Maliko Gobernuak larrialdi egoera ezarri du hamar egunez
Maliko Gobernuak larrialdi egoera ezarri du "herrialde osoan" hamar egunez, ostiralean Bamako hiriburuko hotel baten kontra izandako atentatuaren ondotik. Guztira, 170 pertsona zeuden Radisson hotelean erasotzaileak sartu zirenean, atzerritarrak gehienak.
Larunbat gauerdian sartu da indarrean larrialdi egoera eta hamar egun iraungo du. Gainera, Gobernuak hiru dolu egun ezarri ditu astelehenetik aurrera.
Hasiera batean atentatuan 27 pertsona hil zituztela zabaldu bazen ere, Ibrahim Boubacar Keïta Maliko estatuburuak emandako azken datuen arabera, Bamako hiriburuko Radisson hotelaren kontrako erasoan 19 pertsona hil zituzten. Gainera, Segurtasun Indarrek 2 terrorista hil zituzten. Bestalde, RFI irrati katearen arabera, zazpi lagun zauritu ziren erasoan.
"Gure indarrek, ausardiaz, hotelean zeuden guztiak akabatzeko prest zeuden fanatiko horiek menderatzea eta indargabetzea lortu dute", azpimarratu du Keitak. Ildo berean, esker oneko hitzak izan ditu operazioan lagundu duten herrialdeekiko eta, bereziki, Frantziarekiko eta AEBrekiko.
Al Murabitun eta Magreb Islamikoaren Al-Qaida talde jihadistek aldarrikatu dute erasoa, eta hura elkarriekin gauzatu dutela azaldu dute, Al Ajbar agentziari egindako dei batean. Enpresa horrek iturri onak izan ohi ditu talde jihadistekin. Lehen aldia da bi talde terroristek atentatu bat elkarlanean egin dutena.
Erasoa ostiral goizaldean gertatu zen. Matrikula diplomatikoa zeraman auto batetik lau lagun jaitsi, eta hotelean sartu ziren. Horretarako, atea zaintzen ari zirenak tirokatu zituzten, horietako bi larri zaurituz.
Ondoren, erasotzaileek Radisson hotelean sartzea lortu zuten, hiriburuko hotel seguruena dela zioten arren. Hotelean, 170 pertsona zeuden erasotzaileak sartu zirenean; atzerritarrak gehienak.
Bahituen artean, teknologia berriei buruzko kongresu batean parte hartzera zihoazen atzerritar ugari zeuden, segurtasun indarretako eta hoteleko iturrien arabera. Tartean, 20 indiar, hainbat frantziar, txinatar eta turkiar ei zeuden.
Al Murabitun
Al Murabitun talde jihadistak Mali iparraldean du oinarria, eta tuaregek eta herritar arabiarrek osatzen dute, eta erasoa beregain hartu badu ere, ez dago mezuaren egiazkotasuna egiaztatzerik.
Al Murabitun 2013an sortu zen, Odol Sinatzaileen batailoiak eta Afrika Mendebaldeko Jihadaren Batasunaren aldeko Mugimenduak bat eginda.
Aurreko maiatzean, Al Murabitunen buruek leialtasuna agertu zioten Estatu Islamikoari, baina horrek oraindik ez du onartu leialtasun hitzematea.
Zure interesekoa izan daiteke
Islamabadeko xiiten gurtza leku batean izandako atentatu suizida batek dozenaka hildako eta zauritu utzi ditu
Pakistango Defentsa ministroak jakinarazi duenez, bertan zeuden segurtasun zaindariek aurre egin diote erasotzaileari, baina "tiro eginez eta immolatuz erantzun du". Pakistango agintariek Afganistango talibanei eta Indiari egotzi diete erasoa.
Txinak adierazi du ez duela negoziazio nuklearretan parte hartuko, START III ituna iraungi ostean
Asiako erraldoiak dio bere gaitasun nuklearrak ez daudela Estatu Batuen edo Errusiaren parean. Etxe Zuriak salatu du Txinak nabarmen handitu duela bere ahalmen nuklearra.
Preso politikoentzako amnistia legea onartzeko lehen pausoa eman du Venezuelako Parlamentuak
Delcy Rodriguez presidente arduradunak bultzatutako eta ostegunean lehen bozketan onartutako proiektuak 1999tik (chavismoa boterera iritsi zenetik) gaur egunera arte atxilotutako preso politikoak hartzen ditu barne, eta kanpoan uzten ditu giza eskubideen urraketa larriengatik auzipetuak edo zigortuak. Kontsulta prozesua zabalduko da orain, eta bigarren eztabaida batean onartu beharko da gero.
Arma nuklearren START III tratatua iraungi den egunean, eustearen aldeko jarrera agertu dute Errusiak eta AEBk
START III itunak arma nuklear estrategikoen kopurua mugatzen zuen, gehienez 1.550 buru nuklearretara eta 700 sistema balistikotara, bi potentzietako bakoitzerako, izan lurrean, itsasoan edo airean. Start III 2010eko apirilaren 8an sinatu zuten, Pragan, Dmitri Medvedev Errusiako eta Barack Obama AEBetako orduko presidenteek, eta 2021eko otsailean berritu zuten beste bost urterako eta gaur iraungi da.
Trumpek ez du bere ondorengoaz hitz egin nahi izan, eta nabarmendu du Vance eta Rubio "zoragarriak" direla
Donald Trump Ameriketako Estatu Batuetako presidenteak Etxe Zurian bere ordezkoari buruz ez du iritzirik eman nahi izan, eta JD Vancen eta Marco Rubioren lana goraipatu ditu.
AEBk eta Ukrainak produktibotzat jo dituzte Errusiarekin izan dituzten negoziazioak
Ukraina eta Errusiako ordezkariak Arabiar Emirerri Batuetako hiriburuan bildu dira, Estatu Batuetako ordezkariekin batera, gerrari amaiera ematea duen bigarren bilera sorta batean. Elkarrizketek ostegunean jarraituko dute.
21 palestinar hil ditu Israelek Gazan, tartean sei haur, gauez egindako erasoetan
Erasoen biktimetako bat Hussein Hassan Hussein Al Samiri da, Palestinako Ilargi Gorriko paramediko bat. Israelek atzo gauetik jaurtitako bonbardaketa ugarietako batetik zaurituak zeramatzala eraso diote. Su-etenaz geroztik Israelek egindako erasoen ondorioz hildako gazatarren kopurua 556ra igo da, horien artean 115 adingabe baino gehiago.
Trumpek eta Petrok bakeak egin dituzte, urtebetez irainka aritu ostean
Donald Trump AEBko presidenteak eta Gustavo Petro kolonbiar homologoak astearte honetan bakeak egin dituzte, tonu atsegineko bilera batekin, Etxe Zurian, desadostasunek eta irain gurutzatuek markatutako urte baten ondoren.
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.
Nobel Institutuak adierazi du Machadoren sariaren berri filtratu zela, baina ez du zehaztu nola
"Iragarpena egin baino ordu batzuk lehenago hainbat pertsonak dirutza jokatu zuten apustu-webguneetan, eta, hortaz, ziur esan dezakegu batzuk gai izan zirela iazko erabakiari buruzko informazioa legez kanpo eskuratzeko", adierazi du Institutuak ohar batean.