzi igarotzen dira egunero bertatik, eta 15 milioi petrolio-upel baino gehiago garraiatzen dituzte. Itxiko balitz, mundu osoan izango luke eragina.
Mikel Ayestaran: "Hemendik aurrera bi fronte izango ditu Iranek: batetik, Israel, eta, bestetik, AEBren baseak Ekialde Hurbilean"
EITBren Ekialde Hurbileko korrespontsalaren esanetan, "Iranek uste du eskualdeko base kopurua ez dela indar-erakusle, ahultasunarena baizik, denak babesteko zailtasunak izango dituelako AEBk".
Iranek ez du aukerarik baztertzen, AEBk instalazio nuklearren aurka eraso egin ostean
Irango Atzerri ministroak adierazi duenez, AEBk "Nazio Batuen Gutuna, nazioarteko zuzenbidea eta Arma Nuklearrak Ez Ugaritzeko Ituna urratu ditu Irango instalazio nuklear baketsuei eraso eginda", Nazio Batuen Segurtasun Kontseiluko kide iraunkor gisa. Erasoak "sumingarriak" direla esan, eta "ondorio iraunkorrak" izango dituztela gaineratu du.
AEBk Irango azpiegitura nuklearrak bonbardatu ditu
Iranen hiru instalazio nuklear bonbardatu ostean, Donald Trump AEBko presidenteak "bakea edo tragedia" aukeratzeko eskatu dio Irani. Oposizio demokratak Konstituzioa urratu izana leporatu dio Trumpi, Kongresuaren baimen espliziturik gabe egin duelako beste herrialde baten aurkako ekintza militarra. JD Vanceren hitzetan, bere herrialdea "ez dago Iranekin gerran, haren asmo nuklearrekin baizik".
Guterresek gaitzetsi egin du AEBk Irani egindako erasoa, eta diplomaziaren bideari eusteko eskatu du
Egoeraren larritasunaz ohartarazi du Nazio Batuen Erakundeko buruak. Indarkeria ekintzak areagotzeak, bai Iranen, bai mundu osoan, "ondorio katastrofikoak" izan ditzakeela uste du. Nazioarteko komunitateak tentsioa baretzeko eta elkarrizketarako deia egin du.
Martxa jendetsuak Erroman eta Londresen, Gazako erasoaldia amaitzea, Israelekin haustea eta Europaren berrarmatzea gelditzea eskatzeko
Londresko Palestinaren aldeko Martxa Nazionalean parte hartu dutenek oihuka eskatu dute Israelek Palestinako lurraldean "okupazioa" amaitzea eta Israelek Irani egindako bonbardaketak bertan behera uztea. Erroman, milaka lagunek Europaren berrarmatzea gelditzeko eta bakea berrezartzeko eskatu dute.
Trumpek esan du Espainiak "oso gutxi" ordaintzen duela NATOko kide gisa
Horrekin batera, AEBko presidenteak berretsi du erakundeko kide guztiek BPGaren % 5 inbertitu beharko luketela defentsan.
Israelek dozenaka gazatar hil ditu, tiroka, Gaza Hirian
Ostiralean, gutxienez 70 palestinar hil dira Israelek Gazako hainbat guneren aurka egindako erasoetan, Osasun Ministerioak eta Defentsa Zibilak egindako zenbaketaren arabera. Gutxienez 25 laguntza humanitarioa jasotzeko guneetara zihoazela hil dituzte, tiroka.