Alemania-Herbehereak partida bertan behera, atentatu arriskuagatik
Alemaniako agintariek baieztatu egin dute ez dutela lehergailurik atzeman Hannoverreko estadioan. Ordu batzuk lehenago, Poliziak estadioa ebakuatu egin du, Alemaniaren eta Herbehereen arteko futbol partida bertan behera utzi dute, eta hiriko tren geltoki nagusia, hainbat metro geltoki eta TUI Arena kontzertu aretoa ere itxi dituzte, ustezko mehatxu terrorista baten ondorioz.
Prentsaurrekoan, baina, Boris Pistorius Behe Saxoniako Barne kontseilariak baieztatu du oraingoz ez dutela lehergailurik atzeman, eta ez dutela inor atxilotu. Hori bai, polizia lanean ari da oraindik, dena argitzeko.
Bestalde, Thomas de Maiziere Barne ministroak esan du partida bertan behera uztea erabakitzea "gogorra" izan dela, baina lehentasuna "pertsonen segurtasunari" eman behar zaiola.
"Zantzuak oso handiak ziren, eta, horrenbestez, hausnarketa sakona egin ostean, partida bertan behera uztea erabaki dugu", gaineratu du.
Aldez aurretik, Wolker Kluwe Hannoverreko Poliziako buruak ohartarazi du "plan serioak" zeudela partidan atentatua egiteko.
Iluntzean, Alemaniaren eta Herbehereen arteko futbol partida bertan behera utzi dute, "segurtasun arrazoiak tarteko", estadioan atentatu terrorista egingo zuten "zantzu zehatzak" izan baititu Poliziak.
Gainera, Segurtasun Indarrek etxean geratzeko deia egin zieten herritarrei.
Alemaniak eta Holandak 20:45ean jokatu behar zuten partida Hannover hirian lagun arteko lehian, 2016ko Europako prestatzeko. Frantzian egingo dute datorren udan.
Hannoverreko poliziak etxera joateko eskatu diete ikusleei. "Irten zaitezte estadiotik. Ez gelditu hemen", esan dute segurtasun indarrek, DW Sports egunkari alemaniarraren arabera.
Albiste gehiago mundua
BRICSek multilateralismoa babestu dute eta gerrak, zigorrak eta muga-zergak gaitzetsi dituzte
'Rio de Janeiroko Adierazpena' izeneko dokumentua adostu dute igande honetan Brasilgo hirian bildu diren garapen bidean dauden herrialdeen BRICS taldeko buruzagiek. Dokumentu horretan islatuta utzi dute "munduko hainbat tokitan gaur egun dauden gatazkengatik eta nazioarteko ordenaren polarizazio eta zatiketa egoeragatik" duten kezka.
70 dira dagoeneko Texasko uholdeetan hildakoak, tartean 21 haur, eta dozenaka daude desagertuta
Uda Camp Mystic kanpamentu kristauan pasatzen ari ziren hamaika adingabe eta gazte oraindik desagertuta daude. Estatuko meteorologia zerbitzuak datozen orduetan euri jasa gehiago izango direla ohartarazi du, eta baliteke gainezka egitea.
Irango buruzagi gorena berriro agertu da jendaurrean, Israelekin gerra hasi zenetik lehen aldiz
Ali Khamenei islamaren adar xiitako fededunen ospakizun baten bezperan agertu da, Teheranen.
Dalai-lamak 90 urte bete ditu, bere ondorengoa aukeratzeko prozesua abiatuta
Aukeratze prozesu hori ilusioz bizi dute gurean bizi diren budistek ere. Prozesua mistikoa da, luze jo dezake, eta dalai-lama berria izan daitekeen haurrari, besteak beste, objektuen proba egiten zaio.
Israelentzat “onartezinak” dira Hamasek su-etenari egin nahi dizkion aldaketak, baina negoziatzen jarraituko du
Laguntza humanitarioa berriro Nazio Batuen Erakundeak kudeatzea da talde islamistak egindako eskakizunetako bat.
27 neskato-begiralek osatutako talde bat desagertuta dago oraindik, Texasen izandako uholde larrien ondorioz
Dagoeneko 52 lagun hil dira Texasko erdialde-hegoaldea astindu duten uholde larriengatik. Ehunka pertsona erreskatatu dituzte kanpalekuetan, baina Hunt herrian, Guadalupe ibaiaren ondoan kanpatuta zegoen eskola-talde bat aurkitu ezinda dabiltza.
Dalai-lamak, Tibeteko budisten buruzagi espiritualak, 90 urte bete ditu
Munduko buruzagi erlijioso garrantzitsuenetakoak ekitaldi jendetsua egin du bere etxebizitzan, Indiako iparraldean, lagun ugariz inguratuta, tartean Richard Gere aktorea. 14. dalai-lamak 130 urte baino gehiago bizitzeko itxaropena du, eta Txinako inposaketei aurre egiten jarraituko duela hitzeman du.
Muskek America Party sortu du, AEBri "askatasuna itzultzeko" alderdi politikoa
“Batzuentzat alderdi bakarrekoa” den “bi alderdiko sistema” deuseztatzea da horren helburua, eta “lege liskartsuen aurrean boto erabakigarria” izan nahi du.
Miguel Uribe senatariaren aurkako atentatuaren ustezko egile intelektuala atxilotu dute
"Hilketa saiakera, armak legez kanpo eramatea eta delituak egiteko adingabeak erabiltzea" egotzita atxilotu dute atentatuaren ustezko egile intelektuala.
Paristarrak eta turistak Sena ibaian bainatzen hasi dira berriro
Mende bat geroago, paristarrak eta turistak Sena ibaian bainatzen hasi dira, berriro, Eiffel dorretik gertu. Uztailaren 5a eta abuztuaren 31 bitartean izango da bertan bainatzeko aukera, eta hiru gune egokitu dituzte horretarako: hirigune historikoaren parean (udaletxe ondoan), mendebaldean Eiffel dorrera begira eta hego-ekialdean, Bercyn. Parisko Olinpiar Jokoak eta Paralinpiar Jokoak izan eta urtebetera heldu da albistea, duela urtebete, hainbat gorabeheraren ondorioz, uraren kalitatea zalantzan jarri ostean.