Kronologia: FARCen eta Kolonbiako Gobernuaren arteko negoziazioa

2012

- Abuztuak 26: Gobernuaren eta FARCen ordezkariek akordioa bilatzeko konpromisoa sinatu zuten, Kuba eta Norvegia bitartekari zirela.

- Abuztuak 27: Santos presidenteak FARCekin negoziazioak abiatuko zituela iragarri zuen.

- Urriak 17: Gobernuaren eta FARCen ordezkariak Oslon bildu ziren, eta negoziazio mahaia Habanan ezarriko zutela adostu zuten.

- Azaroak 19: FARCek bi hilabeteko su-etena iragarrizuen,H abanan negoziazioak hasi baino ordu batzuk lehenago.

2013

- Apirilak 9 abril: Milaka kolonbiarrek “Bakearen aldeko martxa” egin zuten.

- Maiatzak 26: Gobernuak eta FARCek lehen akordioa lortu zuten: lurrei eta nekazal eremuen garapenari buruzkoa.

- Abuztuak 22: Santosek iragarri zuen Gobernuak lege proiektu bat aurkeztuko duela, balizko bake-akordioari buruzko erreferenduma deitzeko.

- Azaroak 6: Aldeek bigarren akordioa lortu zuten (5 gai daude guztira agendan), parte-hartze politikoari buruzkoa.

- Abenduak 15: FARCek 30 eguneko su-eten bat abiatu zuen.

2014

- Maiatzak 16: Agendako hirugarren gaiari buruzko akordioa lortu zuten Gobernuak eta FARCek: drogak.

- Maiatzak 20: FARCek eta ELNk astebeteko su-etena abiatu zutem, Kolonbiako hauteskundeen lehen itzulia zela eta.

- Ekainak 7: Biktimen bost ordezkaritza negoziatzaileekin bilduko zirela iragarri zuten Gobernuak eta FARCek.

- Ekainak 9: Beste su-eten bat, hauteskundeen bigarren itzulia zela eta.

- Ekainak 22: Santos bigarrenez hautatu zuten Kolonbiako presidente.

- Abuztuak 16: Hamabi biktima negoziatzaileekin bildu ziren, Habanan.

- Azaroak 16: FARCek Ruben Dario Alzare jenerala bahitu zuen. Ondorioz, negoziazioak eten egin zituen Gobernuak.

- Azaroak 30: Alzate askatu egin zuen FARCek.

- Abenduak 10: Negoziazioei ekin zieten berriz, Kuban.

- Abenduak 17: FARCek su-eten mugagabea iragarri zuen.

2015

- Martxoak 7: Gobernuak eta FARCek minak kentzeko akordioa lortu zuten.

- Martxoak 10: Santosek bonbardaketak eten zituen, hilabetez.

- Apirilak 9: Presidenteak beste hilabete luzatu zuen bonbardaketen etena.

- Apirilak 15: FARCek 11 militar hil zituen, eta Santosek bonbardaketei berriz ekitea agindu zuen.

- Maiatzak 21: FARCen 27 gerrillari hil ziren, bonbardaketa batean.

- Maiatzak 22: FARCek amaitutzak eman zuen su-etena.

- Maiatzak 24: FARCek hainbat eraso abiatu zituen petrolio-konpainien azpiegituren aurka.

- Ekainak 4: Aldeek Egiaren Batzorde bat sortzea hitzartu zuten. Bakea sinatu eta gero hasiko da martxan.

- Uztailak 10: Gatazkaren intentsitatea txikitzeko akordioa lortu zuten aldeek.

- Uztailak 20: FARCek su-etena hasi zuten.

- Uztailak 25: Santosek berriz eten zituen bonbardaketak.

- Abuztuak 20: FARCek luzatu egin zuen su-etena.

- Irailak 15: Gobernuak lege proiektu bat aurkeztu zuen Kongresuan, bake akordioak azkar ezartzea errazteko.

- Irailak 17: FARCen ordezkariek esan zuten “prest” daudela alderdi politiko bihurtzeko prozesua eztabaidatzeko.

- Irailak 23: Santos eta FARCeko burua bildu egingo dira, justiziari buruzko akordio garrantzitsua ixteko. Horren ondorioz, behin betiko bakea gertu egongo da.

- Urriak 10: Timochenkok adierazi zuen FARCek ez duela kide berririk onartu behar, bake-prozesuaren aurrerapausoak ikusita.

- Urriak 17: Gobernuak eta FARCek akordioa lortu zuten gatazkaren ondorioz desagertu diren 25.000 pertsona bilatzeko.

- Urriak 23: FARCek konpromisoa hartu zuen bere esku hil ziren pertsonen hilotzak entregatzeko, Gurutze Gorriaren laguntzarekin.

- Urriak 28: Santosen ustez, Gobernuak eta FARCek akordioa lortu ahal dute urtea bukatu baino lehen, su-etena abiatzeko. Gerrillak Gabonak baino lehen hastea proposatu zuen

- Urriak 29: Santos prest agertu zen behin betiko su-etena abenduaren erdialdera aurreratzeko.

- Azaroak 10: Timochenkok iragarri zuen irailaren 30ean arma gehiagorik ez erostea agindu ziela gerrillaren egitura guztiei.  .

- Azaroak 22: Gobernuak iragarri zuen indultua emano diela FARCeko 30 presori.

- Abenduak 15: Gobernuaren eta FARCen negoziatzaileek biktimei buruzko akordioa sinatu dute, Habanan.